جۇما, 29 ناۋرىز 2024
قوعام 8245 0 پىكىر 31 ناۋرىز, 2015 ساعات 16:49

تاتيانانىڭ الەمجەلىدەگى «ءانى»

الماتىنىڭ الاتاۋ اۋداندىق سوتى بۇگىن الەۋمەتتىك جەلىلەردى پايدالانىپ، ۇلتارالىق الاۋىزدىقتى قوزدىرعان تاتيانا شەۆتسوۆا-ۆالوۆاعا ۇكىم شىعاردى. 

الاتاۋ اۋداندىق سوتى تاتيانا شەۆتسوۆا-ۆالوۆانى (سۋرەتتە) 4 جىلعا شارتتى تۇردە باس بوستاندىعىنان ايىردى. سوتتىڭ ۇكىمى بويىنشا، شەۆتسوۆا-ۆالوۆا 3 جىل بويى سىناق مەرزىمىندە بولىپ، ونىڭ ءىس-ارەكەتىن جەرگىلىكتى پوليتسەيلەر قاتاڭ باقىلاپ تۇرماقشى.

ال، ءوزىن بارشا جۇرتتان ساۋاتتى سانايتىن شەۆتسوۆا-ۆالوۆا سوتتىڭ بۇل ۇكىمىمەن كەلىسپەيتىنىن ايتىپ، جوعارعى سوتقا دەيىن ارىزدانباقشى.

ەسكە سالا كەتەيىك، الماتى قالاسىنىڭ تۇرعىنى شەۆتسوۆا-ۆالوۆانىڭ الەۋمەتتىك جەلىلەردەگى جازبالارىنان «ۇلتتىق ەرەكشەلىككە قاتىستى كەمسىتۋدى» بايقاعان قوعام بەلسەندىلەرى بيلىك ورىندارىنا شاعىم تۇسىرگەن ەدى.

قاڭتار ايىنىڭ 12-سىندە بولعان سوتتان شىققان بەتىندە شەۆتسوۆا-ۆالوۆا جۋرناليستەرگە الەۋمەتتىك جەلىلەردەگى جازبالاردى ءوزى جازباعانىن جانە تاعىلعان ايىپتى مويىندامايتىنىن ەسكەرتكەن-ءدى. ءبىر تاڭقالارلىعى، ول الەۋمەتتىك جەلىلەردەگى پىكىرلەرىنە بايلانىستى كوزقاراس تانىتقاننىڭ ءبارىن جاۋ ساناپ، ايقايىن رەسەي بيلىگىنە ەستىرتپەككە ارەكەتتەنگەن بولاتىن. سوت وتىرىسىنان كەيىن دە سونداي پيعىلىن بايقاتقان ول ءوز جازبالارىنان تانا قالىپ، جۇرتتىڭ ءبارىن تاڭقالدىرعان-دى.

شەۆتسوۆا-ۆالوۆا  مەملەكەت قۇراۋشى تيتۋلدى ۇلت – قازاقتارعا قاراداي ۇرىنىپ، جازىقسىز حالىقتى «مالعا» تەڭەگەن. ءسويتىپ، ۇلتارالىق ارازدىقتى قوزدىردى دەپ ايىپتالعان. سويتكەن تاتيانا قازاقتار تۋرالى ويىنان اينىدى ما، جوق پا، بەلگىسىز، الايدا ول بۇرىنعى ءانىن قايتالاپ، سوتتىڭ شارتتى تۇردە باس بوستاندىعىنان ايىرعانىنا ەش كەلىسپەي وتىر. تاتيانا شەۆتسوۆا-ۆالوۆانىڭ مۇقىم حالىقتى باسىنىپ سويلەگەن سوزدەرى مەن ءىس-ارەكەتىنە قاتىستى جايتتاردى مىنا سىلتەمەدەن تابا الاسىزدار: (http://abai.kz/post/view?id=2822  قازاقتى مالعا تەڭەگەن شوۆينيست)

سونىمەن، شەۆتسوۆا-ۆالوۆا 4 جىلعا شارتتى تۇردە جازالاندى. ال، تاپ وسىنداي سوزگە قالىپ، «ۇلتارالىق ارازدىقتى قوزدىردى»  دەپ تانىلعان ساكەن بايكەنوۆ قازىر قاماۋدا جاتىر. بايكەنوۆ تۋرالى بىلگىڭىز كەلسە، مىنا سىلتەمەنى اشىڭىز: (http://abai.kz/post/view?id=3114 بايكەنوۆ – قاماۋدا. شەۆتسوۆا-ۆالوۆا شە؟)

 Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565