جۇما, 29 ناۋرىز 2024
46 - ءسوز 6109 0 پىكىر 24 اقپان, 2015 ساعات 10:02

دينا تولەكوۆا. مەن ءۇن قاتتىم...

جەلىدە جەلىكپەگەندەردىڭ ءبىرى ەدىم... ومىردە دە اسا قاتتى پىسىقاي ەمەس-تۇعىنمىن... وتىرىك "ۇلتىم" دەپ ۇرانداتۋ ارقىلى حالىقتى ارانداتىپ قويىپ، ارزان اتاق ىزدەپ، ازاماتتىق ۇستانىمىمدى ساۋدالاپ، بيلىكتەن نəپاقامدى تاپقان ارامتاماق تاعى مەن ەمەس ەكەم...
مۇنىڭ ءبəرى - مەنىڭ تابيعاتىما جات دۇنيەلەر... يə، سوڭعى 1 جارىم جىلدا əلەۋمەتتىك جەلىدە "داۋىسى قاتتىراق شىعىپ كەتكەن" قارىنداستاردىڭ قاتارىنان تابىلدىم. ءتىپتى وسى جەردەگى حالقىم ماعان باتىر اتاعىن بەرىپ تاستادى. شىن كۇرەسكەر، شىن باتىر بولۋ قايدا؟؟؟ Əلەۋمەتتىك شىرعالاڭنان شىعا الماعان مىناۋ زاماندا جاننا د' اركتاي كۇرەسكەر بولۋ قايدان قولدان كەلسىن؟!
سۇمدىق ادام كورگىسىز قياناتىمەن مەنىڭ سۇيەگىمە تاڭبا تۇسىرگەن كورشىمدى كەشىرە المادىم. بويىمدى اۋلاق ۇستاعىم كەلدى. پۇتەكەمدى قولداعان بۇگىنگى راشانى ايتام-اۋ... ساياساتتى ءجىتى قاداعالاپ قانا قويماي، ىشتەي سالماقتاپ وتىراتىن مەن ءۇشىن ولاردىڭ شوۆينيستىك ساسىق ساياساتى بەسەنەدەن بەلگىلى عوي. وتكەن جىلى داۋىسىمنىڭ قاتتى شىعىپ كەتۋىنە سەبەپ بولعان سۋبەكتيۆتى فاكتور، وسى ىشكى قارسىلىق ەدى. بيىل سىلاڭ ەتىپ سايلاۋ كەلە قالدى ەمەس پە؟ ءبىر ادامنىڭ ءومىر باقي بيلەپ-توستەۋىنەن، ەلدە بەلەڭ العان əلەۋمەتتىك قايشىلىقتان، زاڭسىزدىقتان، اۆتوريتارلى جۇيەدەن تاعى دا تولىپ جاتقان ء"يۆتى" سەبەپتەردەن مەزى بولعان مەن جۋىردا ءوز ويىمدى جەلى بەتىنە توگىپ تاستادىم. سويتسەم، مەن بەلسەنسىگەندە قىلاڭ ەتە قالاتىن اقىل ايتقىشتارىم "قويسايش" دەگەندەي قىلدى. Əلبەتتە، "كەسىرى تيەر" دەپ، مەنىڭ تاعدىرىما الاڭداعان شىن جاناشىرلارىم دا جوق ەمەس... ەلدى əبىگەرگە سالاتىنداي نە جازىپپىن دەپ جازعاندارىمدى تاعى ءبىر شولىپ شىقتىم. قاراسام، قورقىنىشتى تۇك تە جوق! مىناۋ بيلىكتى توڭكەرىپ-قۇلاتايىق، الاڭعا شىعىپ، قىزىل-قىرعىن بولايىق دەگەن رەۆوليۋتسيالىق ۇران اتىمەن جوق. تۇڭعىشتى اتىنا تەرىس جەتەكتەتىپ مىنگىزىپ جىبەرەتىندەي ءمəتىن تاعى جوق. ءبىر پارتيا قۇرىپ، وپپوزيتسيانىڭ سوڭىندا ۋلاپ-شۋلاپ جۇرگەن مەن جوق. اقوردانىڭ جانىنا بارىپ، اشتىق جاريالاپ، اۋزىمنان اق كوبىگىم اتىپ، قولىما قىلىش ۇستاپ، اتتانداپ جۇرگەن تاعى مەن ەمەس. سوندا بۇلاردىڭ بويىن بيلەگەن نە ۇرەي؟ نەدەن قورقادى؟ سونشاما نە بوپ قالدى؟ 
وتكەندە ايدوس سارىم: "ەكونوميكا، بيزنەس تىنىشتىعى تۇراقتى ەلدە داميتىنى ايتىلىپ ءجۇر عوي، ال بۇگىنگى تۇراقتىلىق ساياساتى شىن مəنىندەگى ساياسات ەمەس، ول بۇگىنگى بيلەۋشىلەردىڭ ساياسي جاعدايىن ساقتاپ قالۋ ءۇشىن جۇرگىزىلىپ وتىر، شىنايى تۇراقتىلىققا قاتىسى جوق ۇعىم" دەپ سۇحبات بەرىپ ەدى...
ەەح، بۇلاردىڭ كوكەيىن تەسكەن كوپتىڭ قامى ەمەس، بيلىكتەگى ات توبەلىندەي توپتىڭ "باعى" ەكەن عوي... قورىققانعا قوس كورىنەدى... ۇنسىزدىكتىڭ ىشىندە سəل عانا سىبدىر ەتە قالعان داۋىس - ول قاراقتارىما - شىڭعىرىپ جاتقانداي ەستىلەدى ەكەن عوي... ال مەن ءۇن قاتتىم، قۇلاقتارىڭدى باسىپ اپ قاشىڭدار!!!

(جازبا اۆتوردىڭ facebookتەگى پاراقشاسىنان الىندى)

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3545