جۇما, 29 ناۋرىز 2024
4866 0 پىكىر 27 ءساۋىر, 2017 ساعات 09:12

كيەۆتە يسلام كارىموۆتىڭ تۋىسقانىن ءۇي قاماۋىنا اۋىستىردى

كيەۆ قالاسى پروكۋراتۋراسىنىڭ حابارلاۋىنشا، وزبەكستاننىڭ بۇرىنعى پرەزيدەنتى يسلام كارىموۆتىڭ تۋىسقانى اكبارالى ابدۋللاەۆتى ءۇي قاماۋىنا اۋىستىردى. وزبەكستان بيلىگى ونى جۇزدەگەن ميلليون دوللار جىمقىرعانى ءۇشىن ىزدەستىرىپ جاتىر.

33 جاستاعى اكبارالى ابدۋللاەۆتى ۋكراينالىق شەكاراشىلار 14 قاڭتاردا كيەۆ حالىقارالىق اۋەجايىندا وزبەكستان باس پروكۋراتۋراسىنىڭ تالابىمەن ۇستادى.

تاشكەنت ونى 2014 جىلى جاساعان قارجى قىلمىستارى ءۇشىن ىزدەستىرىپ جاتىر. دەگەنمەن ابدۋللاەۆ جاساعان قىلمىستارى ءۇشىن تۇرمەگە وتىرىپ شىققانىن مالىمدەپ، قازىرگى ايىپتاۋلاردىڭ ساياسي استارى بارىن ايتتى.

2013 جىلدىڭ 10 قازانىندا ابدۋللاەۆ اسا اۋىر ەكونوميكالىق قىلمىستار جاسادى دەگەن ايىپپەن ۇستالدى. ونى تۇتقىنداۋعا يسلام كارىموۆتىڭ ءوزى بۇيرىق بەرگەن. 2014 جىلى قاراشادا ول 15 جىلعا تۇرمەگە قامالدى، بىراق كەيىن ونىڭ جازا مەرزىمى 6,5 جىلعا قىسقارتىلدى.

ەكى جارىم جىل تۇرمەدە وتىرعان ابدۋللاەۆ راقىمشىلىقپەن بوساپ شىققان. كارىموۆ قازاسىنان سوڭ ول ەلدەن زاڭسىز تۇردە قاشىپ كەتتى. بىراق ونىڭ ادۆوكاتتارى ابدۋللاەۆتىڭ ۋكرايناعا زاڭدى بۇزباي كەلگەنىن مالىمدەپ وتىر. ونىڭ تولقۇجاتى جانە وزبەكستاننان شىعاتىن ۆيزاسى بولعان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606