جۇما, 29 ناۋرىز 2024
جاڭالىقتار 7783 6 پىكىر 31 مامىر, 2017 ساعات 14:05

ن. نازارباەۆ: «نۇرلى جول» ۆوكزالى پوستكەڭەستىك ەلدەردە تەڭدەسى جوق ۆوكزال

بۇگىن مەملەكەت باسشىسى نۇرسۇلتان نازارباەۆ ەلورداداعى «نۇرلى جول» جاڭا ۆوكزالىن ارالاپ شىققان سوڭ اتالعان ۆوكزال پوستكەڭەستىك ەلدەردە تەڭدەسى جوق ەكەنىن اتاپ ءوتتى.

«مىنا ۆوكزال پوستكەڭەستىك كەڭىستىكتە جالعىز. سىزدەر بىلەسىزدەر، ءبىز قازاقستاننىڭ بارلىق وڭىرلەرىن جىلدامدىعى جوعارى "تالگو" پويىزدارىمەن جالعادىق»، - دەدى پرەزيدەنت.

ۆوكزال كەشەنى التى دەڭگەيلى، جالپى اۋماعى 126 مىڭ شارشى مەترلىك عيمارات. ۆوكزالعا التى جولدىڭ تورابى كىرىپ وتىر. ول تاۋلىگىنە 35 مىڭ جولاۋشىنى قابىلداي الادى. ۆوكزال جولاۋشىلار اعىنىن، كەزەگىن، قاۋىپسىزدىگىن قامتاماسىز ەتىپ، ەلەكتروندى بيلەت ساتۋ پروتسەسىن ينتەللەكتۋالدىق باسقارۋ جەلىسىمەن قامتىلعان.

«ۆوكزال رەسمي تۇردە بۇگىن اشىلعانىمەن، ءىس جۇزىندە ەرتەڭ، 1 ماۋسىم كۇنى العاشقى جولاۋشىلار جولعا شىعادى. پويىز مارشرۋتتارى مەن ۋاقىتى بەكىتىلدى ، - دەپ xابارلادى «قتج» ۇك» اق ۆوكزال شارۋاشىلىعىن دامىتۋ جانە پايدالانۋ دەپارتامەنتىنىڭ ديرەكتورى جۇبان كورپەباەۆ تىلشىلەرگە بەرگەن سۇxباتىندا.

ۆوكزالدىڭ ءبىرىنشى جانە ەكىنشى قاباتىندا 740 كولىككە ارنالعان اۆتوتۇراق بار. سونىمەن قاتار ول جەردە قىزمەتتىك-تەxنيكالىق بولمەلەر ورنالاسقان. ءۇشىنشى قاباتتا - شاتىر استىندا پەررون ورىن تەپكەن. ءتورتىنشى قابات ەڭ نەگىزگى قابات بولىپ سانالادى. مۇندا باستى كىرەبەرىس پەن 10 بيلەت كاسساسى، انىقتاما بيۋروسى، ساۋدا ورىندارى بار. بەسىنشى قاباتتا فۋد-كورت ورنالاسقان. التىنشى قاباتتا اكىمشىلىك كەڭسەلەر بولادى.

«سونىمەن قاتار ۆوكزالدا انا مەن بالا بولمەلەرى، قوناق ءۇي، مەديتسينالىق پۋنكت بار. ۆوكزالدىڭ قاۋىپسىزدىگىنە دە كوپ كوڭىل بولىنگەن. عيماراتتا ادامداردى تەكسەرىستەن وتكىزەتىن 16 كىرەبەرىس بار. ونىڭ ۇستىنە اقىلدى جۇيەمەن باسقارىلاتىن 510 كامەرا ورناتىلعان»، - دەدى كورپەباەۆ.

«نۇرلى جول» ۆوكزالىنا  نەگىزىنەن استاناعا دەيىن جۇرەتىن پويىزدار ايالدايدى. ەسكى ۆوكزال باسىم رەتتە ترانزيتتىك پويىزداردى جانە قالا ماڭىنداعى اۋداندارعا قاتىنايتىن بەلگىلى ءبىر پويىزداردى قابىلدايدى.

ارايلىم مەلدەشوۆا

 اباي-اقپارات

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616