بەيسەنبى, 28 ناۋرىز 2024
جاڭالىقتار 4030 0 پىكىر 1 قاراشا, 2010 ساعات 11:53

تاۋەلسىز قازاقستان – ءبىزدىڭ ەڭ قىمبات، ەڭ اسىل قۇندىلىعىمىز!

20 قازاندا استاناداعى بەيبىتشىلىك جانە كەلىسىم سارايىندا ەلباسى، قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ توراعالىعىمەن "قازاقستان حالقى اسسامبلەياسى: سەنىم. ءداستۇر. اشىقتىق. توزىمدىلىك" اتتى كۇن تارتىبىمەن اسسامبلەيانىڭ ءحVى سەسسياسى ءوتتى. وندا مەملەكەت باسشىسى ءسوز سويلەدى.
قادىرلى وتانداستار!
قۇرمەتتى قوناقتار!
ەلىمىزدەگى تاتۋلىق پەن تۇ­راق­تى­لىقتىڭ التىن ارقاۋىنا اينالعان قازاقستان حالقى اسسامبلەياسىنا بيىل 15 جىل تولدى.
وسىدان 15 جىل بۇرىن ىرگەسى قا­لان­عان اسسامبلەيا وركەنيەتتى الەم­گە ءوزىنىڭ ومىرشەڭدىگىن دالەلدەپ بەردى.
قوعامدىق كەلىسىمنىڭ كەپىلى بول­عان اسسامبلەيا ەلىمىزدەگى تۇتاس­تىق­تىڭ تۇتقاسىنا، بىرلىكتىڭ ءدىڭ­گە­گى­نە، دوستىقتىڭ دانەكەرىنە اي­نالدى.
ەندەشە، بارشاڭىزدى وسى قۇت­تى شاڭىراقتىڭ 15 جىلدىعىمەن شىن جۇرەكتەن قۇتتىقتايمىن!
بارشاڭىز بىلەسىزدەر، ءوزارا سە­نىمگە نەگىزدەلگەن تۇسىنىستىك پەن ءتو­زىم­دىلىك - تاۋەلسىزدىكپەن تۇتاس ۇعىم­دار.
تاعدىر تابىستىرعان، تاريح تو­­عىستىرعان ءتۇرلى ەتنوس وكىلدەرى ازات­تىقتىڭ ارايلى تاڭىندا ورتاق وتانىمىزدىڭ ىرگەسىن بىرگە قا­لاستى.
ىنتىماقتى ىرىسقا، الۋان­دىق­تى بايلىققا بالاعان ءبىز بىرلىكتىڭ قا­زاقستاندىق بىرەگەي ۇلگىسىن قا­لىپتاستىردىق.
بۇل ء"بىز، قازاقستان حال­قى..." دەپ باستالاتىن، اسسامبلەيا­مەن تۇستاس ومىرگە كەلگەن كەلەلى كونستيتۋتسيامىزدا بەرىك كورىنىس تاپتى.

20 قازاندا استاناداعى بەيبىتشىلىك جانە كەلىسىم سارايىندا ەلباسى، قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ توراعالىعىمەن "قازاقستان حالقى اسسامبلەياسى: سەنىم. ءداستۇر. اشىقتىق. توزىمدىلىك" اتتى كۇن تارتىبىمەن اسسامبلەيانىڭ ءحVى سەسسياسى ءوتتى. وندا مەملەكەت باسشىسى ءسوز سويلەدى.
قادىرلى وتانداستار!
قۇرمەتتى قوناقتار!
ەلىمىزدەگى تاتۋلىق پەن تۇ­راق­تى­لىقتىڭ التىن ارقاۋىنا اينالعان قازاقستان حالقى اسسامبلەياسىنا بيىل 15 جىل تولدى.
وسىدان 15 جىل بۇرىن ىرگەسى قا­لان­عان اسسامبلەيا وركەنيەتتى الەم­گە ءوزىنىڭ ومىرشەڭدىگىن دالەلدەپ بەردى.
قوعامدىق كەلىسىمنىڭ كەپىلى بول­عان اسسامبلەيا ەلىمىزدەگى تۇتاس­تىق­تىڭ تۇتقاسىنا، بىرلىكتىڭ ءدىڭ­گە­گى­نە، دوستىقتىڭ دانەكەرىنە اي­نالدى.
ەندەشە، بارشاڭىزدى وسى قۇت­تى شاڭىراقتىڭ 15 جىلدىعىمەن شىن جۇرەكتەن قۇتتىقتايمىن!
بارشاڭىز بىلەسىزدەر، ءوزارا سە­نىمگە نەگىزدەلگەن تۇسىنىستىك پەن ءتو­زىم­دىلىك - تاۋەلسىزدىكپەن تۇتاس ۇعىم­دار.
تاعدىر تابىستىرعان، تاريح تو­­عىستىرعان ءتۇرلى ەتنوس وكىلدەرى ازات­تىقتىڭ ارايلى تاڭىندا ورتاق وتانىمىزدىڭ ىرگەسىن بىرگە قا­لاستى.
ىنتىماقتى ىرىسقا، الۋان­دىق­تى بايلىققا بالاعان ءبىز بىرلىكتىڭ قا­زاقستاندىق بىرەگەي ۇلگىسىن قا­لىپتاستىردىق.
بۇل ء"بىز، قازاقستان حال­قى..." دەپ باستالاتىن، اسسامبلەيا­مەن تۇستاس ومىرگە كەلگەن كەلەلى كونستيتۋتسيامىزدا بەرىك كورىنىس تاپتى.
ءبىزدىڭ دۇرىس جول تاڭداپ، ىزگىلىك پەن سەنىمگە نەگىزدەلگەن پاراساتتى ساياسات جۇرگىزگەنىمىزدى سارا ۋاقىت­تىڭ ءوزى دالەلدەپ بەردى.
بەيبىتشىلىكتىڭ بەلدەۋى بولعان قازاق جەرىندە بابالار اڭساعان "قوي ۇستىنە بوزتورعاي جۇمىرتقالاعان زامان" ورنادى.
ونەگەلى ىزگى باستامالارىمەن جاھاندىق بەيبىتشىلىككە زور ىقپال ەتكەن قازاقستاننىڭ تاعىلىمدى تاجىريبەلەرى الەم جۇرتشىلىعىنا ۇلگى بولدى.
باعزى مەن بۇگىندى جالعاعان قا­زاق جەرى ادامزاتتىق اۋقىمداعى يگى ىستەردىڭ ۇلاعاتتى ۇيىتقىسىنا اينالدى.
مادەنيەت پەن رۋحانياتتىڭ ال­قالى ورداسىنداي اسقاق استانا­مىز­دا الەمنىڭ ءدىنباسىلارى ءۇش مارتە باس قوسىپ، ءباتۋالى بايلامعا كەلدى.
تۇراقتىلىق پەن تىنىشتىق سالتانات قۇرعان قازاقستاننىڭ ءداۋ­لەتى مەن ساۋلەتى كەلىسىپ، الەۋەتى مەن قۋاتى ەسەلەپ ارتتى.
ەل ەكونوميكاسى قارىشتاپ ءور­ل­ەپ، دامۋدىڭ يندۋستريالىق-يننو­ۆاتسيالىق باعىتىنا تۇستىك.
ارينە، بۇل جەتىستىكتەر بىزگە وزدىگىنەن، وڭاي كەلگەن جوق.
ەلىمىزدىڭ تاتۋلىق پەن تۇراق­تى­لىقتىڭ بەرەكەلى بەكەتىنە اينا­لۋى­نا قازاقستان حالقى اسسامبلەياسى ۇلكەن ۇلەس قوسىپ كەلەدى.
مەن وسى مەرەيلى كۇنى بيىك مىنبەدەن بارشاڭىزعا زور العىس ايتامىن!

قۇرمەتتى سەسسياعا
قاتىسۋ­شىلار!
قىمباتتى قوناقتار!
بۇگىن اسسامبلەيا جۇمىسىنا ءبىر­نەشە ونداعان ەلدەن كەلگەن قو­ناق­تار، بۇكىلالەمدىك رۋحاني ءما­دەنيەت فورۋمىنا قاتىسۋ­شى­لار قاتىسىپ وتىر.
ولار ەلوردامىزعا ءبىز جىل سا­­ي­ىن 18 قازاندا اتاپ وتەتىن رۋحاني كەلىسىم كۇنىندە كەلدى.
1992 جىلى سول كۇنى الماتىدا حالىقارالىق، ەتنوسارالىق جانە كونفەسسياارالىق قاتىناستاردا جالپىادامزاتتىق قۇندىلىقتاردى باسىمدىق دەپ جاريا ەتكەن ءبىرىنشى حالىقارالىق رۋحاني كەلىسىم كون­گرەسى بولىپ ءوتتى.
رۋحاني مادەنيەت فورۋمى اس­تا­نادا قازاقستاننىڭ ۇسىنىسى بو­ي­ىنشا بۇۇ حالىقارالىق مادە­نيەت­تەر جاقىنداسۋىنىڭ جىلى دەپ جاريالاعان 2010 جىلى ءوتىپ وتىر­عانى ءبىر عانيبەت.
مەن ەڭ الدىمەن ءبىزدىڭ بارلىق شەتەلدىك قوناقتارىمىزعا فورۋم جۇمىسىنا قاتىسقانى ءۇشىن ري­زا­شىلىعىمدى ءبىلدىرىپ، وسىندا جي­نا­لىپ وتىرعان بارشانى قازاق­ستان حالقى اسسامبلەياسىنىڭ 15 جىلدىق مەرەيتويىمەن قۇتتىق­تاعىم كەلەدى!
ءبىزدىڭ اسسامبلەيانىڭ تاريحى - ءبىزدىڭ تۇراقتىلىعىمىزدىڭ تا­ريحى.
بۇل بەيبىتشىلىكتىڭ، كەلىسىم مەن جاسامپازدىقتىڭ 15 جىلى.
ءبىز بۇل سەسسيانى ەقىۇ-عا ءبىز­دىڭ توراعالىعىمىزدىڭ "سەنىم، ءداس­تۇر، اشىقتىق جانە توزىمدىلىك" دەيتىن ورتاق ۇرانىمەن وتكىزىپ وتىرۋىمىز كەزدەيسوقتىق ەمەس.
وتكەن 15 جىلدا وراسان زور جۇ­مىس جۇرگىزىلدى.
ءبىز كۇن وتكەن سايىن ادامدار ارا­­سىنداعى سەنىمدى نىعايتا بەردىك.
ءبىز وتان تاعدىرى ءۇشىن ورتاق جاۋاپ­كەرشىلىكتىڭ جاڭا ءداستۇرىن قالىپتاستىردىق.
ءبىز ەتنوسارالىق جانە كونفەس­سيا­ارالىق قاتىناستاردا اشىق­تىقتى قامتاماسىز ەتتىك.
توزىمدىلىك قازاقستاندى تا­بىس­تى دا سەنىمدى دامىتۋدىڭ ما­ڭىزدى فاكتورىنا اينالدى.
بۇل قاعيداتتار ءبىزدىڭ ەلىمىزدىڭ ىشكى دە، سىرتقى دا ساياساتىنىڭ رۋحىن بەينەلەيدى.

قۇرمەتتى اسسامبلەيا
مۇشەلەرى!
1992 جىلعى جەلتوقساندا، قا­زاق­ستان حالىقتارىنىڭ ءبىرىنشى فو­رۋمىندا ءوزىمىزدىڭ تاريحىمىزدا ال­عاش رەت ءبىزدىڭ كوپ ۇلتتى وتانى­مىز­دا ۇلتارالىق كەلىسىمدى نى­عاي­تۋعا باعىتتالعان جاڭا قوعامدىق ينستيتۋت قۇرۋدى ۇسىنعان ەدىم.
اسسامبلەيانىڭ قۇرىلۋى اقيقات ءساتى بولدى.
جالپىحالىقتىق ەرىك-جىگەر تۋ­عىزعان اسسامبلەيا بەدەلدى كونس­تي­تۋتسيالىق ورگانعا اينالدى.
العاشقى كۇننەن باستاپ ول ەلى­مىز بەن حالقىمىزدىڭ الدىندا جاۋاپ­كەرشىلىك تانىتتى.
1995 جىلى اسسامبلەيا بۇكىل­حا­لىقتىق رەفەرەندۋمدا ەلىمىزدىڭ نەگىزگى زاڭىنىڭ قابىلدانۋىنا قولداۋ ءبىلدىردى.
بۇگىندە كونستيتۋتسيا مەن قا­زاق­ستان حالقى اسسامبلەياسى جاي عانا قۇرداستار ەمەس.
بۇلار تۇراقتىلىقتىڭ، جاڭ­عىر­تۋ مەن وركەندەۋدىڭ ىرگەتاسىنا اينالعان ەكى ۇلى قۇندىلىق.
اسسامبلەيانى قۇرۋ ارقىلى ءبىز ۇلتتىق بىرلىكتىڭ دەربەس جولىن تاپ­تىق.
بۇل جولدا قازىردىڭ وزىندە كوپ ءىس اتقارىلدى.
بىرىنشىدەن، ەتنوسارالىق جانە كون­فەسسياارالىق تەڭدىكتىڭ قۇقىق­تىق بازاسى جاسالدى.
ول ءدىني نانىم ەركىندىگى تۋرا­لى، تىلدەر تۋرالى، قوعامدىق ءبىر­لەس­­تىكتەر، قازاقستان حالقى اسسام­بلەياسى تۋرالى زاڭدار جۇيەسىن قامتيدى.
بىزدە ەتنوستار قۇقىعىن شەك­تەي­تىن بىردە-ءبىر زاڭ جوق.
ەكىنشىدەن، اسسامبلەيا جۇمىسى سترا­تەگيالىق جوسپارلاۋ نەگىزىندە تۇزىلگەن.
2010 جىلعا دەيىنگى كەزەڭگە ار­نال­عان اسسامبلەيانى دامىتۋ سترا­تە­گياسى تابىستى ىسكە اسىرىلدى.
بيىلعى جىلى قازاقستاندى دا­مىتۋ­دىڭ 2020 جىلعا دەيىنگى سترا­تەگيالىق جوسپارىنىڭ قۇرام­داس بولىگى رەتىندەگى ەل بىرلىگى دوكتريناسى قابىلداندى.
ۇشىنشىدەن، مەملەكەتتىڭ ەتنوس­ارا­لىق سالاداعى ساياساتىنىڭ نە­گىزىنە "سانالۋاندىقتاعى بىرلىك" قاعيداتى الىنعان.
مۇنىڭ ءوزى ءتىل ساياساتىندا با­رىن­­شا ايشىقتى كورىندى.
بارىنەن بۇرىن مەملەكەتتىك ءتىل­دە وقىتاتىن مەكتەپتەر جەلىسى كە­ڭەيىپ كەلەدى.
قازىر مۇنداي مەكتەپتەر ءتورت مىڭ دەرلىك، بۇل 90-شى جىلدار باسىنداعىدان 2 ەسە كوپ.
بارلىق تىلەك بىلدىرۋشىلەر ءۇشىن قازاق ءتىلىن وقىتاتىن جۇزدەن اسا ور­تالىقتىڭ جۇمىسى جولعا قو­يىلدى.
قازاق ءتىلدى باق-تارعا جان-جاق­تى قولداۋ كورسەتىلۋدە. تاۋەلسىزدىك جىل­دارىندا قازاق تىلىندەگى باسپا­لىق باسىلىمدار 7 ەسە كوبەيدى.
ەتنوستار تىلدەرى مەن مادەنيەت­تەرىن مەملەكەتتىك قولداۋدىڭ تي­ىم­دى جۇيەسى ويداعىداي جۇمىس ىستەۋدە.
سەكسەن سەگىز مەكتەپتە وقۋ ءوز­بەك، تاجىك، ۇيعىر جانە ۋكراين تىلدە­رىن­دە جۇرگىزىلەدى.
ءجۇز سەگىز مەكتەپتە جيىرما ەكى ەتنوستىڭ تىلدەرى دەربەس ءپان رەتىندە وقىتىلادى.
وتىز ەتنوستىڭ تىلدەرىن وقىپ-ۇيرەنۋدىڭ ءجۇز توقسان لينگۆيستي­كا­لىق ورتالىعى جۇمىس ىستەيدى.
ەلىمىزدە ون بەس تىلدە وتىز بەس باسپالىق باسىلىم شىعادى.
تەلەارنالار ەفيرىندە ون ءبىر تىلدەگى حابارلار بەرىلەدى.
ون ءتورت ورىس، وزبەك تەاترلارى، سونداي-اق، تمد-داعى بىردەن-ءبىر ۇيعىر، كورەي جانە نەمىس تەاترلارى جۇمىس ىستەيدى.
تورتىنشىدەن، ءبىز ەتنوسارالىق قاتىناستاردىڭ قارجىلىق جانە ماتەريالدىق بازاسىن نىعايتتىق.
تەك، سوڭعى 9 جىلدا ۇلتتىق تەا­تر­لاردى مەملەكەتتىك قولداۋدىڭ كولەمى 4,5 ەسە دەرلىك ءوسىپ، 2010 جىلى ءۇش ءجۇز جەتپىس ءتورت ميلليون تەڭگەنى قۇرادى.
بەسىنشىدەن، اسسامبلەيانىڭ ين­فرا­قۇرىلىمى كەڭەيتىلدى.
ەگەر اسسامبلەيانىڭ ءبىرىنشى سەس­سياسىنا بار-جوعى 40 ۇلتتىق-مادە­ني ورتالىق قاتىسسا، بۇگىندە ەلى­مىز­دىڭ بارلىق وڭىرلەرىندە 820 ەتنو­ما­دەني بىرلەستىك تابىستى جۇمىس ىستەۋدە.
ولاردىڭ يگىلىگىنە استانادا بەي­­بىتشىلىك جانە كەلىسىم سارايى، ون وبلىس ورتالىعىنداعى دوستىق ۇيلەرى بەرىلگەن.
التىنشىدان، وتان تاعدىرى ءۇشىن ورتاق جاۋاپكەرشىلىك قازاق­ستان­دىقتاردىڭ ۇلتتىق بىرلىگىنىڭ ىرگەتاسى بولدى.
ءبىز ء"بىر ەل - ءبىر تاعدىر" قاعي­دا­تىن ىسكە اسىردىق.
بارلىق ەتنوستار "قازاق­ستان-2030" ستراتەگياسىن ىسكە اسى­رۋعا بەلسەنە قاتىسۋدا.
بۇگىندە ءبىز جەدەل يندۋس­تريا­لان­دىرۋ باعدارلاماسىنىڭ، قا­زاقستان­دى 2020 جىلعا دەيىن دامىتۋ ستراتەگيالىق جوسپارىنىڭ جاڭا مىندەتتەرىن بىرلەسە شەشۋدەمىز.
ءبىز ەلىمىزدىڭ پارلامەنتى مەن ءماسليحاتتارىندا بارلىق ەتنوس­تار­دىڭ وكىلدەرى بولۋىن قامتاماسىز ەتتىك.
قازاقستان حالقى اسسامبلەياسى ءما­جىلىستىڭ توعىز دەپۋتاتىن ساي­لاي­دى، ولار ناعىز "دوستىق ەلشى­لەرىنە" اينالدى.
پارلامەنتتە بارلىعى وتىز ەت­نوس­تىڭ، ال ءماسليحاتتاردا - وتىز ەكى ەتنوستىڭ وكىلدەرى جۇمىس ءىس­تەيدى.
جەتىنشىدەن، ءبىزدىڭ مەملەكەتى­مىز­دىڭ زايىرلى سيپاتى جاعدايىندا ءدىني سانالۋاندىلىق حالقىمىز ءتو­زىمدىلىگىنىڭ شىنايى بەلگىسىنە اي­نالدى.
قازاقستاندا ءدىني تۇرعىداعى قاقتىعىستار ەشقاشان بولعان ەمەس.
ءبىزدىڭ استانا الەمگە جاھاندىق دىنارالىق ۇنقاتىسۋدىڭ ورتالىعى رەتىندە بەلگىلى.
ءبىز الەمدىك جانە ءداستۇرلى ءدىن­دەر ليدەرلەرىنىڭ سەزىن ءۇش مارتە وتكىزدىك.
وسىلايشا قازاقستاندا قازىرگى كەز­دە ۇلتارالىق جانە كونفەسسيا­ارا­لىق كەلىسىمنىڭ ءتيىمدى جۇيەسى قالىپتاسقان.

قۇرمەتتى دوستار!
ءبىزدىڭ اسسامبلەيانىڭ تاريحى حالىق پەن ەلدىڭ شىنايى قۋاتى نە­دە ەكەنىن كورسەتەدى.
مىناداي تانىمدىق مىسال كەل­تىرەيىن.
وسى جىلعى كوكتەمدە سۋدىڭ پلو­تينانى بۇزۋى سالدارىنان الما­­تى وبلىسىنداعى قىزىلاعاش اۋىلى كۇيرەدى.
ادامدار وپات بولدى، جۇزدەگەن وتباسىلار باسپاناسىز قالدى.
بۇل قاسىرەتتىڭ اۋىرتپالىعى ءار­بىر قازاقستاندىقتىڭ قابىرعاسىن قايىستىردى.
بۇكىل ەلىمىزدە ادامدار قىزىل­اعاشتىقتار ءۇشىن كيىم-كەشەك، ازىق-تۇلىك، اقشا جيناي باستادى.
تەك اسسامبلەيا مۇشەلەرى ءوز قال­تالارىنان قىرىق جەتى ميلليون تەڭگە قوستى.
بۇل قاراجاتقا اۋىلدا بالا­لار­دىڭ سپورت مەكتەبى، تۇرمىستىق قىزمەت ءۇيى سالىندى.
قىسقا مەرزىمدە كەنت تولىقتاي قال­پىنا كەلتىرىلدى.
ونىڭ تۇرعىندارى ماعان جول­داعان حاتتارىندا كورسەتىلگەن كومەك ءۇشىن ريزاشىلىقتارىن ءبىلدىرىپ، بار­شا قازاقستاندىقتاردىڭ وزدە­رى­مەن بىرگە قايعىرىپ-مۇڭايعان­دى­عىن اتاپ وتۋدە.
ءبىزدىڭ ازاماتتار شىعىس قازاق­ستان­دا سۋ تاسقىنىنان زارداپ شەك­كەندەرگە ءدال وسىلاي كومەك كور­سەتتى.
وزدەرىڭىز بىلەسىزدەر، بيىلعى جىلى بۇكىل الەمدە وسىنداي اپاتتاردان جۇزدەگەن مىڭ ادامدار زارداپ شەكتى.
ولاردىڭ باسىم كوپشىلىگى وسى كۇنگە دەيىن قاراپايىم العاشقى قاجەتتىلىك زاتتارىنىڭ جەتىسپەۋشى­لىگى­نەن قيىندىق كورۋدە.
سۋ، ەلەكتر جارىعى، ازىق-تۇلىك جوق.
ءبىزدىڭ ەلىمىزدە كومەك دەر كەزىن­دە كورسەتىلدى، ال ەلدى مەكەندەر قال­پىنا كەلتىرىلىپ قانا قويعان جوق.
ولار جاڭا تۇرپاتقا يە بولدى.
بۇل حالىق بىرلىگى كورىنىسىنىڭ جارقىن ونەگەسى.
تاعى ءبىر باسقا مىسال كەلتى­رەيىن.
ورىس ءتىلدى يزرايلدىكتەر فەدە­راتسياسىنىڭ ءتورايىمى، يزرايل كنەسسەتىنىڭ دەپۋتاتى سوفا لاندۆەر ءوز حاتىندا كوپتەگەن ەلدەردە "بۇرىننان بار تىكەلەي قازاق دياسپوراسىمەن قاتار قازاقستاندىق دياسپورا دا پايدا بولىپ" ۇلگەرگە­نى­نە نازار اۋدارىپتى.
ونى قازاقستاننان يزرايلگە، گەرمانياعا، ۇلىبريتانياعا، رە­سەي­گە، تۇركياعا جانە باسقا ەلدەرگە بارعان بارىنشا ءار قيلى ەتنوستىق توپتاردىڭ وكىلدەرى قالىپ­تاس­تىرۋدا.
مەن جىل سايىن ءبىزدىڭ شەتەلدىك وتانداستارىمىزدان - قازاقستان­دىقتاردان مىڭداعان حات الامىن.
ولار قازاقستاندا انا ءتىلىن وقىپ-ۇيرەنۋگە، ءوز مادەنيەتى مەن داستۇرلەرىن ساقتاۋعا بارلىق جاع­داي­دىڭ جاسالعانى ءۇشىن قازاق حال­قىنا ريزاشىلىقتارىن بىلدىرەدى.

قۇرمەتتى اسسامبلەياعا قاتىسۋشىلار!
تۇراقتىلىق پەن كەلىسىم - بۇل كۇن سايىنعى ۇلكەن جۇمىس، ونى جىلدان-جىلعا، ۇرپاقتان ۇرپاققا جەتكىزىپ جالعاستىرۋ قاجەت.
كەلىسىم مەن بىرلىكتى قانداي ءبىر ەتنوسقا قاتىستىلىعىنا قاراماس­تان، ءاربىر قازاقستاندىق ساقتاۋى كەرەك.
بۇل بارشاعا جانە اركىمگە قاجەت.
ويتكەنى ءبىزدىڭ وتانىمىزدىڭ مىز­عىماي تۇرۋى، ءاربىر قازاقستان­دىقتىڭ امان-ساۋلىعى مەن بولا­شاعى وسىعان بايلانىستى.
ءاربىر حالىق ءوز ەلىندە تى­نىش­تىق ساقتاۋعا جاۋاپكەرشىلىكتى ءوزى موينىنا الادى.
وكىنىشكە وراي، ەتنوسارالىق جانە دىنارالىق قاتىناستاردىڭ شيە­لەنىسۋىنە بايلانىستى الاڭداۋ­شى­لىق بۇگىندە پلانەتانىڭ كوپ­تەگەن وڭىرلەرىن قامتىپ وتىر.
الەمدە ءدىني توزبەۋشىلىكتىڭ ارتۋى بايقالىپ وتىر.
بۇل ءدىني قاسيەتتى زاتتاردى ءوز­ارا جاريا تۇردە كەلەكە ەتۋدەن كورىنىس بەرۋدە.
قاسيەتتى كىتاپتاردى ورتەۋدەن، حرامدار مەن مولالاردى قورلاۋ­دان، قانداي ءدىن دۇرىسىراق دەگەن داۋ­لاردان كورىنىس بەرۋدە.
وسىنىڭ ءبارى، وكىنىشكە وراي، جوعالماپتى، كەرىسىنشە، الەمدى ءبۇ­گىن دە دۇرلىكتىرۋدە.
كەيبىر ەلدەردە ۇلتتىق ءبىرىز­دىلىك­تى ساقتاۋدىڭ راديكالدى ءادىس­تەرى بارعان سايىن ءجيى پايدالانىلۋدا.
جاھاندانۋعا دەگەن مۇنداي كوز­قاراس، ءتىپتى، ەڭ دامىعان ەۋروپالىق ەلدەردە كوپتەگەن ەتنوستىق مي­گرانت­تار مەن ازشىلىقتىڭ مۇددە­لەرىن قوزعاپ وتىر.
ءوزارا رەنىشتەر كوبەيىپ، ەتنوس­ارا­لىق الىستاۋشىلىق پەن ادام­داردىڭ ءبىر-بىرىنە سەنبەۋشىلىگى وسە تۇسۋدە.
ازيا مەن افريكا ەلدەرىنەن مونومادەنيەتتى جانە مونوكون­فەس­سيالى ەۋروپاعا تارتقان كوشى-قون ارناسى مۇنداعى مۇسىلمان تۇرعىن­دار­دىڭ جەتىدەن قىرىق ميلليون ادامعا دەيىن وسۋىنە جەتكىزدى.
وسى ازشىلىقپەن ءوزارا قا­رىم-قا­تىناس پروبلەماسى باتىس­ەۋروپا­لىق ەلدەر كۇن ءتارتىبىنىڭ اسا ما­ڭىزدى ماسەلەسىنە اينالۋدا.
ال امەريكالىقتار ءۇشىن بۇعان دەيىن بەيمالىم بولىپ كەلگەن فلوريدالىق پاستوردىڭ قۇران­نىڭ ەكى ءجۇز داناسىن ورتەيمىن دەگەن مالىمدەمەسى كۇتپەگەن وقيعا بولدى.
مۇنداي مالىمدەۋلەر مۇسىلمان الەمىندە اسىرە تەرىس، جاۋاپ كوز­قا­راستى تۋىنداتۋدا.
مۇنداي وركەنيەتتى جىكتەلىس ءۇل­كەن شيەلەنىسكە سوقتىرۋى مۇمكىن.
باتىستا جانە مۇسىلمان شى­عى­سىندا بارلىق سالاماتتى ويدىڭ كۇشتەرىن ەكى تاراپتاعى دا ەكس­ترە­ميستىك كورىنىستەردى بەيتاراپتان­دىرۋ ءۇشىن بىرىكتىرۋ مىندەتى وزەكتى بولا تۇسۋدە.
ونىڭ ۇستىنە، قازىر كسەنوفو­بيا­نى، ەتنوستىق ەكسترەميزم مەن شو­ۆي­نيزمدى اشىق پايدالانۋ­شىلاردىڭ ساياسي ىقپالى ارتۋى­نىڭ ءۇردىسىن كورمەۋ مۇمكىن ەمەس.
كەيبىر ەلدەردە ولار پارلا­مەنت­تەگى وكىلدىكتەرىنىڭ بولۋىنا قول جەتكىزىپ، ۇكىمەتكە كىرىپ وتىر.
الەمدىك قارجى-ەكونوميكالىق داع­دارىسى وسى زامانعى جاھاندىق پروبلەمالاردى قيىنداتىپ جىبەردى.
بۇگىندە ءبىر ميللياردقا جۋىق ادام اشتىقتان زارداپ شەگۋدە. جىل سايىن اشىعۋدان بەس ميلليونعا دەيىن بالالار وپات بولۋدا.
ەكى ءجۇز ميلليوننان استام ادام جۇمىسسىز ءجۇر.
قايىرشىلىق جاعدايىندا ءتو­زىم­­­دىلىك توبە كورسەتپەيدى.
سونىڭ سالدارىنان جىل سايىن بۇكىل الەمدە وتىزعا جۋىق جاڭا قارۋلى قاقتىعىستار تۋىندايدى.
وكىنىشكە وراي، ەتنوسارالىق جان­جالدار تمد ەلدەرىندە دە ورىن الۋدا. اتاپ ايتقاندا، بۇل پري­دنەس­تروۆە، كاۆكاز، ورتالىق ازيا.
ءبىزدىڭ كورشىمىز - قىرعىز­ستان­نىڭ قايعىلى تاجىريبەسى مۇنى قۋات­تايدى.
ساياسي داعدارىس جاعدايىندا ەتنوس­تىق تۇرعىداعى قاقتىعىستارعا ارانداتۋشىلىق بولدى.
بۇل قيىن سالدارعا - بيلىك­سىز­دىك­كە، بەيبەرەكەتسىزدىككە، يەسىزدەردى توناۋشىلىققا، زورلىققا، ادام ءول­تىرۋگە سوقتىردى.
عاسىرلار بويى ءبىر جەردە بەيبىت جاعدايدا بىرگە تۇرعان مىڭداعان ادامدار زارداپ شەكتى.
ءبىز بەيبىت ءومىردى ەتنوسارالىق جانجالداردىڭ اقىلعا سىيمايتىن قا­تىگەزدىگىنەن ءبولىپ تۇراتىن شەك­تەۋ­دىڭ قاندايلىق شەتىن ەكەنىن بار­عان سايىن وتكىر سەزىنە تۇستىك.
قازىر قىرعىزستاندا مەملە­كەتتىك ينستيتۋتتاردى قالپىنا كەلتىرۋ ۇدە­رىسى ءجۇرىپ جاتىر.
قازاقستاندىقتار بۇل ەلدەن جەت­­كەن ءاربىر يگى حاباردى ۇمىتپەن ەس­تىپ بىلۋدە.
مەن قىرعىزستان حالقىنا ءوز ەلدەرىن قايتا تۇلەتۋدە دانالىق، توزىمدىلىك تىلەگىم كەلەدى!
ءبىز وسى زامانعى دۇنيەدەن سەنىم مەن توزىمدىلىك داعدارىسىن كورىپ وتىرمىز.
سوندىقتان دا بيىلعى جىلى ەۋروپاداعى قاۋىپسىزدىك جانە ىن­تى­ماقتاستىق جونىندەگى ۇيىمدى باس­قارعان قازاقستان ەتنوسارالىق جانە دىنارالىق توزىمدىلىك يدەياسىن بەلسەندى تۇردە ىلگەرىلەتىپ كەلەدى.
بيىلعى جىلى قازاقستاندىق ءتو­­زىمدىلىك پەن كەلىسىم مودەلىنىڭ تۇ­ساۋ­كەسەرى كوپەنگاگەندە، ۆەنادا، جەنەۆادا، نيۋ-يوركتە بولعان ءىرى فورۋمداردا ءوتتى.
استانادا توزىمدىلىك جانە كەم­سىت­­پەۋ­شىلىك جونىندە كونفەرەنتسيا ءوت­كىزىلدى.
بۇۇ باس حاتشىسى پان گي مۋن ءبىزدىڭ ەلىمىزگە ساپارى بارىسىندا قا­زاقستان حالقى اسسامبلەياسىنىڭ جۇمىسىمەن دە ەگجەي-تەگجەيلى تا­نىسقان بولاتىن.
ول اسسامبلەيا قاعيداتتارى بۇۇ قاعيداتتارىمەن تولىق ءما­نىندە ۇيلەسەتىنىن اتاپ ءوتتى.
كونفۋتسي ادامدى پاراساتقا ءۇش جول جەتكىزەتىنىن ايتقان ەكەن: ەلىك­تەۋ جولى - ەڭ جەڭىل جول، وي سارا­بى جولى - ەڭ ىزگى جول، ءوز ءتاجىري­بەڭ­نىڭ جولى - ەڭ اۋىر جول.
قوعام، ەل تۋرالى دا وسىنى اي­تۋعا بولادى.
سوندىقتان، ەلدىڭ باستى جەتىستىگى بەيبىتشىلىك پەن كەلىسىم بولىپ تا­بىلادى دەگەندە، بۇل تىزبەلەيتىن جاي اقيقات ەمەس.
بۇل تۇراقسىز الەمدەگى ايتۋلى تابىس.
بۇل وڭىرلىك جانە جاھاندىق قاۋىپ­­سىزدىكتى نىعايتۋعا ءبىز قوسقان ءسۇ­بەلى ۇلەس.

قۇرمەتتى اسسامبلەيا
مۇشەلەرى!
بۇگىندە ءبىزدىڭ الدىمىزدا ۇلت­تىق بىرلىكتى نىعايتۋمەن بايلا­نىس­تى بىرقاتار جاڭا مىندەتتەر تۇر.
ءبىرىنشى. جاقىندا قازاقستان تاۋەلسىزدىگىنىڭ جيىرما جىلدىعىنا اياق باسادى.
الداعى مەرەيتوي قازاقستان تا­ريحىندا ايتۋلى وقيعا بولىپ، مەم­لەكەتتىلىكتى نىعايتۋى، حالىقتى پاتريوتتىق قۇندىلىقتار توڭىرە­گىنە شوعىرلاندىرۋى ءتيىس.
شىنايى پاتريوتيزم داۋىس كوتەرە سويلەگەن سوزدەردەن ەمەس، ناقتى ىستەر مەن جاۋاپتى قيمىل-ارەكەتتەردەن كورىنۋى كەرەك.
قازاقستاندىق ءپاتريوتيزمنىڭ ولشەمى ەل يگىلىگى ءۇشىن جاسالاتىن ءون­دىرىستىك جانە شىعارماشىلىق ەڭ­بەك بولۋى ءتيىس ەكەنىنە مەن سەنىم­دىمىن.
ءبىزدىڭ جاقىن جىلدارداعى باس­تى مىندەتىمىز - قازاقستاندى سەرپىندى يندۋستريالىق-يننوۆاتسيالىق دا­مى­تۋ جونىندەگى مەملەكەتتىك باعدار­لامانى جۇزەگە اسىرۋ بولادى.
ەكونوميكانى يننوۆاتسيالىق جاڭعىرتۋ، ونىڭ باسەكەگە قابىلەتتى­لى­گىن ارتتىرۋ مىندەتى - بۇل بولا­شاق­تا ەلدىڭ مىزعىماستىعى ماسە­لەسى.
بۇل - تاۋەلسىزدىكتىڭ ءسينونيمى.
بۇل - كوپتەگەن ونداعان جىلدار بۇ­رىنعا ارنالعان ۇلتتىق كۇن ءتارتى­بىنىڭ ماسەلەسى.
بۇل مىندەتتى قويىلعان مەرزىمدە ورىنداساق - دەمەك، ەلدىڭ ورنىقتى دا­مۋىن قامتاماسىز ەتىپ، بارلىق ازا­ماتتاردىڭ ءال-اۋقاتىن ارتتىرا الامىز.
مىنە، ناق وسىنداي ويلارمەن جانە ىستەرمەن ءبىز تاۋەلسىزدىكتىڭ 20 جىلدىعىن قارسى الىپ، جاڭا عا­سىر­داعى جولىمىزدى جالعاستىرۋعا ءتيىسپىز.
قازىرگى كەزدە ۇكىمەت تاۋەل­سىز­دىكتىڭ 20 جىلدىعىنا جالپىۇلتتىق دايىندىق جوسپارىن جاساپ جاتىر.
اسسامبلەيا ونى دايىنداۋعا بەل­سەنە قاتىسۋى ءتيىس.
اسسامبلەياعا، سونداي-اق، قازاق­ستان­نىڭ تابىستارىن ناسيحاتتاۋ، تاياۋداعى ونجىلدىققا ارنالعان ءمىن­دەتتەردى ءتۇسىندىرۋ جۇكتەلەدى.
ءبىلىم جانە عىلىم مينيسترلىگى­مەن بىرلەسىپ ءبىلىم بەرۋ مەكەمەلە­رىندە - بالالار باقشاسىنان باس­تاپ جوو-لارعا دەيىن - قازاقستان­داعى ەتنوسارالىق قاتىناستاردىڭ تا­ريحى تۋرالى، پاتريوتيزم تۋرالى ارنايى باعدارلامالاردى جا­ساپ، ەنگىزۋ كەرەك.
قازاقستانداعى كوپەتنوستى قو­­عام­نىڭ قالىپتاسۋ تاريحىن جازۋ ءجو­نىندەگى جۇمىستى جالعاس­تىرۋ قاجەت.
ءبىرىنشى مامىر - قازاقستان حال­قىنىڭ بىرلىگى كۇنىن ەل ەتنوستارى دوستىعىن جاپپاي كورسەتۋ مەرەكەسىنە اينالدىرۋ كەرەك.
اسسامبلەياعا مادەنيەت مي­نيستر­لىگىمەن بىرلەسىپ، جاستار ءۇشىن ءبىز­دىڭ قوعامىمىزداعى توزىمدىلىك پەن كەلىسىم تاقىرىبىن اشىپ كور­سەتەتىن كوركەم فيلمدەر سەرياسىن جاساۋ قاجەت.
قازاقستان حالقى اسسامبلەياسى­نىڭ قۇزىرىمەن ۇلتتىق تەاترلار فەستيۆالىن ۇيىمداستىرۋ كەرەك.
تەلەۆيزيادا جاڭا قازاقستان­نىڭ قالىپتاسۋىنا ۇلەس قوسقان ءتۇر­لى ەتنوستاردىڭ كورنەكتى وكىل­دەرى تۋرالى اڭگىمەلەيتىن حابارلار تسيكلى شىعۋى ءتيىس.
ەكىنشى. مەملەكەتتىك ءتىلدى دا­مى­تۋ ماڭىزدى باسىمدىق بولىپ قالا بەرەدى.
ءبىزدىڭ ماقساتىمىز - مەملەكەت­تىك ءتىلدى قازاقستاننىڭ بارلىق ازا­ماتتارىنىڭ مەڭگەرۋىنە قول جەتكىزۋ.
بىراق باسقا ەتنوستاردىڭ قۇ­قىق­تارىنا قىسىم كورسەتىلمەۋى ءتيىس.
ءتۇرلى قارىم-قابىلەت، ادامنىڭ جاسى، مۇمكىندىكتەرى - وسىنىڭ بار­لىعى ەسكەرىلگەنى ءجون.
جاقىندا مەنىڭ تاپسىرمام بو­­­ي­ىنشا قازاق تىلىندە حابار تارا­تاتىن "بالاپان" بالالار تەلەارنا­سى اشىلدى.
كەزەكتە - "مادەنيەت" جانە ء"بىلىم" تەلەارنالارىن قۇرۋ ءمىن­دەتى تۇر.
قازىرگى كەزدە تىلدەردى پايدالانۋ مەن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى جاسالىپ جاتىر.
ونىڭ جوباسىن اسسامبلەيا ءمۇ­شە­لەرىنىڭ، قوعامدىق بىرلەستىك­تەر­دىڭ قاتىسۋىمەن مۇقيات تالقىلاۋ قاجەت.
ءۇشىنشى. قازاقستان حالقىنىڭ ەت­نوستىق جانە مادەني سانالۋاندى­عى مەن تولتۋمالىعىن ساقتاۋعا باي­لا­نىستى جاڭا قادامدار ءىز­دەگەن ءجون.
اسسامبلەيا حاتشىلىعىنا، "سا­مۇ­­رىق-قازىنا" ۇلتتىق ءال-اۋقات قو­رىنا استانا اكىمدىگىمەن بىرلە­سىپ، استانادا ەتنوستىق اۋىل قۇرۋ جونىندە ۇسىنىس جاساپ ەنگىزۋدى تاپسىرامىن.
جاقىندا قازاقستاندا ۇلتتار تەاترى قۇرىلدى. بۇل باستامانى قولداۋ قاجەت.
ۇكىمەتكە وسى تەاترعا ىقپال ەتۋ تەتىگىن قاراستىرۋدى تاپسىرامىن.
قازىرگى كەزدە، سونداي-اق، ەتنوس­ارا­لىق قاتىناس ماسەلەلەرىنە ار­­نال­عان عىلىمي زەرتتەۋلەر جۇيە­سىن دامىتۋ دا ماڭىزدى.
ءبىزدىڭ توزىمدىلىك مودەلىمىزدى ورتاق ءتۇسىنۋ مەن جەتىلدىرۋدىڭ جاڭا تەتىك­تەرىن جاساۋ ماقساتىندا بۇل ماسەلەدە تەرەڭ دە جۇيەلى كوز­قاراس قاجەت.
اسسامبلەيا حاتشىلىعىنا وسى ماسەلەلەرمەن ناقتى اينالىساتىن قۇرىلىمداردىڭ جۇمىسىن سارالاۋ كەرەك.
ولاردىڭ الەۋەتىن بىرىكتىرىپ، ەۋرازيا ۋنيۆەرسيتەتىنىڭ جانىنان ەتنوسارالىق قاتىناستاردى زەرت­تەۋ ور­تا­لىعىن قۇرۋ قاجەت، دەپ ەسەپ­تەيمىن.
ءتورتىنشى. ءبىزدىڭ توزىمدىلىك ءتاجى­ريبەمىزدى شەتەلدەردە ودان ءارى بەل­سەندى ىلگەرىلەتۋ ماڭىزدى.
قازاقستان حالقى اسسامبلەياسى قۇزىرىمەن ورتالىق ازياداعى توزىمدىلىك ماسەلەلەرى بويىنشا ازاماتتىق فورۋم وتكىزۋدى، وعان ءوڭىر ەلدەرىنىڭ ۇەۇ، باق، ونەر جانە مادەنيەت قايراتكەرلەرىن قاتىس­تىرۋدى ۇسىنامىن.
قازاقستاننىڭ 2011 جىلى شىۇ مەن يسلام كونفەرەنتسياسى ۇيىمىنداعى توراعالىقتارىن قاتى­سۋشى ەلدەر جۇرتشىلىعىن ءبىز­دىڭ كونفەسسياارالىق كەلىسىم ءتا­جىريبە­مىزبەن كەڭىنەن تانىستىرۋ ءۇشىن پايدالانۋ قاجەت.
وزدەرىڭىز بىلەتىندەي، جاقىندا ىستامبۇلدا وتكەن تۇركى تىلدەس مەم­لەكەتتەر سامميتىندە استانا ءتۇر­كى الەمىنىڭ 2012 جىلعى استاناسى دەپ جاريالاندى.
بىزگە اتالعان حالىقارالىق اكتسيانى وتكىزۋ تۇجىرىمداماسىن مۇقيات دايىنداۋ كەرەك.
بەسىنشى. ەقىۇ-نىڭ الداعى استانا سامميتىنە بايلانىستى اۋقىمدى جۇمىستار كۇتىپ تۇر.
الەمدەگى جاڭا تاۋەلسىز ەلدەردىڭ ەشقايسىسى بۇعان دەيىن وزىندە وسىنداي جاھاندىق اۋقىمداعى فو­رۋمدى قابىلداۋعا قۇقىقتى بولىپ كورگەن ەمەس.
بىزگە الەمنىڭ ەلۋ بەس مەم­لە­كەتى­نىڭ، ءىرى حالىقارالىق ۇيىم­داردىڭ دەلەگاتسيالارى كەلەدى.
قازاقستان حالقى اسسامبلەياسى ءسامميتتى دايىنداۋ مەن وتكىزۋگە بارىنشا بەلسەنە قاتىسۋى ءتيىس.
ءبىز قوناقجاي قوجايىن بولۋى­مىز كەرەك.
لايىقتى قارسى الۋلار ۇيىم­داس­تىرىپ، ءبىزدىڭ سانالۋان­دى­عى­مىزدى كورسەتۋىمىز، ەتنومادەني ءبىر­­لەستىكتەرىمىزدىڭ، اسسامبلەيانىڭ ءوزىنىڭ جۇمىس تاجىريبەسىن تانىس­تىرۋىمىز كەرەك.
مەن قازىردىڭ وزىندە الەم تا­ري­حى­نا ەنىپ كەلە جاتقان استانا رۋحى ۇعىمى سانالۋاندىقتاعى سە­­نىم، كە­لى­سىم، توزىمدىلىك جانە بىرلىك قاعي­داتتارىنا نەگىزدەلگەن الەم ور­نىق­تىرۋداعى جالپىعا ور­تاق ۇم­تى­لىس­تىڭ سيمۆولى بولاتىنىنا سەنىمدىمىن.

قۇرمەتتى دوستار!
قازاقستان جولىنىڭ ەڭ ءبىر قيىن كەزەڭدەرىندە ارقاشان سىزدەر­دەن قولداۋ تاپتىم، مەنىڭ قىمباتتى ۇزەڭگىلەستەرىم مەن دوستارىم!
مەن اسسامبلەيانى قۇرۋدىڭ باس­تاۋلارىندا تۇرعانداردىڭ بارلى­عى­نا ەرەكشە ريزاشىلىعىمدى ءبىل­دىرەمىن.
ماعان جاڭا مەملەكەت قۇرۋعا، رەفورمالار جۇرگىزۋگە، ەكونومي­كا­نى دامىتۋعا، حالىقتىڭ تۇرمىسىن جاقسارتۋعا كومەكتەسكەندەرگە ري­زا­شىلىعىمدى بىلدىرەمىن.
مەنىڭ تاپسىرمام بويىنشا قوعامدىق ناگرادا - "قازاقستان حالقى اسسامبلەياسىنىڭ قوعام­دىق "بىرلىك" التىن مەدالى" بەلگى­لەندى.
بۇگىن مەن ءبىزدىڭ قوعامىمىزدا بەيبىتشىلىك پەن كەلىسىمدى قامتا­ما­سىز ەتۋ ىسىنە ايتارلىقتاي ۇلەس قوس­قان قازاقستاندىقتارعا وسى مە­دالدى تاپسىرۋ تۋرالى شەشىمگە قول قويدىم.
وسى ناگرادانىڭ العاشقى يە­گەرلەرىن شىن جۇرەكتەن قۇتتىق­تاي­مىن!

قادىرلى الەۋمەت!
ءبىز مىڭجىلدىقتار توعىسىندا با­بالار اڭسارىن شىندىققا اينال­دىرىپ، تاۋەلسىز مەملەكەت قۇردىق.
كەشەگى تولە، قازىبەك، ايتەكە بيلەر كوكسەگەن، ابىلاي حان ار­مان­داعان، اباي تىلەگەن ابات كۇنگە جە­تىپ، بارشا قازاقتىڭ باسىن بىرىك­تىردىك. وسىلايشا ەنشىسى بولىنبەگەن ءبىرتۇتاس ەلدىككە قول جەتكىزدىك.
جەردىڭ كيەسىن، ەلدىڭ يەسىن تا­نىتتىق.
ەلىمىزدى مەكەن ەتكەن بارشا ەت­نوس وكىلدەرىنىڭ جاۋاپكەرشىلىگىن الىپ، ۇلىستىڭ ۇيىتقىسىنا اينال­دىق.
كۇيرەگەن الىپ كەڭەستەر وداعى­نىڭ قيراندىسىنان امان شىعىپ، ايداي الەمگە تانىمال ەگەمەن ەل اتاندىق.
ءبىز تاريح ءۇشىن تىم قىسقا سانا­لاتىن تاۋەلسىزدىك جىلدارىندا بيىك بەلەستەردى باعىندىرىپ، اسقار اسۋلاردان وتتىك.
باۋىرى ءبۇتىن بىرلىگىمىزبەن ەڭ­سەلى ەلدىگىمىزدى ەسەلەپ، مىزعىماس مەملەكەتىمىزدى بەكەمدەي تۇستىك.
دۇنيەنى دۇرلىكتىرگەن، الەمدى تۇ­رالاتقان جاھاندىق داعدارىس داۋىل­دارىنا توتەپ بەردىك. قيىن­دىق­تاردى ەڭسەرە ءجۇرىپ شيرادىق، شىڭدالا ءتۇسىپ، اسقار شىڭدارعا ۇم­تىلدىق.
وسىلايشا "قازاق ەل بولا ال­مايدى" دەگەن ءبازبىر ساۋەگەيلەردىڭ بولجامدارىن جوققا شىعاردىق.
قازىر ايتۋعا عانا جەڭىل، مۇنىڭ ءبارى بىزگە وزدىگىنەن كەلمەگەنىن بارشاڭىز بىلەسىزدەر.
بۇگىنگى كۇنگە جەتۋ ءۇشىن ءبىز ايانباي تەر توگىپ، تىزە قوسىپ، بىرگە ەڭبەك ەتتىك.
تىعىرىققا تىرەيتىن ءتۇيىندى ماسەلەلەر بويىنشا، ءتيىمدى شە­شىم­دەر قابىلداپ، ولاردى پارمەندى ىسكە اسىرا بىلدىك.
وسى جولدا مەملەكەتىمىزدىڭ مە­رەيىن وسىرگەن، ەلدى قارقىندى دامۋ جولىنا جەتەلەگەن - ءبىزدىڭ اينىماس اۋىزبىرشىلىگىمىز.
دانا حالقىمىزدا "بىرلىگى جوق ەل - توزار، بىرلىگى بار ەل - وزار" دەگەن ۇلاعاتتى ءسوز بار.
ءبىز تىنىشتىق ارقىلى تۇراق­تىلىققا، تاتۋلىق ارقىلى تۇتاس­تىق­قا قول جەتكىزدىك.
ارداقتى اعايىن!
ءبىزدىڭ بارشامىزدىڭ وتانىمىز ءبىر! ول - تاۋەلسىز قازاقستان! ول ءبىزدىڭ ەڭ قىمبات، ەڭ اسىل قۇن­دى­لى­عىمىز!
وتانى جوق ادام - تامىرسىز، تۇر­لاۋسىز قاڭباق سياقتى. "وتان - وتتان ىستىق" دەگەن، تۋعان جەردىڭ توپىراعى دا، تاۋى مەن دالاسى دا قىمبات.
وتاننىڭ اپتاپ ىستىعى مەن ايازدى سۋىعى دا جانعا جايلى. ونىڭ كونەدەن جەتكەن تەرەڭ تاريحى مەن ابىز ءتىلى تۇسىنگەن جانعا سىرلى شەجىرە شەرتەدى.
وتاندى قاستەرلەۋ - ەلدىگىمىز­دىڭ تىرەگى.
ءبىز وتانشىل بولۋعا، جاس ۇرپاق­تىڭ ساناسىنا وتانشىلدىق ۇعىمىن بەرىك ورنىقتىرۋعا ءتيىسپىز.
بىلە-بىلسەك، وتاندى ءسۇيۋ - ءبىز­دىڭ پەرزەنتتىك پارىزىمىز، قارىس قا­دام ءۇشىن جانىن قيعان بابا­لار­دىڭ اسىل اماناتىنا ادالدىعىمىز!
الدىمىزدا ءالى تالاي اسقار اسۋلار بار، الماعايىپ زامانىنا ساي قۇبىلىپ تۇرعان عالام بار.
ءبىز سونىڭ بارىنە توتەپ بەرىپ، ورتاق وتانىمىزدى كوزىمىزدىڭ قا­راشىعىنداي ساقتاۋعا ءتيىسپىز.
ول ءۇشىن بىزگە ەڭ اۋەلى ىنتىماق پەن بەرەكە-بىرلىك كەرەك.
ەندەشە، تاۋەلسىزدىگىمىز تۇعىر­لى، ەلىمىز امان، مەملەكەتتىگىمىز ءماڭ­­گى، بەرەكە-بىرلىگىمىز باياندى بولسىن، اعايىن!
راحمەت.

«ەگەمەن قازاقستان» گازەتى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531