بەيسەنبى, 28 ناۋرىز 2024
ەكونوميكا 4081 0 پىكىر 15 مامىر, 2017 ساعات 11:12

«ءبىر بەلدەۋ، ءبىر جول»: "سامۇرىق قازىنا" قىتاي دامۋ بانكىمەن بىرلەسكەن جوبالاردى تالقىلادى

قىتاي استاناسى بەيجيڭدە وتكەن «ءبىر بەلدەۋ، ءبىر جول» حالىقارالىق ىنتىماقتاستىق فورۋمىنا قازاقستاندىق دەلەگاتسيانى پرەزيدەنت ن.نازارباەۆ باستاپ بارعانى ءمالىم.

فورۋم اياسىندا ەكى ەل اراسىنداعى ءتۇرلى سالاداعى كوپتەگەن كەلىسىمدەر جايى ءسوز بولدى.

اتاپ ايتقاندا، «سامۇرىق-قازىنا» اق باسقارما توراعاسى, سونداي-اق قازاقستان تاراپىنان قازاقستان-قىتاي ءىسكەرلىك كەڭەسىنىڭ (ققىك) تەڭ توراعاسى قىزمەتىن اتقارۋشى ومىرزاق شوكەەۆ  بىرقاتار كەزدەسۋلەر وتكىزدى. 

«سامۇرىق-قازىنا» قورىنىڭ باسشىسى ققىك قىتايلىق تاراپىنان تەڭ توراعاسى، ءارى «CITIC Group» ديرەكتورلار كەڭەسىنىڭ توراعاسى چجان چجەنمينمەن كەزدەسىپ، جاڭا جوبالار شەڭبەرىندە ىنتىماقتاستىق مۇمكىندىكتەرىن، سونداي-اق جاقىندا استانادا وتكىزىلۋى جوسپارلانعان ىسكەرلىك كەڭەسىنىڭ ءتورتىنشى وتىرىسىنىڭ كۇن ءتارتىبىن تالقىلادى.

سونىمەن قاتار، ءو.شوكەەۆ قىتاي مەملەكەتتىك دامۋ بانكى (قمدب) توراعاسى حۋ حۋايبانمەن كەزدەسۋ وتكىزىپ، ىنتىماقتاستىقتىڭ اعىمداعى جانە پەرسپەكتيۆالىق باعىتتارى بويىنشا ماسەلەلەردى تالقىلادى.

بۇگىنگى كۇنى قور توبى قمدب قاتىسۋىمەن قارجىلاندىرۋ اۋقىمى 2 ملرد دوللاردان استاتىن حيميا ونەركاسىبى سالاسىندا بىرقاتار جوبالاردى جۇزەگە اسىرۋدا.

ەستەرىڭىزگە سالا كەتەيىك، «ماسالسكي تاۋ-كەن بايىتۋ كومبيناتى» جشس وكىلدەرى 2017 جىلدىڭ 14 مامىرىندا China National Technical Import and Export Corporation (CNTIC) قىتاي كورپوراتسياسى جانە قىتايلىق ەكسيم-بانكپەن اقمولا وبلىسىنداعى ماسالسكي تەمىر رۋداسى كەنىشى نەگىزىندە تاۋ-كەن مەتاللۋرگيالىق كەشەنى قۇرىلىسىن سالۋدى كوزدەيتىن كەلىسىمگە قول قويعان ەدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531