سەيسەنبى, 25 اقپان 2020
اباي.tv 3015 0 پىكىر 15 ماۋسىم, 2015 ساعات 14:24

كيىك قىرماق بولعاندار ءىستى بولدى

سايىن دالانى كەزىپ دۇرلىگە شاۋىپ، تەمىر جولدى كەسىپ وتپەك بولعان وتار كيىكتى پويىزبەن باسىپ وتپەك بولعاندار جازالانۋى مۇمكىن.


 

بۇل تۋرالى قىزىلوردا ستانتساسىنداعى ىشكى ىستەر جەلىلىك پوليتسيا بولىمىندەگىلەر مالىمدەدى. عالامتوردا از ۋاقىتتىڭ ىشىندە كەڭىنەن تارالىپ ۇلگەرگەن ۆيدەونى 30 جاستاعى ءماشينيستتىڭ كومەكشىسى تۇسىرگەن. وقيعا قىزىلوردا وبلىسى سەكسەۋىل كەنتىنىڭ ماڭىندا ورىن العاندىعى انىقتالعان. سول كۇنى جۇك پويىزىندا 4 ادام كەزەكشىلىك اتقارعان. قازىر بۇل ىسكە قاتىستى تەرگەۋگە دەيىنگى تەكسەرۋ جۇمىستارى جۇرگىزىلىپ، قىلمىستىق كودەكستىڭ 339-بابى بويىنشا ءىس قوزعالعان. قۇقىق قورعاۋشىلار تەرگەۋدىڭ قۇپيالىعىنا سايكەس ازىرگە بۇدان وزگە اقپارات بەرمەي وتىر.

 

عالىمجان بەكتاەۆ، قىزىلوردا ستانتساسىنداعى ىشكى ىستەر جەلىلىك ءبولىمى باستىعىنىڭ مىندەتىن اتقارۋشى:

- قىلىمستىق ءىس بويىنشا جەكە ىزدەستىرۋ ءىس-شارالارى كەزىندە وسى بەينەتاسپانى سەكسەرۋىل ستانساسى مەن قوسكول ارالىعىندا 30 جاستاعى ءماشينستتىڭ كومەكشىسى تۇسىرگەندىگى انىقتالدى. وسى دەرەك بويىنشا قازىر سوتقا دەيىنگى تەرگەۋ امالدارى جۇرگىزىلۋدە.

ءمولدىر قوجاحمەتوۆا

Abai.kz

0 پىكىر