«سامۇرىق-قازىنا» وتاندىق اقپاراتتىق كوممۋنيكاتسيالىق تەحنولوگيالار سالاسىن قولداۋعا بەيىلدى. بۇل - بيزنەس-پروتسەستەردى اۆتوماتتاندىرۋ، ءوندىرىستى مودەرنيزاتسيالاۋ جانە وزىق اقپاراتتىق-تالداۋ جۇيەسىن ەنگىزۋ سالاسىنداعى ناقتى قاجەتتىلىكتەردەن تۋىنداپ وتىر.

وسى ماسەلە بويىنشا «سامۇرىق-قازىنا» اق جانە قازاقستاندىق IT كومپانيالار قاۋىمداستىعى (قيتكق) وتاندىق اقپاراتتىق كوممۋنيكاتسيالىق تەحنولوگيالار سالاسىن قولداۋ بويىنشا حاتتاماعا قول قويدى.

قۇجات قور توبىنىڭ كومپانيالارى، «اتامەكەن» ۇكپ، «زەردە» ۇلتتىق ينفوكوممۋنيكاتسيا حولدينگى» اق، «يتپ» اەا يننوۆاتسيالىق قاۋىمداستىعى، «يننوۆاتسيالىق كاسىپورىنداردىڭ قازاقستاندىق قاۋىمداستىعى» زتب، قر قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى قىزمەتىندە تسيفرلىق تەحنولوگيالاردى دامىتۋ ماسەلەلەرى بويىنشا ساراپتامالىق كەڭەستىڭ وكىلدەرىنىڭ جۇمىسىنىڭ ناتيجەسىندە قول قويىلدى.

«وتاندىق IT-كومپانيالارعا قور كومپانيالارىنىڭ بيزنەس-پروتسەستەرىن اۆتوماتتاندىرۋ بويىنشا بىرلەسكەن جوبالار جاساۋعا رۇقسات ەتىلىپ، ولاردىڭ بەلسەندى قاتىسۋلارى ءتيىس ەكەنىن تۇسىندىك. حاتتامانى جۇزەگە اسىرۋ - قازىرگى كەزدە دامي تۇسۋىنە جانە جۇمىس ورىندارىن ساقتاپ قالۋ ءۇشىن قاجەتتى جۇمىس كولەمىن تابۋ كەزىندە قيىندىقتارعا تاپ بولعان باعدارلامالىق قامسىزداندىرۋلار جاسايتىن وتاندىق IT-كومپانيالارعا وڭ اسەرىن تيگىزەتىن بولادى»، - دەپ اتاپ ءوتتى قازاقستاندىق IT-كومپانيالار قاۋىمداستىعىنىڭ پرەزيدەنتى نۇرلان يسين.

«بيزنەستىڭ الەۋمەتتىك جاۋاپكەرشىلىگى شەڭبەرىندە ءبىز وتاندىق باعدارلامالىق قامسىزداندىرۋلاردى ازىرلەۋشىلەرگە قولداۋ كورسەتۋگە دايىنبىز جانە ءوز كەزەگىندە باسەكەگە قابىلەتتى ونىمدەر مەن قۇرالدار كۇتەمىز. اتاپ ايتقاندا، بۇگىنگى كۇنى بىزدە بيزنەس-پروتسەستەردى اۆتوماتتاندىرۋ، ءوندىرىستى مودەرنيزاتسيالاۋ جانە وزىق اقپاراتتىق-تالداۋ جۇيەسىن ەنگىزۋ سالاسىندا ناقتى قاجەتتىلىكتەر بار»، - دەدى قوردىڭ ادام رەسۋرستارى مەن كوممۋنيكاتسيالارىن باسقارۋ بويىنشا باسقارۋشى ديرەكتورى ۇلان تاجىباەۆ.

«سامۇرىق-قازىنا» اق تسيفرلىق تەحنولوگيالاردى دامىتۋ ماسەلەلەرى بويىنشا ساراپتامالىق كەڭەستىڭ جۇمىس توپتارىنىڭ قۇرامىنا قيتكق جانە قور توبىنىڭ كومپانيالارى وكىلدەرى كىرەدى.