بەيسەنبى, 23 قاڭتار 2020
جاڭالىقتار 1933 0 پىكىر 30 قاڭتار, 2017 ساعات 19:51

بتا بانكىنىڭ بۇرىنعى باسشىسىنىڭ ورىنباسارى پىكىر ءبىدىردى

«بتا بانكى» اق باسقارماسى باسشىسىنىڭ بۇرىنعى ورىنباسارى جاقسىلىق جارىمبەتوۆ ەلگە ورالدى. ونىڭ ويىنشا، بۇگىندە شەتەلدە جۇرگەن مۇxتار ءابىليازوۆ ساياساتتى جامىلىپ، بيلىككە تالاسۋدى كوزدەيدى، دەپ xابارلايدى قازاقپارات سايتى.

«مەن ءوزىم ساياساتپەن اينالىسقان ەمەسپىن. ەندى، قاتارداعى ازامات رەتىندە ساياسي جاڭالىقتاردى وقىپ جۇرەسىڭ عوي. دەگەنمەن، بىردە-ءبىر پارتيانىڭ مۇشەلىگىندە بولعان جوقپىن. مەن ءوزىم - قازاقي ورتادان شىققان اداممىن. قازاق مەكتەبىن ءبىتىردىم. سوندىقتان تۋعان جەرىم ىلعي تارتىپ تۇرادى. ال ءابىليازوۆ مىرزادا ونداي قاسيەت جوق دە ويلايمىن. مەنىڭشە، ول - كوسموپوليت، ءبىر نارسەنى ىستەسە، جەكە مۇددەسىن كوزدەيدى. سونىڭ ىشىندە بانك تە، سونداعى مەنەدجەرلەر مەن قىزمەتكەرلەر ونىڭ قولىندا بەلگىلى ءبىر ماقساتقا جەتۋدىڭ قۇرالى عانا بولدى. ادام بيلىكتى اڭساسا، نە ايتۋعا بولادى؟ ونىڭ ۇستانىمى سونداي، كوزقاراسى سونداي. وعان قارسى مەن نە ىستەي الامىن؟ ءوز باسىم مەنىڭ ىسىمە ساياساتتىڭ ەشبىر قاتىسى جوق دە ويلايمىن»، - دەيدى جارىمبەتوۆ.

ايتا كەتەيىك، بۇگىن جارىمبەتوۆ ارنايى ءباسپاسوز ءماسليxاتىن وتكىزىپ، وزىنە قاتىستى تارالىپ جاتقان الىپ-قاشپا اڭگىمەلەردى جوققا شىعاردى. ونىڭ سوزىنە قاراعاندا، قاڭتاردىڭ 17-ءسى كۇنى تۇركيانىڭ شەكارا قىزمەتى ونى جالعان تولقۇجاتپەن جۇرگەنى ءۇشىن ۇستاعان بولاتىن.

«پوليتسيا ۋچاسكەسىندە وتىرعاندا مەن ءوزىمنىڭ شىن اتى-ءجونىمدى ايتتىم. سوسىن ىستانبۇلداعى قازاقستاننىڭ رەسمي وكىلدىلىگىنە xابارلاسۋدى ءوتىندىم. ءسويتىپ، قاڭتاردىڭ 20-سى كۇنى مەنى قازاقستانعا ەكستراديتسيالادى. ەرتەسىندە مەنى تەرگەۋ اباقتىسىنا قامادى. وسى ۋاقىتقا دەيىن سوندا بولدىم. ماعان ەشقانداي زورلىق-زومبىلىق پەن قىسىمنىڭ جاسالماعانىن مالىمدەگىم كەلىپ وتىر»، - دەيدى ول.

ونىڭ سوزىنە قاراعاندا، وسىدان 8 جىل بۇرىن باستالعان قىلمىستىق ءىس كەزىندە ۇرەي-قورقىنىش بولدى. سول سەبەپتى جارىمبەتوۆ بىردەن بوي تاسالاپ كەتتى. ال ءابىليازوۆ ءۇشىن ونىڭ ەلگە ورالعانى ءتيىمسىز بولدى.

Abai.kz

0 پىكىر