جۇما, 29 ناۋرىز 2024
ەكونوميكا 3683 0 پىكىر 23 مامىر, 2017 ساعات 11:18

سامۇرىق-قازىنا ءبىر جىلدا 730 ملرد تەڭگە پايدا تاپتى

بۇل تۋرالى قوردىڭ قارجى جانە وپەراتسيالار بويىنشا باسقارۋشى ديرەكتورىنىڭ مىندەتىن اتقارۋشى ەرنار ءجانادىل مالىمدەدى.

ونىڭ ايتۋىنشا، «سامۇرىق-قازىنانىڭ» شوعىرلاندىرىلعان جالپى پايداسى 2016 جىلى 325 ملرد تەڭگەگە، نەمەسە 2015 جىلمەن سالىستىرعاندا 80% ءوسىپ، 730 ملرد تەڭگەنى قۇرادى.

قوردىڭ شوعىرلاندىرىلعان تابىس سوماسى شامامەن 4,1 ترلن تەڭگەنى قۇراپ، 2015 جىلدىڭ كورسەتكىشىنەن 1 ترلن تەڭگەگە، نەمەسە 32% اسىپ ءتۇستى. ە.ءجانادىلدىڭ ايتۋىنشا، تابىس ءوسىمى 2016 جىلدىڭ ەكىنشى جارتىسىنداعى باعا بەلگىلەنىمدەرىنىڭ ءوسۋى بايقالعان كەزدە شيكى مۇنايدىڭ قوسىمشا كولەمىن ساتۋمەن، سونداي-اق اففيناجدى التىن مەن گاز - مۇناي وڭدەۋ ونىمدەرىن وتكىزۋمەن بايلانىستى.

«نەگىزى، شيكى مۇناي ساتۋ بويىنشا باعا فاكتورى تەرىس بولادى دەپ كۇتىلگەن ەدى، دەگەنمەن دە شيكىزاتتىڭ باستى بولىگى مۇنايدىڭ ورتاشا باعاسى باررەلىنە $50 جەتكەن كەزدە، ياعني 2016 جىلدىڭ ەكىنشى جارتىسىندا ساتىلعاندىقتان، وڭ ناتيجە الۋ مۇمكىن بولدى»، - دەپ ءتۇسىندىردى ول.

كومپانيا وكىلى 2016 جىلى وڭدەلگەن گاز ونىمدەرىن ساتۋ 79 ملرد تەڭگەگە وسكەنىن مالىمدەدى. مۇناي ونىمدەرىن ساتۋ 70 ملردقا، ال اۋە تاسىمالدارى قىزمەتتەرى 67 ملرد تەڭگەگە ارتتى. سونىمەن قاتار، جۇك تاسىمالى بويىنشا قىزمەت كورسەتۋ 63 ملرد تەڭگەگە ۇلعايدى.

«قور كومپانيالارى توبىنىڭ شوعىرلاندىرىلعان وزىندىك قۇنى 32% كىرىس ءوسىمى كەزىندە تەك 25% ءوسىپ، شامامەن 3,4 ترلن تەڭگەنى قۇرادى. ال كومپانيانىڭ شوعىرلاندىرىلعان جالپى پايداسى 2015 جىلمەن سالىستىرعاندا 325 ملرد تەڭگەگە، نەمەسە 80% ءوسىپ 730 ملرد تەڭگەنى قۇرادى»، - دەپ ءسوزىن جالعادى ول.

ەستەرىڭىزگە سالا كەتەيىك، قولايسىز سىرتقى ەكونوميكالىق ورتا شارتتارىندا جۇمىس ىستەۋگە ءماجبۇر بولعانىنا قاراماستان، وتكەن جىل كومپانيا ءۇشىن جەمىستى بولعاندىعىن قور باسشىسى مالىمدەگەن ەدى.

«قىزمەتتىڭ ستراتەگيالىق نەگىزگى كورسەتكىشتەرى وسە باستادى. وسىلايشا، 2016 جىلدىڭ قورىتىندىسى بويىنشا اكتسيونەردىڭ ۇلەسىنىڭ شوعىرلاندىرىلعان تازا پايداسى 455 ملرد تەڭگەنى قۇراپ، 2015 جىلدىڭ كورسەتكىشىنەن 292 ملرد تەڭگەگە نەمەسە 1,8 ەسەگە اسىپ ءتۇستى. بۇل تابىس بازاسىن ارتتىرۋ جانە شىعىنداردى جۇيەلى تۇردە قىسقارتۋعا بايلانىستى»، - دەدى ەرنار ءجانادىل.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610