تەرگەۋ بولجامىنشا، كۇدىكتىلەر 2015 جىلدىڭ قاراشاسىنان وسى كۇنگە دەيىن سانكت-پەتەربۋرگ تەرريتورياسىندا نەگىزىنەن ورتالىق ازيا ەلدەرىنەن شىققان ازاماتتاردى "يسلام مەملەكەتى" جانە "دجابحات ان-نۋسرا" ەكسترەميستىك ۇيىمدارىنىڭ قاتارىنا قوسىلۋعا جانە تەرروريستىك قىلمىستار جاساۋعا ۇگىتتەگەن".

تەرگەۋشىلەر ازىرگە ۇستالعانداردىڭ سانكت-پەتەربۋرگ مەتروسىندا بولعان تەراكتىنى جاساۋشىمەن تانىستىعى يا بايلانىستا بولعانى تۋرالى مالىمەت جوق دەيدى.

كوميتەتتىڭ 5 ساۋىردە تاراتقان اقپاراتىنا قاراعاندا، كۇدىكتىلەر بۇگىن تەرگەۋشىلەردىڭ فەدەرالدىق قاۋىپسىزدىك قىزمەتى مەن ىشكى ىستەر مينيسترلىگى قىزمەتكەرلەرىنىڭ بىرلەسە جۇرگىزگەن تەرگەۋ جانە جەدەل ىزدەستىرۋ شارالارى ناتيجەسىندە ۇستالعان. اتى-جوندەرى اتالماعان كۇدىكتىلەر رەسەيگە جۇمىس ىستەۋگە بارعان.

دۇيسەنبى كۇنى پەتەربۋرگ مەتروسىندا جارىلىس بولىپ، 14 ادام قازا تاپتى، ونداعان ادام جارالاندى.

اباي-اقپارات