جۇما, 29 ناۋرىز 2024
جاڭالىقتار 5260 5 پىكىر 30 ناۋرىز, 2017 ساعات 18:10

مۇحتار قۇل-مۇحاممەد: مەملەكەتتىك قىزمەتكەردىڭ باستى مىندەتى – ءوز حالقىنا قىزمەت ەتۋ

مەريتوكراتيا ىسكە اسىرىلۋدا: وتكەن جىلى 6 مىڭ مەملەكەتتىك قىزمەتكەردىڭ لاۋازىمى جوعارىلاتىلدى.

بۇگىن مۇحتار قۇل-مۇحاممەد استانادا مەملەكەتتىك قىزمەت رەفورماسىنا ارنالعان پارتيالىق تىڭداۋ وتكىزدى. وعان «نۇر وتان» پارتياسىنان دەپۋتاتتار، بارلىق نەگىزگى مينيسترلىكتەر مەن ۆەدومستۆولاردىڭ باسشىلارى، ونىڭ ىشىندە مەملەكەتتىك قىزمەت ىستەرى جانە جەمقورلىققا قارسى كۇرەس اگەنتتىگىنىڭ توراعاسى قايرات قوجامجاروۆ، باس پروكۋروردىڭ ورىنباسارى اندرەي كراۆچەنكو، ىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ، سونداي-اق ايماقتىق اكىمدىكتەردىڭ  وكىلدەرى قاتىستى.

كەزدەسۋ كەزىندە مەريتوكراتيا قاعيداسىنا ، ياعني ەرەكشە لايىقتى جانە كاسىپقوي مامانداردى باسشىلىق لاۋازىمدارىنا ۇسىنۋعا نەگىزدەلگەن مانساپتىق ءوسۋدىڭ جاڭا ۇلگىسىن ەنگىزۋدىڭ  العاشقى ناتيجەلەرى جاريالاندى. 2016 جىلى 6 مىڭنان استام قازاقستاندىق مەملەكەتتىك قىزمەتكەر جوعارى لاۋازىمعا يە بولدى. بۇل 2015 جىلعا قاراعاندا 4 ەسە كوپ. «نۇر وتان» پارتياسى توراعاسىنىڭ ءبىرىنشى ورىنباسارى ءوز سوزىندە پرەزيدەنتتىڭ مەمقىزمەتكەرلەر كونكۋرستارىن ايقىن جانە الدىن الا ويلاستىرماي،  كانديداتتاردىڭ كاسىبيلىگى مەن جەكە باسىنىڭ لايىقتىلىعىن باعالاۋ نەگىزىندە وتكىزۋدى تاپسىرعانىن اتاپ ايتتى. وسىعان بايلانىستى مۇحتار قۇل-مۇحاممەد قوعامدىق وكىلدەر مەن ساراپشىلاردى بوس ورىندار كونكۋرسىن باقىلاۋعا تارتۋ تاجىريبەسىن كەڭەيتە تۇسۋگە شاقىردى.  «ءاربىر مەملەكەتتىك قىزمەتكەردىڭ باستى جانە قاسيەتتى مىندەتى – ءوز حالقىنا قىزمەت ەتۋ، ءوز ەلىنىڭ زاڭدارىن قۇرمەتتەۋ جانە ءوز انتىنا ادال بولۋ. ول ءۇشىن مەملەكەتتىك قىزمەتكەر ءوزىنىڭ ءبىلىمىن تۇراقتى تۇردە جەتىلدىرىپ وتىرۋى جانە ءوزىنىڭ كاسىبي شەبەرلىگىن شىڭداۋ ءتۇسۋى ءتيىس»، - دەپ اتاپ ءوتتى «نۇر وتان» پارتياسى توراعاسىنىڭ ءبىرىنشى ورىنباسارى.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577