جۇما, 6 جەلتوقسان 2019
جاڭالىقتار 3113 0 پىكىر 28 قاڭتار, 2015 ساعات 09:38

«سىباعادان» سىرت قالما

«سىباعا» باعدارلاماسى اياسىندا انالىق باس ءىرى قارا مال ساتىپ الۋ بويىنشا 2014 جىل جوسپارى اسىرا ورىندالدى.

«اگرارلىق نەسيە كورپوراتسياسى» اق «سىباعا» باعدارلاماسى بويىنشا انالىق باس ءىرى قارا مال ساتىپ الۋ بويىنشا جوسپارلى مولشەردى ورىندادى. قر اۋىل شارۋاشىلىعى مينيسترلىگىنىڭ شەبەرلىك جوسپارىنا سايكەس، 2014 جىلى 50 مىڭ باس ىقم ساتىپ الۋ جوسپارلانعانىمەن، اۋىل شارۋاشىلعى تاۋار وندىرۋشىلەرى وتكەن جىلى كورپوراتسيا قارجىسىنا 53 مىڭ 800 باستان اسا ىقم يەمدەندى.

بۇگىنگى تاڭدا اتالعان باعدارلاما الماتى، قاراعاندى، وڭتۇستىك قازاقستان، شىعىس قازاقستان، باتىس قازاقستان جانە قوستاناي وبلىستارىندا بەلسەندى تۇردە جۇزەگە اسۋدا.

2012 جىلدان باستاپ، «سىباعا» باعدارلاماسى بويىنشا قارجىلاندىرۋ نەسيە سەرىكتەستىكتەرى جۇيەسى ارقىلى دا جۇزەگە اسا باستادى. وتكەن جىلى نەسيە سەرىكتەستىكتەرىنىڭ قاتىسۋشىلارىنا 2 ملرد. تەڭگەدەن اسا قارجى ءبولىنىپ، وعان 10 مىڭنان اسا ىقم ساتىپ الىندى.

كورپوراتسيا «سىباعا» باعدارلاماسى باستالعاننان بەرى 27,8 ملرد. تەڭگەدەن اسا قارجىعا 1972 جوبانى قارجىلاندىرىپ، وعان 147 مىڭنان اسا ءىرى قارا مال ساتىپ الۋعا قول جەتكىزىلدى.

«اگرارلىق نەسيە كورپوراتسياسى» اق - 2001 جىلى قر ۇكىمەتى قاۋلىسىمەن قۇرىلعان كومپانيا. نەگىزگى ماقساتى – اگرارلىق سالانى قازاقستان رەسپۋبليكاسى اگروونەركاسىپكەشەنى نىساندارىن قولجەتىمدى نەسيەلەۋ جۇيەسىن دامىتۋ ارقىلى يندۋستريالاندىرۋ جانە ءارتاراپتاندىرۋ. «قازاگرو» ۇلتىق باسقارۋشى حولدينگىنىڭ قۇرامىنا كىرەدى.

 اباي-اقپارات

 

 

0 پىكىر