جۇما, 29 ناۋرىز 2024
زەرتتەۋ 8343 0 پىكىر 29 ءساۋىر, 2015 ساعات 12:10

قازاقستان كوزقاراستار مەن يدەيالار ايناسىندا

ەلىمىزدىڭ قوعامدىق-ساياسي ءومىرىنىڭ كوپتەگەن كۇنگەي جاعى بار، سوندىقتان قوعامداعى ساياسي ماسەلەلەرگە ساراپتاما جاساي وتىرىپ، «باسقاشا» كوزقاراسپەن قاراۋ دا ماڭىزدى.

بەلگىلى ساياساتتانۋشى اندرەي چەبوتارەۆتىڭ «تاۋەلسىز قازاقستاننىڭ ساياسي ويى: ديناميكا، يدەيالار، باعالاۋ» كىتابى جارىق كورگەلى ءبىراز بولدى.

كىتاپتا تاۋەلسىز قازاقستانداعى مەملەكەتتىك قۇرىلىسىنا تىكەلەي اسەر ەتكەن ساياسي كۇشتەر مەن تۇلعالاردىڭ يدەيالارىنا، كوزقاراسىنا، الەۋمەتتىك-ساياسي پلاتفورمالارىنا قىزىقتى كوزقاراس بەرىلگەن.

ماسەلە - ەلىمىز تاۋەلسىزدىك العاننان بەرگى ساياسي-يدەيالىق مۇرا جونىندە. سول كەزدەگى يدەيالار كۇرەسى قالاي ءجۇردى، تۇلعالار ءبىر-بىرىنە قالايشا اسەر ەتتى دەگەن سۇراقتارعا باعا بەرىلگەن، جان-جاقتى قاراستىرىلعان. ەل تاۋەلسىزدىگىنىڭ بۋىنىنىڭ قاتايۋىنا ات سالىسقان كوپتەگەن تۇلعالاردىڭ ەڭبەكتەرى دە قامتىلعان. سونىمەن بىرگە تۋىندى، ساياسي كوزقاراسىنا قاراماي، بيلىكتىڭ «قارا تىزىمىنە» ەنگەن ازاماتتاردىڭ ساياسي تۇعىرناماسىنا ءوز تۇرعىسىنان باعا بەرۋگە تىرىسادى. ا.سارسەنبايۇلى، ز.نۇرقادىلوۆ، ب. ءابىلوۆ، ە. اسانباەۆ جانە ت.ب. كوزقاراستارى بۇكپەسىز جازىلعان. مۇنىڭ ءوزى فەنومەن.

سونىمەن بىرگە، بۇگىنگى بيلىكتىڭ دە «اق پەن قاراسى» جاقسى اشىلعان...

عىلىمي- ساراپتاما تۇرىندە جازىلعان تۋىندىدا جوعارىدا ايتىلعان تۇلعالاردىڭ ساياسي كوزقاراستارىنىڭ وزگەرۋى، ونىڭ سالدارى، ودان شىعاتىن قورىتىندىلار شەبەر بەرىلىپتى.

كەيىنگى كەزدەرى ساياسي مەمۋاريستيكا، ساياسي ساراپتاما جانرى اقساپ قالعاندىعى بەلگىلى. بۇل كىتاپتىڭ قۇندىلىعى، وسى «ۇلكەن الاڭدى» تولتىرۋعا ءبىراز بولسا دا ۇلەسىن قوساتىن ءتارىزدى.

كىتاپ ساياساتتانۋشىلارعا، الەۋمەتتانۋشىلارعا، سونىمەن قاتار بۇگىنگى ساياساتقا قىزىعۋشىلىق تانىتاتىن بارلىق كىتاپسۇيەر قاۋىمعا ارنالعان.

اۆتور ا. چەبوتارەۆقا ءبىر عانا ءوتىنىش: وسى كىتاپتىڭ قازاقشا نۇسقاسىن شىعارسا. دەگەنمەن، وتە قىزىقتى، كوپتەگەن ءبىز بىلمەيتىن فاكتىلەر تۋىندىنىڭ قۇندىلىعىن ارتتىرىپ وتىر. اۆتور ءوزىنىڭ وسى باعىتتاعى شىعارماشىلىق ىزدەنىستەرىن جالعاستىرا، دامىتا بەرسە ەكەن دەگىم كەلەدى.

ەرلان سايروۆ

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594