جۇما, 29 ناۋرىز 2024
الەۋمەت 7604 1 پىكىر 14 ءساۋىر, 2017 ساعات 12:29

جول ازابىن جۇرگەن بىلەر

قازاقستاندا 2017 جىلى 602 شاقىرىم اۆتوموبيل جولى سالىنادى، دەپ حابارلادى قر ينۆەستيتسيالار جانە دامۋ مينيسترلىگىنىڭ ءباسپاسوز قىزمەتىنە سىلتەمە جاساعان قازتاگ.

2016 جىلى قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى «نۇرلى جول» مەملەكەتتىك باعدارلاماسىمەن بىرىكتىرىلگەن ەكەن.

«ەنگىزىلگەن وزگەرىستەر بويىنشا 2017–2019 جىلدارى باعدارلاما اياسىندا ۇزاقتىعى 4,4 مىڭ شاقىرىم، قۇنى 1,7 ترلن تەڭگەنىڭ 23 جوباسىن ىسكە اسىرۋ كوزدەلگەن. بيىلعى جىلى اۆتوجولدار رەكونسترۋكتسياسىنا 356,2 ملرد تەڭگە، ونىڭ ىشىندە ۇلتتىق قوردان 143,5 ملرد تەڭگە ءبولىندى»، – دەپتى يجد ءمينيسترى جەڭىس قاسىمبەك.

ونىڭ ايتۋىنا قاراعاندا، استانا – قاراعاندى، ورتالىق – شىعىس، بەينەۋ – اقتاۋ، ورتالىق – باتىس، قاپشاعاي – تالدىقورعان، پەتروپاۆل – رف شەكاراسى جانە ورال – كامەنكا سياقتى ۇزاقتىعى 602 شاقىرىم بولاتىن 7 اۋىسپالى جوبادا جۇمىستار جالعاسىپ، بيىلعى جىلدىڭ سوڭىندا اياقتاۋ جوسپارلانعان.

مينيستر اتاپ وتكەندەي، رەسپۋبليكالىق بيۋدجەت جانە حالىقارالىق قارجى ينستيتۋتتارىنىڭ (حقي) قاراجاتتارى ەسەبىنەن جالپى ۇزاقتىعى 3,2 مىڭ شاقىرىم بولاتىن 16 جاڭا جوبانىڭ رەكونسترۋكتسياسى باستالماق. ولار: اقتوبە – ماقات، اتىراۋ – استراحان، كۇرتى – بۋرىلبايتال، بۋرىلبايتال – بالقاش، مەركە – بۋرىلبايتال، تالدىقورعان – وسكەمەن، ۇزىناعاش – وتار، جەتىباي – جاڭاوزەن، قالباتاۋ – مايقاپشاعاي، ءۇشارال – دوستىق، بەينەۋ – اقجىگىت، قوستاناي – دەنيسوۆكا، ششۋچينسك – زەرەندى، استانانىڭ وڭتۇستىك-باتىس اينالما جولى، وسينوۆ اسۋى، تاسكەسكەن – باقتى.

بۇل ەكى ارادا «قازاۆتوجول» ۇلتتىق كومپانياسىنىڭ وكىلدەرى الماتىداعى «التىن وردا» بازارى ماڭىنداعى جولدىڭ قاشان قايتا جوندەلەتىنىن ايتتى، دەپ حابارلايدى Tengrinews.kz. ولاردىڭ ايتۋىنشا، جوندەۋ جۇمىستارى ءcاۋىر-ماۋسىم ايلارىندا جۇرگىزىلەدى. قر پرەمەر-ءمينيسترىنىڭ ءبىرىنشى ورىنباسارى اسقار ءماميننىڭ تاپسىرىسىنا سايكەس، 2016 جىلدىڭ IV توقسانىندا رەسپۋبليكالىق بيۋدجەت ەسەبىنەن «التىن وردا» بازارى ماڭىنداعى 4 شاقىرىمعا سوزىلعان الماتى-بىشكەك اۆتوجولىن جوبالاۋ جۇمىستارى باستالعان ەكەن.

دەگەنمەن، مامان-ساراپشىلاردىڭ پىكىرىنە قاراعاندا، ۇزىندىعى نەبارى 15–9 شاقىرىم عانا بولاتىن، 10 ميلليارد تەڭگەدەن استام شىعىندى قاجەت ەتەتىن بۇل جولدى كەڭەيتكەننەن گورى، «التىن وردا» بازارىن كۇرە جولدىڭ بويىنان قاشىققا كوشىرگەن ارزانعا تۇسەدى ەكەن. بىراق مەملەكەت جەكە مەنشىكتىڭ ەسەبىندەگى بازاردى ورنىندا قالدىرىپ، حالىق قازىناسى ەسەبىنەن اۆتوكولىك تىعىرىعى تىيىلمايتىن كۇرە جولدى كەڭەيتۋگە قۇلشىنىپ وتىر. سەبەبى بەلگىلى: بۇل بازاردىڭ قوجايىنى – ەل پرەزيدەنتىنىڭ ءىنىسى بولات نازارباەۆ.

سىرىم داتوۆ

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596