جۇما, 15 قاراشا 2019
جاڭالىقتار 2458 3 پىكىر 31 ناۋرىز, 2017 ساعات 11:45

حراپۋنوۆتىڭ ءىسى  كاليفورنيا سوتىندا قارالاتىن بولادى

كاليفورنياداعى اقش-تىڭ   اپەللياتسيالىق سوتى ۆيكتور حراپۋنوۆتىڭ ىسىنە قاتىستى قازاقستاننىڭ پوزيتسياسىن قولدادى، - دەپ حابارلايدى Tengrinews.kz ءتىلشىسى قر ادىلەت مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ.

"قازاقستان رەسپۋبليكاسى اقش-تىڭ سوتىن ءوز پوزيتسياسىنىڭ دۇرىس ەكەندىگىنە كوز جەتكىزە ءبىلدى. اتالعان شەشىم جەمقورلىقپەن كۇرەس سالاسىنداعى ۇزدىكسىز جۇمىستىڭ ناتيجەسى بولىپ تابىلادى. ەندى الماتى قالاسىنىڭ حراپۋنوۆتارعا قارسى شاعىمى كاليفورنيا سوتىندا قاراستىرىلاتىن بولادى.", - دەدى ادىلەت مينيسترلىگىندەگىلەر.

ەستەرىڭىزگە سالا كەتەيىك، الماتى قالاسىنىڭ اكىمدىگىت بۇرىنعى  اكىم  حراپۋنوۆتى 2014 جىلى سوتقا بەرگەن ەدى. دەرەككوزى تاراتقان اقپاراتقا قاراعاندا، سوتقا شاعىمدانۋشى جاق ايىپتالۋشىنىڭ ەسەپ-شوتتارىن جاۋىپ، زاڭسىز جولمەن تابىلعان قارجىنىنىڭ بارلىعىن الماتى قالاسىنىڭ قازىناسىنا قايتارۋ كەرەكتىگىن مالىمدەگەن. ۆيكتور حراپۋنوۆ پەن ونىڭ ايەلى ءلايلا حراپۋنوۆاعا قاتىستى قازاقستاندا ۇزىن سانى 24 قىلمىستىق ءىس قوزعالىپ، قىزمەت بابىن اسىرا پايدالاندى، الاياقتىق جولمەن بيۋدجەت قارجىسىن جىمقىردى، زاڭسىز جولمەن نىسانداردى جەكەشەلەندىرىپ،  زاڭسىز كىرىستەردى زاڭداستىرىپ الدى، پارا الدى، ۇيىمداسقان قىلمىستىق توپتى قۇردى جانە ولارعا جەتەكشىلىك ەتتى دەگەن ايىپ تاعىلعان بولاتىن. 2008 جىلعى ساۋىردە حراپۋنوۆتار شۆەيتسارياعا قونىس اۋدارعان بولاتىن. ال 2012 جىلى قازاندا ۆيكتور حراپۋنوۆتىڭ ايەلى - لايلاعا ءىرى كولەمدى الاياقتىق جاساعانى ءۇشىن حالىقارالىق ىزدەۋ جاريالانعان ەدى دەپ جازادى kaz.tengrinews.kz / سايتى.

اباي-اقپارات

3 پىكىر