جۇما, 29 ناۋرىز 2024
مادەنيەت-ادەبيەت 9971 0 پىكىر 28 مامىر, 2015 ساعات 14:10

بۇل ءان ءوزىن اقتادى، حالىقتىڭ جادىندا قالدى

24-مامىر كۇنى الماتىداعى رەسپۋبليكا سارايىندا اقىن، كومپوزيتور بەكجان ءاشىربايدىڭ ءان-جىر كەشى وتەدى. بەكجاننىڭ «كورشىنىڭ قىزى» دەپ اتالاتىن ءان-جىر كەشىنىڭ قارساڭىندا از-كەم سۇحبات قۇرعاندى ءجون كوردىك.

-  بەكجان مىرزا، 24-مامىر كۇنى الماتىداعى رەسپۋبليكا سارايىندا ءان-جىر كەشىڭىز وتكەلى جاتىر. دايىندىق قالاي؟ قوبالجىپ، الاڭداپ جۇرگەن جوقسىز با؟ بۇل – بىلۋىمىزشە،  ۇلكەن ساحناداعى ءبىرىنشى كونتسەرتىڭىز عوي. سولاي ەمەس پە؟

-ء         يا، الداعى جەكسەنبىدە مەن العاش رەت ۇلكەن ساحنادا كەش وتكىزبەكپىن. سوندىقتان بولار، قوبالجىپ جۇرگەنىم دە راس. دەسەك تە، 2013 جىلدىڭ 1 جەلتوقسانىندا ستۋدەنتتەر سارايىندا جەكە شىعارماشىلىق كەشىمدى وتكىزدىم، 2014 جىلى جازۋشىلار وداعىندا «جەتپىس ءتورتتىڭ جەتى اقىنى» اتتى جىر كەشىنىڭ ءبىر كەيىپكەرى رەتىندە ەل الدىنا شىقتىم. ياعني، مەنىڭ الداعى كۇندەرى وتەتىن «كورشىنىڭ قىزى» اتتى شىعارماشىلىق كەشىمە دايىندىق بۇدان ەرتەرەك باستالدى. قىرىقتىڭ بەلەسىنە شىعىپ، ادەبي، رۋحاني، شىعارمالىق ورتادا جۇرگەنەن كەيىن بەلگىلى ءبىر جاسقا تولىپ، بەلگىلى ءبىر بەلەستى باعىندارعان سوڭ، ەل الدىنا ءبىر ەسەپ بەرسەم دەگەن وي دا كوكەيىمدە كوپتەن ءجۇر ەدى. العاشقى ءانىم «كورشىنىڭ قىزى» 1999 جىلى شىقتى. سودان بەرى مىنە، 16 جىل ءوتىپتى. وسى ۋاقىت ارالىعىندا ءانى دە، ءسوزى دە وزىمدىكى دەگەن قىرىقتان استام ءان جازىپپىن. ولاردىڭ باسىم كوپشىلىگىن بۇگىنگى قازاق ەستراداسىنداعى «مەن!» دەگەن جۇلدىزدارىنىڭ رەپەرتۋارىنا ەنىپ ۇلگەردى. جالپى دايىندىق قىزۋ ءجۇرىپ جاتىر. الدىڭعى كەشتەن العان تاجىربيە بار، سوندىقتان كونتسەرت ويداعىداي وتەدى دەگەن ءۇمىتىم زور. ساحنانىڭ بەزەندىرىلۋى، ورىندالاتىن اندەردىڭ رەتتى، باعدارلاماسى بارلىعى جان-جاقتى پىسىقتالۋدا. كەشتى قۇرداسىم ءارى زامانداسىم جاناتبەك بايتەكوۆ جۇرگىزەدى.

-         ءسىزدى جالپى جۇرت 1990 جىلداردىڭ اياعىندا ايتىس اقىنى رەتىندە تانىدى. ءبىر ايتىسىڭىزدا: «كوممۋنيستەر ورنىنا كوررۋپيستەر كەلدى عوي، پيونەرلەر ورنىنا زيان ەرلەر كەلدى عوي» دەگەنىڭىز ەستە.  سوندا: «اقىن وسىلاي ايتۋى كەرەك»، - دەپ ايىزىمىز قانعان. ويتكەنى، ءبارىمىز كوممۋنيستەر مەن پيونەرلەردى جاپپاي جامانداپ، جاۋ كورىپ جاتقاندا ءسىز قوعامنىڭ دەرتى مەن ۇلتتىڭ سورىنا اينالعان جاڭا ءبىر دۇرەگەي توپتىڭ باس كوتەرگەنىن بىلدىرگەن ەدىڭىز. سودان كەيىن ءسىز تۋرالى ءجۇرسىن ەرمان: «بەكجان ءاشىرباي ايتىسقا ينتەللەكتۋالدىق دەڭگەي الىپ كەلدى»، - دەدى. وكىنىشكە قاراي، سول كەزدەگى ءدۇبىرلى توپپەن ءبىر كورىندىڭىز دە جۇرت نازارىنان تىسقارى قالا بەردىڭىز. نەگە؟ ويىمشا، الامان ايتىستا سوزدەن ۇتىلماعان بەكجان ءوز بويىنداعى تالعامپازدىقتىڭ، ينتەللەكتۋالدىق مۇمكىندىكتىڭ شوۋ-ايتىستارعا جۇرمەيتىندىگىن ءتۇسىنىپ توقتاعان سياقتى. ءوزىڭىز نە دەيسىز؟

-         بۇل ايتىپ وتىرعاندارىڭىز 1998 جىلى مەنىڭ مۇحامەتجان تازابەكوۆپەن ايتىسىمداعى جىر جولدارى. سول ۋاقىتتا «سۋپەر دودا» دەگەن اتپەن قازاق ايتىسىنىڭ كوشىن باستاپ تۇرعان ءبىر توپ ازاماتتاردىڭ باسىن قوساتىن ءجۇرسىن ەرماننىڭ ەرەكشە ءبىر جوباسى بار ەدى. وسى دودا مەنىڭ ايتىستان ءوز ۇلەسىمدى الۋىما، ياعني، ايتىسكەر رەتىندە حالىققا  تانىلۋىما ءوز سەپتىگىن تيگىزدى. ال، ايتىس اقىنى رەتىندە العاش ەل الدىنا شىعۋىم 1989 جىلدان باستالادى. وڭتۇستىك قازاقستان وبلىسى، ورداباسى اۋدانىندا نارماحان بەگاليەۆتىڭ ۇيىمداستىرۋمەن وتكەن حالىقارالىق ايتىستا العاش تۇساۋىم كەسىلدى. ەڭ ءبىرىنشى ايتىستاعى جۇبىم بەكارىس شويبەكوۆ بولدى. ول كەزدە ەكەۋمىز دە مەكتەپ وقۋشىسى ەدىك. كەيىنەن اۋداندىق، وبلىستىق، رەسپۋبليكالىق ايتىستاردا ءجيى-ءجيى حالىق الدىنا شىعىپ ءجۇردىم. نەگىزى ايتىس ەسترادالىق جانر، قۇلاققا جۇمىس ىستەيدى. مۇندايعى ايتىلعان ويدى سول ساتىندە تۇسىنەسىڭ. سوسىن، ايتىستىڭ نەگىزگى اۋديتورياسى ورتا بۋىن وكىلدەرى مەن ودان ۇلكەندەر. سوندىقتان، بارىنشا ادەبيەتكە، فولكلورعا جاقىن، سول مەزەتتە حالىق تۇسىنە قوياتىن، ەلدىڭ ساناسىندا تەز جاتتالىپ قالاتىنداي، جاڭا عانا ءوزىڭىز ەسكە تۇسىرگەن جىر جولدارى سياقتى ۇتىمدى ويلاردى ءدوپ باسىپ ايتۋ كەرەك بولدى. ارينە، شوۋ سيپاتتىندا وتكەن وسى ايتىستا ايتقان سوزدەرىمدى ەلدىڭ ءالى كۇنگە دەيىن ۇمىتپاعانى مەنى قۋانتادى. سونداي-اق، ايتىس ساحناسىنان كەتكەنىمە ءبىرتالاي جىلدار وتسە دە، كوپتەگەن ارىپتەستەرىم جانە ادەبيەتتىڭ اينالاسىندا جۇرگەن بىرقاتار ازاماتتاردىڭ دا اۋزىنان «بەكە، ايتىسقا قاشان ورالاسىز؟» نەمەسە «ايتىس ساحناسىنان نەگە كەتتىڭىز؟» دەگەن مازمۇنداعى سۇراقتاردى ەستىپ، ءتىپتى، تالاي ايتىسكەردى باپتاعان اعالارىمىزدىڭ كەيدە ماعان «ايتىسقا شىقساڭ قايتەدى؟» دەپ قولقالاپ جاتاتىنى دا بار. شىنى كەرەك، قازىردىڭ وزىندە ايتىس كورسەم، بايگە كورگەن تۇلپارداي تىقىرشىپ، ايتىسقا قويىپ كەتكىم كەلىپ تۇرادى. 

2006-2007 جىلدارى وردا بۇزار وتىزعا جەتەر جەتپەس شاعىمدا قازاقتىڭ ماڭدايالدى كلاسسيك اقىنى ۇلىقبەك ەسداۋلەتوۆ اعامىز مەنى «قازاق ادەبيەتى» گازەتىنىڭ باس رەداكتورىنىڭ ءبىرىنشى ورىنباسارى قىزمەتىنە شاقىردى. مۇنى ماعان جۇكتەلگەن ۇلكەن سەنىم، ابىروي دەپ باعلادىم. وسىلايشا، مەن ۇلكەن ادەبي ورتاعا تاپ بولىپ، پوەزيا الەمىنە كەڭىنەن قۇلاش جايىپ، ءومىردىڭ جاڭا ءبىر بەلەسىنە قادام باسقانداي بولادىم. ادەبيەتتىڭ كىل مايتالماندارى مەن قايماقتارىنىڭ قالامىنان شىققان كوركەم دۇنيەلەردى باساتىن بۇل گازەتە رەداكتورلىق قىزمەت اتقارۋ ەڭ الدىمەن ءوز-ءوزىمدى شىڭداۋعا كومەكتەستى. ماعان جازبا پوەزياعا ويىسسام دەگەن وي دا وسى كەزدە كەلدى. ونىڭ ۇستىنە جۇكەڭنىڭ «بەكجاننىڭ دۇيسەنبى كۇنى ايتقاننىن، سەيسەنبى كۇنى تۇسىنەمىز» نەمەسە، «بەكجان ايتىس ونەرىنە جاڭا لەپ اكەلدى» دەگەن سياقتى ايتقان پىكىرلەرىنىڭ بارلىعىن ىشتەي قورىتىپ، تازا پوەزياعا بەت بۇرعانىم ءجون دەپ شەشتىم. ناتيجەسىندە 2008 جىلى جازۋشى باسپاسىنان مەملەكەتتىك تاپسىرىسپەن مەنىڭ «قوڭىر اۋەن» اتتى العاشقى جىر جيناعىم، كەيىن ت.ب كىتاپتارىم جارىق كوردى.  2010 جىلى ماعان پوەزيا نوميناتسياسى بويىنشا «دارىن» مەملەكەتتىك جاستار سىيلىعىنىڭ لاۋرەاتى اتاعى بەرىلدى. وسىلايشا كەيدە،  پوەزيا الەمىنەن دە ءوز ورنىمدى تاپتىم-اۋ دەپ ويلاپ قويامىن.  

بىراق، كەيبىرەۋلەر مەنى ايتىس ساحناسىنان تەپەرىش كورىپ، ەرىكسىز كەتتى دەپ پىكىر ايتىپ ءجۇر. جالپى ايتىستىڭ تابيعاتى وپپوزيتسياعا جاقىن. ايتىس اقىندارى ايتارىن تۇسپالداماي، وتكىر جەتكىزۋىمەن ەرەكشەلەنەدى. قانشا دەگەنمەن بىزدە ءسوز بوستاندىعى بار. شىنىمدى ايتايىن، ەشكىم مەنى اناۋ ايتىستا ارتىق ايتىپ قويدىڭ دەپ قۋدالاعان دا، شەتتەتكەن دە ەمەس.

-         ال، ەندى انگە كەلەيىك. ولەڭ ءسوزى مەن ءانىن ءوزىڭىز جازعان، العاش توقتار سەرىكوۆ ورىنداعان «كورشىنىڭ قىزى» ەمەس پە ءسىزدى جاڭا قىرىڭىزدان تانىتقان؟.. وسى «كورشىنىڭ قىزىنداعى» ليريكالىق كەيىپكەردىڭ ءايبات، تازا كوڭىلىنەن شىققان وي مەن سۇراقتى كەيبىرەۋلەر قىلجاق دەپ ءتۇسىنىپ ءجۇر. ءتىپتى، «وسىنداي دا ءان بولا ما، انگە وسىندايدا ءسوز جازىلا ما؟» دەپ تاناۋرايتىندار بار. ولارعا نە دەيسىز؟ جالپى، تىڭ تەڭەۋ، توسىن ويعا قارسى ايتىلىپ جاتاتىن وراشولاق پىكىرلەرگە نە دەيسىز؟ تالعام نەگە تومەندەپ بارادى؟

-     1993 جىلى، مەنىڭ ستۋدەنت شاعىمدا، جازۋشىلار وداعىندا، ۇمىتپاسام مەيىرحان اقداۋلەت اعالارىمىزدىڭ ۇيىمداستىرۋىمەن جاس اقىنداردىڭ اراسىندا جىر ءمۇشايراسى بولدى. ەكىنشى، ءۇشىنشى كۋرستا وقىپ جۇرگەن كەزىم. جىر سايىسىنا قاتىسقان 200-گە جۋىق جاس اقىننىڭ اراسىندا مەن دە بار ەدىم. وسى دودادا قازىلار القاسى مەنىڭ «كورشىنىڭ قىزى» اتتى ولەڭىمدى ەكىنشى ورىنعا لايىق دەپ تاپتى. مۇنى ەسكە ءتۇسىرىپ وتىرعان سەبەبىم، كەيبىرەۋلەر ءالى كۇنگە دەيىن دۇرىس تۇسىنە الماي جۇرگەن بۇل ولەڭ الدىمەن ەلگە بەلگىلى مىقتى اقىنداردىڭ، سىنشىلاردىڭ سۇزگىسىنەن سۇرىنبەي ءوتىپ، كەيىن حالىققا ءان بولىپ تارادى. مىسالى، «كورشىنىڭ قىزى» العاش توقتار سەرىكوۆتىڭ ورىنداۋىندا قازاق راديوسىنان بەرىلە باستاعان ۋاقىتتا وسى ءان تىڭدارمانداردىڭ سۇراۋىمەن ءبىر كۇندە 15-20 مارتە قويىلدى. سوندا راديونىڭ كوركەمدىك كەڭەسىنە باسشىلىق نەگە قايتا-قايتا «كورشىنىڭ قىزىن» قويا بەرەسىڭدەر دەپ ىشكى قىزعانىشتارىن بىلدىرگەن ەكەن. قادىر مىزاليەۆ اعامىزدىڭ: - ء«اننىڭ ەڭ ۇلكەن ناسيحاتشىسى، ءاننىڭ ءوزى» دەگەن ءسوزى بار. سوندىقتان مەن بۇل انگە وسىنداي باعا بەرگەن بولار ەدىم. ءان ءوزىن اقتادى، حالىقتىڭ جادىندا قالدى. بۇعان ەشكىمنىڭ تالاسى جوق شىعار.

ال، تالعام ماسەلەسىنە كەلسەك، مەنىڭ ومىردەن تۇيگەنىم، ءوزىن تازا شىعارماشىلىققا نەمەسە ونەرگە ارناعان ادام، ەڭ ءبىرىنشى ءتىل مەن ويدىڭ شەڭبەرىندە مول قور جيناۋى كەرەك. ءبىزدىڭ الدىڭعى بۋىن اقىن-جازۋشىلاردىڭ قاتارىنداعى ءوزىمىز كوزىن كورگەن اعالارىمىزدىڭ ءبىرى –قانىبەك سارىباەۆ. ول كىسى ۇنەمى «بال اراسى ءبىر كيلو بال جيناۋى ءۇشىن ءبىر كۇندە سەكسەن مىڭ گۇلگە قونۋى كەرەك. شىعارماشىلىق جولىنداعى ادامدار دا وسىنداي بولۋى ءتيىس» دەپ ەسكەرتىپ وتىراتىن. ياعني، ادام قانشا جەردەن تالانتتى بولسا دا، قاشاندا تىنىمسىز ەڭبەك پەن ىزدەنىستىڭ ءجونى بولەك. ادامنىڭ تالعامىن جوعارى ەتەتىن دە ەڭ اۋەلى وسى قاسيەتتەر. جالپى، «تالعامدا تالاس جوق» دەپ جاتادى. دەيتۇرعانمەن، كەز-كەلگەن ادامنىڭ تالعامى ونىڭ ينتەللەكتۋالدىق شاما شارقىنا دا بايلانىستى سياقتى. مىسالى قازىر حالىققا ءوزىڭدى تانىتۋدىڭ جولدارى دا، مۇمكىندىكتەرى دە كوپ. ولەڭ جازاتىن بولسا، ونى الەۋمەتتىك جەلىلەردىڭ كومەگىمەن-اق جالپاق جۇرتقا جاريا ەتە الادى. جاقىندا بىرەۋ ءوز ولەڭىن وسىنداي جەلىلەردىڭ بىرىنە جاريا ەتىپتى. الگى ولەڭنىڭ اۆتورىنىڭ اتىنا ايتىلعان پىكىرلەردى وقىپ وتىرىپ، بىرەۋدىڭ «مۇنداي ولەڭدى بۇرىن-سوڭدى ەشكىم جازباعان» دەپ جەر كوككە سيعىزباي ماقتاعانىن، ونى كوپشىلىكتىڭ جاپپاي قولداعانىن كورىپ، تاڭ قالدىم. بۇل ءبىر جاعىنان سول ادامداردىڭ تالعامىنىڭ قانشالىقتى تومەن ەكەنىن بىلدىرسە، ەكىنشى جاعىنان ولاردىڭ شىن مانىندە پوەزيا الەمىنە ءۇش قايناسا سورپاسى قوسىلمايتىن ادامدار ەكەنىن اڭعارۋ قيىن ەمەس. اقىندارىمىزدى ومىرىندە ولەڭ جازىپ كورمەگەن ادامدار سىناۋى قانشالىقتى ءادىل؟ مىنە، وسىنداي كەلەڭسىزدىكتەر كەڭىنەن ەتەك الىپ، تالعام جوعالىپ بارادى.   

-         تالعام دەگەننەن شىعادى. بۇگىنگى شوۋ-بيزنەستە جۇرگەندەرمەن ارالاساسىز با؟ ولاردىڭ ءان مەن ءان تەكستىن تاڭداپ، تالعامايتىن، ايتەۋىر تانىلسام بولدى دەيتىن تالاپتارىنا قالاي قارايسىز؟

-         مەن مىناداي ويعا كەلىپ ءجۇرمىن. بىزگە جالپى رۋحاني سۇرىپتاۋ، ونەردى كەزدەيسوق ادامداردان تازارتۋ كەرەك. ماسەلەن، نارىقتا ازىق-تۇلىك ونىمدەرى بولسىن، كيىم-كەشەك ت.ب تاۋارلاردىڭ ساپاسىنا قانداي ءبىر تالاپ قويىلادى. تاۋار تۇتىنۋشىسىنا جەتكەنشە قانشاما سۇزگىدەن وتەدى. وسى سياقتى، ونەرگە دە وسىنداي تالاپ قويۋ كەرەك. نەگە دەسەڭىز، كوپتەگەن مەملەكەتتەر مۋزىكانى ەلدىڭ يدەيالوگيالىق قۇرالى رەتىندە پايدالانىپ، اسا ءمان بەرەدى. ال، بىزدە ءوزىڭىز ايتقانداي اتىم شىقسا بولدى دەپ، ءاننىڭ مازمۇنىنا، تىلىنە ءمان بەرمەيتىندەر كوپ. مىسالى، ءبىزدىڭ «ح-فاكتور»، «سۋپەر-ستار» سەكىلدى جوبالار قاي ەلدىڭ ءانىن ناسيحاتتاپ جاتقانىن تۇسىنبەيسىڭ. ايتەۋىر، ءبىزدىڭ اندەر ەمەس. وسىنىڭ سالدارىنان ۇلتتىڭ بوياۋى قانىق، قازاقتىڭ قوڭىر ءۇندى اندەرى الدەقاشان «مودادان» قالعانداي كورىنەدى. سوندىقتان، ونەرگە دەگەن تالاپتاردى كۇشەيتىپ، ءتىپتى، مۇنى زاڭمەن رەتتەيتىندەي جاعدايعا جەتكىزسەك، «تالعامسىز» دەگەن جامان اتقا قالماس ەدىك. جالپى، ءوز مادەنيەتىمىز، ادەبيەتىمىز، ونەرىمىز زاڭمەن قورعالۋى ءتيىس. كوركەمدىك كەڭەس تە كەرەك-اق. مىسالى، وزبەكستاندا انشىلەرگە مەملەكەت ارنايى ليتسەنزيا بەرەدى. وسى ليتسەنزيانى الۋ ءۇشىن ولار زاڭدا كورسەتىلگەن تالاپتارعا ساي بولۋلارى كرەك. زاڭدى بۇزسا، ليتسەنزيالارىنان ايىرىلادى. ال، بىزدە ءبارى باسقاشا. اقشاڭ بولسا بولدى، ەرتەڭ-اق جۇلدىز اتانىپ، ءانىڭ حيتكە اينالۋى عاجاپ ەمەس. مۇنىڭ بارلىعى تالعامعا قاتىستى ماسەلەلەر.

-         كونتسەرتىمىزگە ورالايىق.  بيلەتتەر قالاي ساتىلىپ جاتىر؟  كورەرمەن قاۋىمدى سەلت ەتكىزەر توسىن سىيلار دا بولىپ قالاتىن شىعار؟

- بۇل جولعى كونتسەرتتىمدە قازاق ەستراداسىنداعى ماڭدايالدى، مويىندالعان، وزىندىك اۋديتورياسى بار، انشىلەردىڭ باسىم بولىگى مەنىڭ اۆتورلىق اندەرىمدى ونىندايدى. «نۇر-مۇقاسان» دۋەتى باستاعان، جۇبانىش جەكسەنۇلى، ماقسات بازارباەۆ، سايات مەدەۋوۆ، جانبولات پەن جازيرا، ءادىل سلامحان، روزا القوجا، سىرىم يساباەۆ سىندى حالىققا تانىمال انشىلەر مەن كەيىنگى كەزدەرى اندەرى حيتقا اينالىپ، ەل بىلە باستاعان انشىلەر اباي بەگەي، اقىلبەك جەمەنەي، يبراگيم ەسكەندىر، اسحات تارعىن ت.ب ازاماتتاردىڭ ورىنداۋىنداعى اندەرىم كەشتىڭ كوركىن قىزدىرادى دەپ كۇتىلۋدە. ال، بيلەتتەردىڭ ساتىلۋى جامان ەمەس. شەتى كورىنىپ قالدى دەسە دە بولادى. وزدەرىڭىزگە بەلگىلى بۇعان دەيىنگى مەنىڭ العاشقى شىعارماشىلىق كەشىم 2013 جىلى ستۋدەنتتەر سارايىندا وتكەن بولاتىن. ونى باستان اياق حابار اگەنتتىگى ءتۇسىرىپ، قازىر تەلەارنالاردا كورسەتىلىپ ءجۇر. ەندى، الداعى كۇندەرى رەسپۋبليكا سارايىندا وتكەلى جاتقان كونتسەرتىمدە حالىقتى قانداي جاڭالىقتار مەن توسىن سىيلار توسىپ تۇر دەگەنگە كەلسەم، بىرىنشىدەن، كەشتە شىرقالاتىن اندەردىڭ سەكسەن پايىزى جاڭا اندەر جانە جاڭا ورىنداۋشىلار. تاعى ءبىر تىڭ جاڭالىعىمىز حالىققا جاقسى تانىس «كورشىنىڭ قىزى» ءانىن بۇل جولى توقتار سەرىكوۆ ەمەس، سىرىم يساباەۆتىڭ ورىنداۋىندا تىڭدايتىن بولاسىزدار. مەنىڭ اندەرىمنىڭ باسىم بولىگىن وڭدەپ، وعان ۇلتتىق بوياۋ بەرگەن قۋانىش، وراز دەگەن ارانجيروۆششيك جىگىتتەردىڭ دە ورىندالۋىندا اندەرىم شىرقالادى. جالپى، بۇل كونتسەرت جاڭا باعدارلامامەن حالىققا جول تارتقالى وتىر. ال، كەشتىڭ تەلەۆيزيالىق نۇسقاسىن قازاقستان تەلەارناسىنان كورە الاسىزدار. ماعان اقپاراتتىق قولداۋ كورسەتىپ، كەشتى تۇسىرۋگە نيەت بىلدىرگەن قازاقستان تەلەارناسىنا، وسى ارنانىڭ باسقارما توراعى نۇرجان جالاۋقىزىنا ۇلكەن العىسىمدى بىلدىرەمىن. سول سياقتى، «Abai.kz» اقپاراتتىق پورتالىنا، «الاش ايناسى» مەن «ايقىن» گازەتىندەگى، «قازاق ادەبيەتىندەگى» ارىپتەستەرىمە، «استانا»، «الماتى»، «كتك»، «31»، «نتك»، «نۇر»  تەلەارنالارىنا جانە ءوزىمىزدىڭ «زاڭ» مەديا-كورپوراتسياسىنا» قولداۋ كورسەتكەندەرى ءۇشىن العىس ايتامىن.

سۇحباتتاسقان  داۋرەن قاسەنۇلى.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559