جۇما, 29 ناۋرىز 2024
اقيقاتقا قيانات 5868 15 پىكىر 1 ماۋسىم, 2017 ساعات 15:37

ۇلتتىق پانتەونعا كىمدەر جەرلەنەدى؟

كەشەلى بەرى الەۋمەتتىك جەلى قولدانۋشىلارى اياق استىننان ۇلتتىق پانتەون جايلى ءسوز قوزعاپ، قوعام نازارىن توسىن تاقىرىپقا اۋدارۋدا.ساياسي ەليتاعا ارنالعان قورىم ماسەلەسىنىڭ ءسوز بولۋى، بۇعان بەلگىلى ساياساتكەرلەردىڭ جاپپاي پىكىر بىلدىرە باستاۋى كەز-كەلگەن ازاماتتى تۇسىنىكسىز كۇيگە تۇسىرەدى ەكەن. جەلدىڭ قايدان تۇرعانى بەلگىسىز. مۇنىڭ استارىندا نە جاتقانى تاعى بەيمالىم.

ءبىز جەلىدە جەلىپ جۇرگەن كوپ جازبالارعا توقتالىپ جاتۋدى ءجون كورمەيمىز. دەسەك تە "بۇل پانتەونعا كىمدەر جەرلەنەدى؟" دەگەن سۇراققا كەشەلى بەرى جاۋاپ بەرىلىپ تاستالدى. ءتىپتى، قازاقستان ۇكىمەتىنىڭ قاۋلىسىمەن ۇلتتىق پانتەون تۋرالى ەرەجە بەكىتىلگەنى جايلى اقپاراتتار تاراپ جاتىر.

ول قاۋلىدا بۇل پانتەونعا كىمدەر جەرلەنەتىنى ايتىلعان.

"وندا بىلاي دەلىنىپتى:

1. قر پرەزيدەنتى جانە ونىڭ وتباسى مۇشەلەرى;

2.  قر پرەمەر-مينيسترلەرى جانە ونىڭ ورىنباسارلارى;

3. قر پارلامەنت پالاتاسىنىڭ توراعالارى جانە ونىڭ ورىنباسارلارى;

4. قر مەملەكەتتىك حاتشىلارى;

5. قر پرەزيدەنت اكىمشىلىگىنىڭ جەتەكشىلەرى;

6. قر كونستيتۋتسيالىق كەڭەسىنىڭ توراعالارى

7. قر جوعارعى سوتىنىڭ جانە ۇلتتىق بانكتىڭ توراعالارى;

8) مينيسترلەر، قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، وبلىستاردىڭ، رەسپۋبليكالىق ماڭىزى بار قالانىڭ، استانانىڭ اكىمدەرى;

9) «حالىق قاھارمانى»، «قازاقستاننىڭ ەڭبەك ەرى» اتاقتارىنا يە بولعان تۇلعالار;

10) «التىن قىران»، «وتان»، «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ»، ءۇش دارەجەلى «ەڭبەك داڭقى» وردەندەرىمەن ماراپاتتالعان ازاماتتار;

11) «كەڭەس وداعىنىڭ باتىرى»، «سوتسياليستىك ەڭبەك ەرى» اتاقتارىنا يە بولعان ازاماتتار;

12) «قازاقستاننىڭ عارىشكەر-ۇشقىشى» قۇرمەتتى اتاعىنا يە بولعان ازاماتتار;

13) قازاقستان رەسپۋبليكاسى پرەزيدەنتىنىڭ ەرەكشە شەشىمى بويىنشا باسقا دا ازاماتتار;

14) پانتەوندا جەرلەۋگە جاتاتىن تۇلعالارمەن ولاردىڭ كەيىن قايتىس بولعان جۇبايلارى جەرلەنۋى مۇمكىن.

وسىدان ەكى جىل بۇرىن قر مادەنيەت ءمينيسترى ارىستانبەك مۇحامەديۇلى: "قازاقستان «ۇلتتىق پانتەون» سالۋ دەڭگەيىنە جەتكەندىكتەن بۇل جوبانى جۇزەگە اسىرۋعا مىندەتتى. «ۇلتتىق پانتەوننىڭ» قۇرىلىسى ءبىزدىڭ تاريحتا العاش رەت بولماق. بۇل تۇرعىدا حالىقارالىق تاجىريبە دە جەتەرلىك. «ۇلتتىق پانتەوندار» فرانتسيا، اۆستريا، گەرمانيا جانە وزگە دە الدىڭعى قاتارلى ەلدەردە بار. ءبىز «ۇلتتىق پانتەوندى» سالۋعا مىندەتتى دەڭگەيگە جەتتىك»،-دەگەن ەدى.

قىسقاسى، "ۇلتتىق پانتەون"  سالۋعا وسىدان ەكى جىل بۇرىن دايىن بولعان قازاقستان ەدىك. بۇگىنگى سىلكىنىس نەنىڭ بەلگىسى؟ ۋاقىت جەتەر، ەستي جاتارمىز! ازىرگە، ساياسي ەليتا قاۋىمىنا ارنالعان قورىمدا ورال مۇحامەدجانوۆ، فاريزا وڭعارسىنوۆا، سەرگەي دياچەنكو، ءابىش كەكىلبايۇلى، ماقسۇت نارىكباەۆ، قوزى-كورپەش جاڭبىرشين سياقتى تۇلعالار جەرلەنگەن.

ءشارىپحان قايسار

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616