سەنبى, 7 جەلتوقسان 2019
الەۋمەت 5043 7 پىكىر 30 مامىر, 2017 ساعات 10:49

ءتىلىمىز بەن ادەبيەتىمىز قۇردىمعا كەتپەي مە؟

سوڭعى جىلدارى جانىمدى ايازداي قارىپ جۇرگەن ەڭ اۋىر جاعداي – اتى تاۋەلسىز، ال زاتى وعان كەلىڭكىرەمەيتىن مەملەكەتتە ءوزىڭدى ناعىز تاۋەلسىز جان سەزىنە الماۋ دەر ەدىم.

ولاي دەيتىنىم، كونستيتۋتسيادا «مەملەكەتتىك ءتىل – قازاق ءتىلى» دەپ تاسقا ويعانداي ەتىپ جازىلىپ قويسا دا، مەملەكەت تاۋەلسىزدىگىن العانىنا شيرەك عاسىردان اسسا دا، انا ءتىلىمىز ءالى كۇنگە ءوز جەرىندە وگەي بالانىڭ كۇيىن كەشۋدە ەكەنىن كىم جوققا شىعارا الادى؟

مۇنى از دەسەڭىز، تاياۋدا مەملەكەت باسشىسىسى ءوز اۋزىمەن: «قازاق ءتىلى» مەن «قازاق ادەبيەتى» پاندەرىن بىرىكتىرىپ وقىتۋ» كەرەكتىگى تۋرالى ايتقاننان كەيىن، تىلگە، ادەبيەتكە دەگەن مەملەكەتتىك قۇرمەتتىڭ ەندى ەشقاشان دا بۇرىنعىداي بولمايتىنىن ويلاعاندا، قايران مەنىڭ جۇرەگىم جارىلىپ كەتەردەي كۇي كەشتىم.

بۇل ارادا سوڭعى كەزدەرى ەندى كۇشىنە ەنگەلى جاتقان جازۋشىلار قالاماقىسىن ءوسىرۋ تۋرالى زاڭنىڭ قاجەتتىلىگى قانشا دەگەن سۇراق تۋىندايدى ەرىكسىز.

بۇل نە:

ماقتان با؟

مازاق پا؟..

سونشالىقتى ءوزىنىڭ تۋعان انا تىلىنەن، ءوزىنىڭ تۋعان ادەبيەتىنەن بەزەتىندەي، بۇل مەملەكەتكە نە بولعان ءوزى؟

ءوز نەگىزىنەن بەزەتىندەي بۇل مىسكىندەر، سوندا كىمنەن، نەدەن ولەردەي قورقادى ەكەن؟..

ءتىلى مەن ادەبيەتى قاجەت بولماسا، ونداي ۇلتقا ءوزىنىڭ اتىمەن باستالاتىن تاۋەلسىز مەملەكەتتىڭ دە قاجەتى بولا قويار ما ەكەن؟..

ۇلت ءتىلى مەن ۇلت ادەبيەتىنىڭ بولاشاعىن شىنداپ ويلايتىن ۇلت، ۇلت باسشىلارى بار ما ەكەن ءوزى، اۋەلى؟..

جۇماش كەنەباي

Abai.kz

7 پىكىر