جەكسەنبى, 20 قازان 2019
3468 3 پىكىر 31 ناۋرىز, 2017 ساعات 15:45

جاس قالامگەرلەردىڭ قالاماقىسى ارتادى

قوعامدىق ماڭىزى بار ادەبيەتتەر ءۇشىن قالاماقى كولەمى ارتادى. بۇل تۋرالى بۇگىن سەناتتا مادەنيەت جانە سپورت ءمينيسترى ارىستانبەك مۇحامەديۇلى ءمالىم ەتتى، دەپ حابارلايدى قازاقپارات.

«ءبىز قازىرگى كەزدە كىتاپتاردى شىعارىپ جاتىرمىز، اۆتور بولگەن قارجاتتىڭ 10 پايىزىن الادى. ياعني اۆتورعا 300-450 مىڭ تەڭگە كولەمىندە تيەسىلى بولادى. سول سەبەپتى جازۋشىلىقپەن اينالىسۋ ءتيىمسىز. ول كىتاپتى شامامەن 5-6 جىل جازىپ، ناتيجەسىندە الاتىن ەڭبەكاقىسى 350 مىڭ تەڭگەنى قامتيدى. نەگە دۇكەن سورەلەرىندە قازاق اۆتورلارىنىڭ كىتابى جوق؟  شىنىندا، قازىر سىيلى ءارى قۇرمەتتى اعالارىمىز جازىپ جاتىر، ال جاستاردىڭ اسا ىنتاسى جوق. ويتكەنى 350 مىڭ تەڭگە سوماسىنداعى قالاماقى تىم از»، - دەپ ءتۇسىندىردى مينيستر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ كەزىندە.

ونىڭ سوزىنە قاراعاندا، وسى زاڭ جوباسىنا بايلانىستى ماڭىزى بار قاجەتتى ادەبيەتتەرگە تاپسىرىس بەرىلەدى. بۇل تۇرعىدا قالاماقى ماسەلەسى مۇلدەم باسقاشا رەتتەلەدى، ياعني ونى قوعامدىق كەڭەس شەشەدى. كەڭەس قۇرامىنا دەپۋتاتتار، قوعام قايراتكەرلەرى كىرەدى. «زاڭ جوباسى اياسىندا قالاماقى ماسەلەسى شەشىلسە، ارينە جازۋشىلاردىڭ جاعدايى مۇلدەم باسقاشا بولادى. ولاردىڭ ەڭبەكاقىسى ەداۋىر جاقسارار ەدى»،-دەدى مۇحامەديلى.

اباي-اقپارات

3 پىكىر