نارازىلىق بىلدىرۋشىلەردىڭ قولىندا "ۋچاك ءۇنۇنون كوركوبۋز" ("ۇشاق ۇنىنەن قورقامىز"), "ۋچاك كايرادان كۋلابايت دەپ كيم كەپيلديك بەرەت؟" ("ۇشاق قايتا قۇلامايدى دەپ كىم كەپىل بەرەدى؟") دەگەن پلاكاتتار بار. قۇقىق قورعاۋ ورگاندارى قىزمەتكەرلەرىنىڭ ەسەبى بويىنشا، ميتينگكە 100-150 ادام شىققان. الايدا ميتينگتى ۇيىمداستىرۋشىلار 300 ادام شىقتى دەيدى.

قىرعىزستان ۇكىمەتىنىڭ شۋ وبلىسى بويىنشا وكىلى تۋرۋسبەك سۋلتاناليەۆتىڭ ايتۋىنشا، داچا سۋ تۇرعىندارىن كوشىرۋ ءۇشىن بىشكەككە جاقىن اۋدانداردا بوس جەر جوق. "ال جايىل، پانفيلوۆ جانە ماسكەۋ اۋداندارىنا كوشۋگە ولار كەلىسپەي جاتىر", - دەيدى شەنەۋنىك.

ول سونىمەن بىرگە ۇكىمەت زارداپ شەككەندەردىڭ ناقتى ءتىزىمىن شىعارعانىن، توتەنشە جاعدايلار مينيسترلىگىنىڭ ەسەپ شوتىنا تۇسكەن 100 ميلليون سوم ولارعا ءبولىپ بەرىلەتىنىن ايتتى.

«بوينگ-747-400» جۇك ۇشاعى 2017 جىلدىڭ 16 قاڭتارىندا تاڭعى ساعات 7.20 شاماسىندا «ماناس» اۋەجايىنا جاقىن داچا سۋ اۋدانىنا قۇلادى. اپات سالدارىنان 39 ادام قازا تاپتى. ونىڭ تورتەۋى ەكيپاج مۇشەسى.

اباي-اقپارات