2016 جىلدىڭ ماۋسىمىندا سوت ونى قىزمەتىن اسىرا پايدالانىپ، مەملەكەت مۇلكىن جىمقىردى دەگەن ايىپپەن ەكى جىلعا باس بوستاندىعىنان ايىرعان. ءىىم قىلمىستىق-اتقارۋ جۇيەسى كوميتەتى ۇسەنوۆتىڭ بوستاندىققا شىققانىن راستادى.

قاجىمۇرات ۇسەنوۆ «استانا ەكسپو-2017» كومپانياسىنداعى كوررۋپتسيا ءىسى بويىنشا ايىپتارىن مويىنداعانى ءۇشىن، ولارعا قاتىستى بولەك قىلمىستىق ءىس قوزعالعان 12 ادامنىڭ ءبىرى.

سونىمەن بىرگە اۋىل شارۋاشىلىعىنىڭ بۇرىنعى ۆيتسە-ءمينيسترى ءمۇسلىم ومىرياەۆتىڭ دە راقىمشىلىققا ىلىنگەنى حابارلانادى. ول 2014 جىلدىڭ كۇزىندە 10 جىلعا سوتتالعان. سوت وعان ءىرى كولەمدە پارا الدى، تەندەر كەزىندە جەكە كاسىپكەرلەردىڭ مۇددەسىن قورعادى دەگەن ايىپپەن ۇكىم شىعارعان. ومىرياەۆ وزىنە تاعىلعان ايىپتاردى مويىندامادى.

قازاقستاندا راقىمشىلىق تاۋەلسىزدىكتىڭ 25 جىلدىعىنا وراي جۇرگىزىلىپ جاتىر. وندا اۋىر قىلمىس جاساعانى ءۇشىن سوتتالعانداردى دا بوستاندىققا شىعارۋ قاراستىرىلعان.

اباي-اقپارات