بەيسەنبى, 28 ناۋرىز 2024
ەكونوميكا 4477 0 پىكىر 29 مامىر, 2017 ساعات 11:31

ومىرزاق شوكەەۆ: پوچتانىڭ بولاشاعى جاڭا تەحنولوگيالاردا

«ترانسفورماتسيالاۋدىڭ ەڭ جارقىن مىسالى «قازپوچتا»،-  دەپ مالىمدەدى «سامۇرىق-قازىنا» باسقارما توراعاسى ومىرزاق شوكەەۆ.

«سامۇرىق-قازىنا» قورىنىڭ كورپوراتيۆتىك ورتالىعىندا ترانسفورماتسيا باعدارلاماسىن قورىتىندىلادى جانە ەنشىلەس كومپانيالارعا ەستافەتا تابىستالدى. قور باسشىسى «قازپوچتا» اق ترانسفورماتسياسىن تابىستى مىسالى رەتىندە كەلتىردى.

«پوچتا – ترانسفورماتسيالانۋدىڭ قانشالىقتى ماڭىزدى ەكەندىگىن كورسەتەتىن جارقىن مىسال. ەگەر پوچتا كۆو-مارتەبەسىن ساقتاپ، ەسكىشە جۇمىس ىستەۋىن جالعاستىرا بەرەر بولسا -  قۇردىمعا كەتەر ەدى. پوچتا ءۇشىن بۇگىنگى بارلىق ءداستۇرلى بيزنەستەر ەسكىردى. بارلىعى جاڭا تەحنولوگيالاردا جۇرگىزىلىپ جاتقان قازىرگى زاماندا كىم حات جىبەرىپ جاتادى، ەگەر بەيىمدەلە الماسا، جاڭا تەحنولوگيالار پوچتا ءتارىزدى بيزنەستەردى جويىپ جىبەرەدى»،- دەدى شوكەەۆ.

سونىمەن قاتار، قور باسشىسى پوشتا ءۇشىن ءداستۇرلى ەمەس قىزمەتتەرگە دەن قويۋعا شاقىردى.

«قازىر پوشتا بانكتىك مەكەمە بولىپ كەلە جاتىر، ول ءداستۇرلى ەمەس باسقا دا وپەراتسيالاردا تابىس تابۋى كەرەك. ول مۇلدەم باسقا تەحنولوگيالارعا – e-commerce باعىتىنا كەتۋى كەرەك»،- دەپ ءسوزىن جالعادى ول.

«كازپوچتا» باسقارما توراعاسى ساكەن سارسەنوۆ بۇل كومپانيا «سامۇرىق-قازىنا» توبى ىشىندەگى تولىقتاي قىزمەت كورسەتۋگە جانە كليەنتكە باعىتتالعان جالعىز كومپانيا ەكەنىن ايتتى.

«ترانسفورماتسيا اسىندا ءبىز لوگيستيكالىق ينفراقۇرىلىمدى جۇزەگە اسىرا الدىق، ارينە ونى جەتىلدىرە تۇسەمىز، دەگەنمەن دە، ءبىز قىتايدان رەسەيگە، ەۋروپاعا جانە كەرى باعىتتا، سونداي-اق قازاقستان ىشىندە دە سول تاۋارلاردى تاسىمالداۋدى قولعا الۋىمىز كەرەك»،- دەپ مالىمدەدى سارسەنوۆ.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3524