جەكسەنبى, 23 اقپان 2020
2199 3 پىكىر 26 ماۋسىم, 2017 ساعات 10:11

قازاقستان الەمدىك قاۋىمداستىققا انتيتەررورلىق وپەراتسيا كودەكسىن ۇسىنادى

قازاقستاننىڭ سىرتقى ىستەر ءمينيسترى قايرات ءابدراحمانوۆ استانادا بۇۇ-مەن بىرگە بۇكىلالەمدىك قاۋىمداستىققا ارنالعان انتيتەررورلىق وپەراتسيانىڭ استانالىق كودەكسىنىڭ جوباسى ازىرلەنىپ جاتقانىن مالىمدەدى.

«مەملەكەت باسشىسى نۇرسۇلتان نازارباەۆتىڭ بۇۇ-نىڭ قاراۋىنا ۇسىنعان بىرنەشە باستاما بار. ولار بۇگىن ءبىز تاپ بولىپ وتىرعان حالىقارالىق تەرروريزم مەن ەكسترەميزمگە قارسى كۇرەستە الەمدىك قاۋىمداستىقتى بىرىكتىرەدى. انتيتەررورلىق وپەراتسيا جۇرگىزۋ جونىندەگى استانالىق كودەكس بۇل عالامدىق قاۋىپكە قارسى كۇرەسكىلەرى كەلەتىندەردىڭ باسىن بىرىكتىرۋگە شاقىرادى. قازىر بۇۇ ساراپشىلارى قازاقستاندىق دەلەگاتسيامەن بىرگە جۇمىس ىستەپ جاتىر. سوسىن بۇل قۇجات بۇۇ قاۋىپسىزدىڭ كەڭەسىنە جىبەرىلەدى»، - دەپ ەۋرازيالىق مەديافورۋم كەزىندەگى قايرات ءابدراحمانوۆتىڭ سوزدەرىنە سىلتەمە كەلتىرەدى جەرگىلىكتى باق.

Abai.kz

3 پىكىر