بەيسەنبى, 28 ناۋرىز 2024
46 - ءسوز 6769 0 پىكىر 7 مامىر, 2015 ساعات 12:34

الاباجاق ساياسات

"قۇرىسىن!" دەسەم دە قۇرتا الماي، وسى الاباجاق لەنتامەن بۇگىنگى ۋاقىتىم تاعى دا ءوتتى. الماتىداعى سۋلپاك، السەر دۇكەندەر جەلىسى رەسەيلىك كومپانياعا تيەسىلى ەكەنى بەلگىلى. بۇكىل قىزمەتكەرىنە تاققىزىپ قويىپتى. ارنايى كەڭسەسىنە بارىپ، باسشىلارىن شاقىرتتىم. ءبىر قورا سلاۆيان ۇلتىنىڭ وكىلى ءتۇستى. مەن الماتى اكىمدىگى، ىشكى ساياسات باسقارماسىنىڭ حاتىن كورسەتتىم. مىنالار دەس بەرمەدى. ءمورسىز، وزدەرىنە ارنالماعان حاتتى قىستىرعان دا جوق. امالسىز، بوتاگوز زارقىنقىزىنا حابارلاستىم. ساياحات ماڭىنا ول دا كەلىپ قالعان ەكەن. ەندى بوتاگوزبەن بىرگە بارىپ، ايتىسۋعا كىرىستىك. ەۆگەني دەگەن باستىعى "بىزدەگى قىزمەتكەرلەردىڭ بۇل لەنتانى تاعۋ-تاقپاۋى - ءوز ەركى" دەپ قۇتىلدى. بىراق كوك لەنتا تاعۋعا ەشقانداي قۇقىق بەرمەگەن. ارتىنشا، سۋلپاك دۇكەنىندەگى ساتۋشى قىز-جىگىتتەرمەن سويلەستىم. سويتسەم، باسشىلىعى وسى لەنتانى تاعىپ ءجۇرۋدى مىندەتتەپتى. "شەشۋگە بولمايدى", - دەدى ءوزىمىزدىڭ قازاقتىڭ بالالارى ۇيالا تومەن قاراپ. ولاردىڭ راسىندا جازىعى جوق. بۇگىندە باسشىسىنا قارسى كەلەم دەپ، جۇمىسسىز قالۋعا تاعى بولمايدى. 
كەشكىلىك اۆتوبۋسقا مىنسەم، ءدال قاسىما ورىستىڭ ادەمى كەلىنشەگى وتىردى. كەۋدەسىنە ول دا الاباجاق لەنتانى تاعىپ الىپتى. سومكەمدەگى اكىمدىكتىڭ حاتىن كورسەتتىم. بىراق بۇل كەلىنشەك تۇك تە كەكىرەيگەن جوق. - مەن "الماتىتەلەكومدا" ىستەيمىن. بارىمىزگە وسى لەنتانى تاعۋعا مىندەتتەدى. مىنا حاتتى ءبىرىنشى رەت كورىپ تۇرمىن. نەگە ءبىزدىڭ مەكەمەگە حابارلاماعان؟ ءتىپتى، كوشەدەگى، قوعامدىق كولىكتەردەگى مونيتورعا ءوزىمىزدىڭ كوك لەنتانى ءىلىپ قويسا، بوتەن ەلدىڭ دۇنيەسىندە نەمىز بار؟ بىلەمىز عوي. بۇل گەورگي لەنتاسى رەۆانشيستىك ساياساتتىڭ تۋىنا اينالعان، - دەدى ەمەن-جارقىن. 
ايتەۋىر ءبىر ادامنىڭ پىكىرلەس بولعانىنا كادىمگىدەي قۋانىپ قالدىم. سوسىن مىنانداي وي كەتتى: راسىمەن-اق، ەلباسى اربانى دا سىندىرماي، وگىزدى دە ولتىرمەۋ ءۇشىن، دۇرىس ساياسات قولداندى. گەورگي لەنتاسىنا تىيىم سالىنبادى، بىراق تىيىلۋىمىزدى تالاپ ەتتى. ياعني، مەملەكەتتىڭ ىرگەسىن بەكىتە تۇسۋگە مۇمكىندىك بەردى. بىراق شەنەۋنىكتەر ايتىلعان ءسوزدى قاز-قالپىندا عانا ءتۇسىنىپ، باتىل قيمىلداۋعا قورقاقتاپ قالدى. باستاپقى مەسسەدج بەلگىلى ەدى. ەندەشە، بۇكىل قالا اكىمدىكتەرى كوك لەنتانى تەلەارنالار، كوشەدەگى بيلبوردتار، مەرزىمدىك باسىلىمدار، قوعامدىق كولىكتەردە، الاڭداردا باتىل تۇردە ناسيحاتتاۋى ءتيىس ەدى. قاجەت بولسا، ستۋدەنتتەرگە كەڭ تۇردە فلەش-موبتار جاساتۋى كەرەك ەدى. مەملەكەتتىك، جەكەمەنشىك مەكەمەلەرگە ۇلتتىق سيمۆولدى ناسيحاتتاۋ تۋرالى رەسمي حاتتار جولدانۋى كەرەك ەدى. ەدى، ەدى، ەدى... ەندى كەش قالدىق. ويتكەنى، مەملەكەتتىك ساياساتتىڭ باسىندا وتىرعانداردىڭ ءوزى سۋجۇرەك قورقاق، جالتاق، نامىسسىز! ولاردىڭ قۇنى دا وسى الاباجاق شۇبەرەك سياقتى!

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522