قىتايدىڭ "I am a Singer" جوباسىنا قاتىسىپ جاتقان ديماش قۇدايبەرگەنوۆ بايقاۋدىڭ كەلەسى كەزەڭىندە بريتاندىق Queen توبىنىڭ "The Show Must Go On" ءانىن ورىندايتىن بولدى. بۇل تۋرالى ءانشى پاراقشاسىندا حابارلادى.

"حالىقارالىق 28-ءشى قىسقى ۋنيۆەرسيادا ويىندارىندا ونەر كورسەتىپ، بۇگىن بەيجىڭ ءارى قاراي چانشا قالاسىنا جولعا شىقتىم! الدا دايىندىق. اقپاننىڭ 4-ءشى جۇلدىزى كەلەسى بايقاۋ كۇنىندە اتاقتى Qween توبىنىڭ رەپەرتۋارىنان "The Show must go on" ءانىن شىرقايمىن! شوۋ باستالدى!" - دەپ جازادى ديماش قۇدايبەرگەنوۆ. 

 The Show must go on" (قازاقشا: "شوۋ جالعاسۋى ءتيىس") - Innuendo البومىندا جاريالانعان بريتاندىق Queen روك-توبىنىڭ ەڭ تانىمال اندەرىنىڭ ءبىرى. تۋىندى روك-مۋزىكا باعىتىنداعى ەڭ اتاقتى شىعارمالاردىڭ ءبىرى بولىپ ەسەپتەلەدى.

ءانشىنىڭ قاي كۇندەرى ونەر كورسەتەتىنى تۋرالى اقپارات وسىعان دەيىن بەلگىلى بولعان ەدى. 28 قاڭتار كۇنى ديماش قىتايدىڭ Hunan TV ارناسىندا تىكەلەي ەفير ارقىلى "I am a Singer" جوباسى اياسىندا "وپەرا 2" ءانىن ايتىپ، ءبىرىنشى ورىن العان بولاتىن.

ء بىرىنشى كەزەڭدە ديماش قۇدايبەرگەنوۆ فرانتسۋز تىلىندەگى "SOS d'un terrien en détresse" ءانىن ورىنداپ، كورەرمەندەر قوشەمەتىنە بولەندى. قىتايلىق مۋزىكا ماماندارى ونى ء"تاڭىر نازارىنا العان ءانشى" دەپ اتادى، ال فاناتتارى قازاقشا ۇيرەنە باستادى. جەرگىلىكتى كومپانيا ءانشىنىڭ قۇرمەتىنە سمارتفون شىعارىپ، سونىمەن قاتار "ديماش" جانە "قازاقستان" قىتاي ينتەرنەتىندە ءجيى ىزدەلەتىن سوزدەر قاتارىنا ەندى.

سايتقا ازىرلەگەن نۇرسۇلۋ نايمانوۆا

Abai.kz