جۇما, 29 ناۋرىز 2024
جاڭالىقتار 2895 0 پىكىر 1 قاراشا, 2010 ساعات 11:45

باتىس قازاقستان وبلىسى بويىنشا قازاقستاننىڭ يندۋستريالاندىرۋ كارتاسىنا ەنگەن جوبانىڭ ءبىرى – «قاراشىعاناق – ورال» گاز قۇبىرى.

بۇل جوبانىڭ العاشقى كەزەڭى وتكەن جىلدىڭ جەلتوقسان ايىندا تەرەكتى اۋدانىنىنىڭ ورتالىعى فەدوروۆ كەنتىندە ىسكە قوسىلدى. وعان قر پرەمەر-ءمينيسترى كارىم ءماسىموۆتىڭ ءوزى قاتىسقان بولاتىن. مىنە، ەندى ارادا بەس-التى اي وتكەندە جوبانىڭ ەكىنشى كەزەڭى جۇزەگە استى. كوگىلدىر وتىن الاۋى 28 ماۋسىم كۇنى سىرىم اۋدانىنىڭ ورتالىعى جىمپيتى اۋىلىندا لاۋلادى. بۇل سالتاناتتى شاراعا قر مۇناي جانە گاز ءمينيسترى ساۋات مىڭباەۆ، وبلىس اكىمى باقتىقوجا ىزمۇحامبەتوۆ، قپو ب.ۆ كومپانياسىنىڭ باس ديرەكتورى دجۋزەپپە پازي قاتىستى.   كوگىلدىر وتىن الاۋىن جاعۋ قۇرمەتى ساۋات مىڭباەۆ پەن دجۋزەپپە پازيگە ۇسىنىلدى.

سىرىم اۋدانىنىڭ ورتالىعى جىمپيتى مەن قاراتوبە اۋدانىنا قىسقا مەرزىمدە گاز قۇبىرىن تارتقان «قازقۇرىلىسسەرۆيس» پەن «تەڭىزمۇنايقۇرىلىس» اكتسيونەرلىك قوعامدارىنىڭ ۇجىمى. پايدالانۋعا بەرىلگەن گاز قۇبىرىنىڭ جالپى ۇزىندىعى 552 شاقىرىمدى قۇرايدى. ەندى بۇيىرتسا، 100 مىڭداي تۇرعىنى بار 146 ەلدى مەكەن تۇرعىندارى كوگىلدىر وتىننىڭ قىزىعىن كورەدى.

بۇل جوبانىڭ العاشقى كەزەڭى وتكەن جىلدىڭ جەلتوقسان ايىندا تەرەكتى اۋدانىنىنىڭ ورتالىعى فەدوروۆ كەنتىندە ىسكە قوسىلدى. وعان قر پرەمەر-ءمينيسترى كارىم ءماسىموۆتىڭ ءوزى قاتىسقان بولاتىن. مىنە، ەندى ارادا بەس-التى اي وتكەندە جوبانىڭ ەكىنشى كەزەڭى جۇزەگە استى. كوگىلدىر وتىن الاۋى 28 ماۋسىم كۇنى سىرىم اۋدانىنىڭ ورتالىعى جىمپيتى اۋىلىندا لاۋلادى. بۇل سالتاناتتى شاراعا قر مۇناي جانە گاز ءمينيسترى ساۋات مىڭباەۆ، وبلىس اكىمى باقتىقوجا ىزمۇحامبەتوۆ، قپو ب.ۆ كومپانياسىنىڭ باس ديرەكتورى دجۋزەپپە پازي قاتىستى.   كوگىلدىر وتىن الاۋىن جاعۋ قۇرمەتى ساۋات مىڭباەۆ پەن دجۋزەپپە پازيگە ۇسىنىلدى.

سىرىم اۋدانىنىڭ ورتالىعى جىمپيتى مەن قاراتوبە اۋدانىنا قىسقا مەرزىمدە گاز قۇبىرىن تارتقان «قازقۇرىلىسسەرۆيس» پەن «تەڭىزمۇنايقۇرىلىس» اكتسيونەرلىك قوعامدارىنىڭ ۇجىمى. پايدالانۋعا بەرىلگەن گاز قۇبىرىنىڭ جالپى ۇزىندىعى 552 شاقىرىمدى قۇرايدى. ەندى بۇيىرتسا، 100 مىڭداي تۇرعىنى بار 146 ەلدى مەكەن تۇرعىندارى كوگىلدىر وتىننىڭ قىزىعىن كورەدى.

- ەل-جۇرتتىڭ تۇرمىس-تىرشىلىگىن جەڭىلدەتۋ جونىندەگى ەلباسىنىڭ تاپسىرماسى ورىندالۋدا. مەن 2008 جىلى تەرەكتى، سىرىم جانە قاراتوبە اۋداندارىنا كوگىلدىر وتىندى جەتكىزۋمەن جۇمىستانامىن دەپ ۋادە بەرگەن ەدىم. ول ماقسات جۇزەگە اسىپ، بۇگىن سول قۋانىشتى سىزدەرمەن بولىسۋدەمىز. وبلىسىمىزداعى ەلدى مەكەندەردى كوگىلدىر وتىنعا قوسۋ ارقىلى تۇرعىنداردى وت جاعىپ، كۇل شىعارۋ ازابىنان قۇتقارساق، ەكىنشىدەن، مادەني-الەۋمەتتىك نىسانداردى جىلىتۋ سياقتى وزەكتى ماسەلەلەردى قوسا شەشۋگە قول جەتكىزەمىز. ۋاقىتپەن ساناسپاي قىسقا مەرزىمدە گاز قۇبىرىن تارتقان "قازقۇرىلىسسەرۆيس" جانە "تە­ڭىز­مۇنايقۇرىلىس" اكتسيونەرلىك قوعامى ۇجىمىنا، باسشىلارىنا سىزدەردىڭ، ءوزىمنىڭ اتىمنان زور العىس ايتامىن، - دەدى وبلىس اكىمى ب.ىزمۇحامبەتوۆ سالتاناتتى شارادا.

جىمپيتى تۇرعىندارى اتىنان ءسوز العان  سىدىق تاجىمۇقان اۋىل تۇرعىندارى اتىنان وبلىس باسشىلىعىنا العىس سەزىمىن جەتكىزدى.

الاۋ جاعىلعان سالتاناتتى شارادان سوڭ قوناقتار ۇلى وتان سوعىسىنىڭ ارداگەرى لاتيفوللا كەرەەۆتىڭ شاڭىراعىندا بولىپ، كوگىلدىر وتىن العاش قوسىلعان ءۇيدىڭ قىزىعىمەن ءبولىسىپ، ءدام اۋىز ءتيدى.

- جىمپيتى اۋىلىندا قازىرگى ۋاقىتتا 700 ۇيگە گاز وتكىزىلگەلى وتىر. مۇنىڭ ىشىندە 150 تۇرعىن ۇيگە «قازقۇرىلىسسەرۆيس» اق كوگىلدىر وتىندى تەگىن تارتادى. وسىنداي دەمەۋشىلىكتەن «نۇرجان» جشس دا قالىس قالماي، 15 ءۇيدى ءوز ەسەپتەرىنەن قالدىقسىز وتىن جەلىسىنە قوسپاقشى، - دەيدى اۋدان اكىمى اپپاراتىنىڭ ۇيىمداستىرۋ جۇمىستارى، مەملەكەتتىك قىزمەتتەر مونيتورينگى جانە باقىلاۋ جونىندەگى ءبولىم مەڭگەرۋشىسى دارحان جانقىلىشەۆ.

 

مەڭدوللا شامۇراتوۆ.

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543