ەلىمىزدىڭ بىرقاتار ايماقتارىندا تاسقىنعا بايلانىستى توتەنشە جاعداي جاريالاندى
سولتۇستىك قازاقستان وبلىسىنىڭ قىزىلجار اۋدانىندا تاسقىن قاۋپىنە بايلانىستى توتەنشە جاعداي جاريالاندى. ءبىر كۇن بۇرىن ەسىل وزەنىنىڭ ارناسىنان اسۋىنا بايلانىستى پەتروپاۆل قالاسىندا دا توتەنشە جاعداي رەجيمى ەنگىزىلدى.
وبلىس اكىمى قۇمار اقساقالوۆتىڭ ايتۋىنشا، وتكەن تاۋلىكتە وزەندەگى سۋ دەڭگەيى 30 سانتيمەترگە كوتەرىلگەن، ارناسىنان اسقان وزەن سۋى توعىز شاقىرىمدىق جەردى باسىپ قالدى.
"وبلىستا بارلىعى 171 ءۇيدى سۋ باسىپ قالدى", - دەدى ول. اكىم مالىمەتى بويىنشا، كىسى شىعىنى جوق.
حابارلارعا قاراعاندا، ايماقتا تاسقانعا بايلانىستى 700-دەن استام ادام ۇيلەرىن تاستاپ كەتۋگە ءماجبۇر بولدى. ايماقتاعى ءىرى سۋ قويماسىنداعى سۋدىڭ دەڭگەيى ەكى مەترگە كوتەرىلگەن. قازىر ەسىل وزەنىندەگى سەرگەەۆ سۋ قويماسىندا شامامەن ميلليارد تەكشەمەتر سۋ جاتىر.
اباي-اقپارات
