جۇما, 29 ناۋرىز 2024
جاڭالىقتار 5083 0 پىكىر 24 ماۋسىم, 2017 ساعات 20:06

الەم قازاق جاستارىنىڭ تۇڭعىش فورۋمى ءوتتى

بۇگىن استانا قالاسىندا «نۇر-وتان» پارتياسى مەن دۇنيەجۇزى قازاقتارى قاۋىمداستىعى بىرلەسە وتىرىپ الەم قازاق جاستارىنىڭ تۇڭعىش فورۋمىن وتكىزدى، – دەپ حابارلايدى Abai.kz اقپاراتتىق پورتالى.

دۇنيەجۇزى قازاقتارىنىڭ V قۇرىلتايى اياسىندا وتكەن بۇل شاراعا «نۇر-وتان» پارتياسى توراعاسىنىڭ ءبىرىنشى ورىنباسارى مۇحتار قۇلمۇحاممەد پەن دۇنيەجۇزى قازاقتارى قاۋىمداستىعىنىڭ توراعاسى زاۋىتبەك تۇرىسبەكوۆ ارنايى قاتىسىپ، قازاق جاستارىنا تىلەۋلەستىگىن ءبىلدىردى.

الەم قازاق جاستارى ەلباسىنىڭ «بولاشاققا باعدار: رۋحاني جاڭعىرۋ»  اتتى ماقالاسىن قولدايتىنىن ءبىلدىرىپ، بۇل فورۋمدى «جاستار رۋحاني جاڭعىرۋدى قولدايدى» دەگەن تاقىرىپتا وتكىزگەنىن ايتا كەتۋ كەرەك.

فورۋم بارىسىندا «نۇر-وتان» پارتياسى توراعاسىنىڭ ءبىرىنشى ورىنباسارى مۇحتار قۇلمۇحاممەد 39 ەلدەن كەلگەن قازاق جاستارىنىڭ وي پىكىرىن تىڭداپ، ولارمەن پىكىر الماستى.  جاستار دا ءوز تاراپتارىنان فورۋمدا ايتىلعان ماسەلەلەرگە قىزىعۋشىلىقتارىن ءبىلدىرىپ، ۇسىنىستارىن ورتاعا سالدى. ماسەلەن، مۇحتار قۇلمۇحامەد الداعى ۋاقىتتا رەسەيدەگى قازاق جاستارىنا قول ۇشىن سوزاتىنىن مالىمدەدى. سونداي-اق، رەسەيدەگى «ءمولدىر» مادەنيەت ورتالىعىنا ارنايى سىي-جورالعى تارتۋ ەتتى.

شەتەلدەگى تالانتتى قانداستاردى قولداۋ ءۇشىن ومىرگە كەلگەن «نۇر-تالانت» باعدارلاماسىن دامىتۋ جايلى دا ءسوز بولدى. الداعى ۋاقىتتا شەتەلدەگى قازاق جاستارىنا ءبىلىم گرانتىن بەرۋ ماسەلەسى قارقىن الا تۇسەتىنى ايتىلدى.

Cونداي-اق، «نۇر-وتان» پارتياسى توراعاسىنىڭ ءبىرىنشى ورىنباسارى مۇحتار قۇلمۇحاممەد پەن دۇنيەجۇزى قازاقتارى قاۋىمداستىعىنىڭ توراعاسى زاۋىتبەك تۇرىسبەكوۆتەر "وتانداستار" قورىنا 1 ملن. تەڭگەدەن اۋداراتىن بولدى.

شىڭعىسحان بەردىقوجا

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616