جۇما, 29 ناۋرىز 2024
46 - ءسوز 5523 4 پىكىر 30 مامىر, 2017 ساعات 11:29

«مىنا ورىس اپاي قاشان جاۋرار ەكەن؟»

تارازدان شىققان «سپرينتەر-مەرسەدەس» الماتىعا زۋلاپ كەلە جاتىر. اقىرتوبەگە جاقىنداعاندا شوپىردىڭ قاسىندا وتىرعان جاس جىگىت تەرەزەنى ءسال اشىپ، تەمەكى تۇتاتتى. ەندى قۇشىرلانىپ شەگە بەرگەندە ورتاڭ بەلدە وتىرعان جالعىز ورىس ايەل «نە كۋريتە» دەپ باج ەتە قالدى. انا بايعۇس جالما-جان تەمەكىسىن اينەكتەن لاقتىرىپ جىبەرىپ، بۇعا قالدى.

قوردايدان وتكەننەن كەيىن ماگنيتوفونداعى مۋزىكادان مازا قاشتى. داۋسى قۇلاق جارادى. جانە شەتەلدىڭ ءمانسىز مۋزىكاسى. تىڭداپ وتىرىپ شارشايسىڭ. «جايىراق قويسا قايتەدى ەكەن» دەپ قالدى ارتتاعى قازاق اپاي... بىراق، داۋسىن شىعارىپ ايتۋعا باتپادى. سالدەن كەيىن ورىس اپاي ايتتى ايقايلاپ... مۋزىكانىڭ ءۇنى ءوشتى.

كەشتەتىپ الماتىعا جاقىنداساق، جاڭبىر جاۋىپ تۇر. تارازدا كۇن ىستىق بولاتىن. سالوننىڭ ءىشى سۋي باستادى. ونىڭ ەلەڭ قىلعان شوپىر جوق. تەرەزەسىن اشىپ قويىپ، ماشينانى بارىنشا زۋىلداتىپ كەلەدى. اشىق تەرەزەدەن سالقىن سامال ۇرىپ تۇر. مەن عانا ەمەس، ءبارىنىڭ توڭىپ وتىرعانى انىق. بىراق، ايقايلاپ ايتايىن دەسەڭ، ىڭعايسىز سياقتى. ءبىرتۇرلى ۇيات. باسقا بىرەۋ ايتار ما ەكەن دەپ جان-جاعىڭا قاراپ قوياسىڭ...

سويتسەم ارت جاقتا وتىرعان ءبىر جىگىت «مىنا ورىس اپاي قاشان جاۋرار ەكەن؟» دەپ كۇلىپ قويادى.

شىنىندا وسىنداي كوپشىلىك ورتادا بىزگە قاراعاندا ورىس-كارىستەرىڭ وزدەرىن وتە ەركىن سەزىنەدى عوي. بىزدىكى ءبىر ۇياڭدىق پا، يبالىق پا، ىنجىقتىق پا، ايتەۋىر بىرنارسە.

ورالحان ءداۋىت

Facebook-تەگى پاراقشاسىنان

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541