جۇما, 29 ناۋرىز 2024
جاڭالىقتار 4644 20 پىكىر 6 ماۋسىم, 2017 ساعات 11:48

رۋحاني جاڭعىرۋ: جەتىسۋ جۇرتشىلىعى جازۋشىلارمەن جۇزدەستى

مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ ماقساتى مەن مۇددەسىن قالىڭ بۇقاراعا جەتكىزىپ، كەڭ كولەمدە ناسيحاتتاۋ جۇمىسىنا ەرەكشە ءمان بەرىلىپ وتىر. جەتىسۋ جۇرتشىلىعى دا رۋحاني جاڭعىرۋعا وزىندىك ۇندەرىن قوسىپ، ماڭىزدى باسقوسۋار مەن كەلەلى كەزدەسۋلەرگە بەلسەنە قاتىسۋدا.

كۇنى كەشە قالىڭ قاۋىم «اقىندار مەن باتىرلار ەلى» دەپ ۇلكەن قۇرمەتپەن اتايتىن جامبىل اۋدانىنىڭ ورتالىعى ۇزىناعاش اۋىلىنداعى اۋداندىق كىتاپحانادا وسى تاقىرىپتا تاعى ءبىر تاعىلىمدى جۇزدەسۋ وتكىزدى، دەپ حابارلايدى «ايقىن» گازەتى.

ادەبيەتسۇيەر قاۋىم ەسىمدەرىن جاتقا بىلەتىن، كىتاپتارىن جاستانا جاتىپ وقيتىن ەلگە بەلگىلى جازۋشىلار مارحابات بايعۇت پەن نەسىپبەك ءداۋتايۇلى ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنىڭ ەل بولاشاعى ءۇشىن ۇلكەن مىندەتتەر جۇكتەيتىنىن جۇرتشىلىققا جەتكىزۋگە تىرىستى.

وڭتۇستىك قازاقستان جانە جامبىل وبلىسىنان جىر الىبىنىڭ تۋعان جەرىنە ارنايى ءارى ارداقتى ماقساتپەن كەلگەن قالامگەرلەرمەن كەزدەسۋگە اۋ­داندىق مە­كەمە، ءبولىم باسشىلارى مەن قوعامدىق ۇيىمدار جەتەكشىلەرى قا­تىستى. مادەنيەت پەن ادەبيەت سالا­سى­نىڭ ادامدارى سۇيىكتى جازۋ­شىلارمەن جۇزدەسۋگە ءبىر كىسىدەي جينالدى. كەزدەسۋدى وتكىزۋگە مۇرىندىق بولعان قازاقستان حالقى اسسامبلەياسى.

ءبىرىنشى بولىپ ءسوز العان اۋدان اكىمىنىڭ ورىنباسارى قانىبەك ايتجانوۆ ەلبا­سىنىڭ ءوز ەلىمىزدە عانا ەمەس، الىس-جاقىن شەت مەملەكەتتەردەگى مەملەكەت جانە قوعام قايراتكەرلەرىنىڭ، ساياساتكەرلەردىڭ جوعارى باعاسىن العان باعدارلامالىق ماقالاسى­نىڭ ماڭىزى مەن ماقسات-مۇراتى جايىندا ەگجەي-تەگجەيلى بايانداي كەلە، وڭتۇستىكتەن ات ارىتىپ جەتكەن جازۋشىلارعا ءسوز بەردى. جازۋشى، جۋرناليست، اۋدارماشى، قا­زاقستاننىڭ ەڭبەك سىڭىرگەن قاي­راتكەرى، حالىقارالىق «الاش» سىي­لىعىنىڭ لاۋرەاتى، «قۇرمەت» وردەنىنىڭ يەگەرى، وڭتۇستىك قازاقستان وبلىسىنىڭ قۇرمەتتى ازاماتى، قازاقستاننىڭ قۇرمەتتى جۋر­ناليسى مارحابات بايعۇت رۋحاني جاڭعىرۋ­دىڭ قالىڭ بۇقارامەن بىرگە قولىنا قالام ۇستاعان قاۋىمعا دا سونى سەرپىلىس اكەلگەنىن ايتتى. مۇن­داعى باستى مىندەت تە رۋحانيات سالا­سىندا تەر توگىپ ءجۇر­گەندەرگە جۇكتە­لەتىندىگىن، سوعان ساي باعدارلامالىق ماقا­لادا ايتىل­عانداردى ءىس جۇزىنە اسىرۋعا بار­لى­عىمىز ات سالىسۋىمىز قاجەتتىگىنە دە توقتالدى.

جازۋشى، حالىقارالىق «الاش» ادەبي سىيلىعىنىڭ لاۋرەاتى، قا­زاقستاننىڭ ەڭبەك سىڭىرگەن قايراتكەرى، «جامبىل» ادەبي-كوپشىلىك جۋرنا­لىنىڭ باس رە­داكتورى، قازاقستان جازۋشىلار وداعى جامبىل وبلىستىق فيليالىنىڭ ديرەك­تورى نەسىپبەك ءداۋتايۇلى دا ارىپتەسىنىڭ تۇشىمدى ويىن تولىقتىرىپ، ودان ارى تولعادى. ەلىمىزدىڭ تۇڭعىش پرەزي­دەنتىنىڭ حالىقتى رۋحاني جاڭعىرتۋدا­عى سارابدال ساياساتكەرلىگىن، كورەگەن كوشباسشىلىعىن، ۇلت مۇددەسىن كوزدە­گەن باتىل باستامالارىن كەڭىنەن قوزعادى.

جازۋشىلارمەن جۇزدەسۋدە ەلبا­سىنىڭ ەل بولاشاعىن باياندى ەتۋگە باعىتالعان باعدارلاماسىنىڭ ۇلتىمىز ءۇشىن اسا ماڭىزدىلىعى، ونەگەسى ورەلى ەكەندىگى جايلى پايىمدى پىكىرلەر مەن تۇجىرىمدى ويلار ورتاعا سالىندى. قوس قالامگەردىڭ باستاماسى الداعى كەزدە دە جالعاسىن تاپسا جاقسى بولار ەدى دەگەن ۇسىنىستار ايتىلدى. شىندىعىندا، ەلباسىنىڭ باعدارلامالىق ماقالاسىن اتقارۋشى بيلىك وكىلدەرىنەن گورى، ەسىمدەرى ەل جادىندا جاتتالعان، مىڭ­داعان وقىرماندارى اسىعا كۇتەتىن رۋحانيات مايدانىنىڭ ناعىز ساردار­لارى بولىپ سانالاتىن مىقتى اقىن-جازۋشىلار ناسيحاتتاسا، قازاقتىڭ باي تىلىمەن كەستەلەپ جەتكىزسە، حالىق ونى دۇرىس قابىلدار ەدى. كەلەشەكتە ۇلتى­مىز تابىستى بولۋى ءۇشىن ءاربىر قا­زاقستان­دىق باسەكەگە قابىلەتتى، سانا-سەزىمى جوعارى، ءبىلىمدى، ساۋاتتى بولۋى ءتيىس. ۇلتتىق كودتى، مادەنيەتتى ساقتاپ، جاڭا زامان جەتىستىكتەرىن بويعا سىڭىرە وتىرىپ، جالپىادامزاتتىق قۇندىلىق­تارمەن رۋحاني بايۋىمىز قاجەت. قازاق ءتىلىن بىرتىندەپ لاتىن الىپبيىنە كوشىرۋ، «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى، جالپىۇلتتىق ءپاتريوتيزمدى دارىپتەيتىن «تۋعان جەر» باعدارلاماسى، ۇلتتىق مادەنيەتىمىزدىڭ وزىق ۇلگىلەرىن كور­سەتەتىن «قازاقستانداعى 100 جاڭا ەسىم» جوباسى بىزدەردى رۋحاني تۇرعىدا جاڭا بەلەستەرگە باستارى ءسوزسىز.

قۇرمەتتى قوناقتاردان كەيىن ءسوز العان بەلگىلى جۋرناليست كۇمىسجان بايجان، اۋداندىق ارداگەرلەر كەڭەسىنىڭ توراعاسى قىرعىزبەك اتاگەلديەۆ، اقىن گۇلنار ومىرزاقوۆا ەلباسىنىڭ باع­دارلامالىق ماقالاسىنا بايلانىستى وي-پىكىرلەرىن ءبىلدىردى.
دەرەككوزى: inform.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541