1-ءساۋىر كۇنى الماتى قالاسىنداعى بالۋان شولاق اتىنداعى سپورت سارايىندا ارالاس جەكپە-جەكتەن حالىقارالىق تۋرنير وتەدى، - دەپ حابارلايدى "اباي اقپارات" پورتالى.

سەگىز مەملەكەتتىڭ ۇزدىك سپورتشىلارى قاتىساتىن ءدۇبىرلى دودا 1-ءساۋىر كۇنى كەشكى ساعات 19:00-دە باستالادى.

الاشوردانىڭ 100 جىلدىعىنا ارنالعان حالىقارالىق ءتۋرنيردىڭ باستى جەكپە-جەگى "الاش ايبارى" اتاعى ءۇشىن وتەدى.

سپورت دودالارىن ءجىتى قاداعالاپ وتىراتىن كورەرمەن ءۇشىن الماتى تورىندە وتەتىن دودانىڭ ۇيىمداستىرۋشىلارى - "الاش پرايد" كلۋبىنىڭ پرەزيدەنتى دانيار قاسقاراۋوۆ، باقىتبەك ءابىلوۆ، "ۇلى دالا" رەسپۋبليكالىق قوعامدىق بىرلەستىگىنىڭ پرەزيدەنتى عابيدەن جاكەي.

سونداي-اق، كەشتىڭ قۇرمەتتى قوناقتارى تاريحشى مامبەت قويگەلدى، تاريحشى ومىربەك بايگەلدى، گرەك-ريم كۇرەسىنەن حالىقارالىق دارەجەدەگى سپورت شەبەرى رۋسلان جۇمابەكوۆ، الاشتانۋشى تالاسبەك وماربەك جانە ت.ب.

ارالاس جەكپە-جەك ءتۋرنيرىنىڭ اقپاراتتىق قولداۋشىسى - "Abai.kz" اقپاراتتىق پورتالى.

Abai.kz