جۇما, 29 ناۋرىز 2024
قوعام 6319 0 پىكىر 27 اقپان, 2017 ساعات 13:07

رەسەيدەگى «قوش اعاش» اۋدانىنىڭ اكىمى جاتقانباەۆ تۇتقىندالدى

رەسەيدىڭ تاۋلى التاي وڭىرىنە قاراستى «قوش اعاش» اۋدانىنىڭ باسشىسى اۋەلحان جاتقانباەۆ (سۋرەتتە) پارا الدى دەگەن كۇدىكپەن تۇتقىندالعان. وقيعا 22 اقپان كۇنى بولعان.

ول وتكەن جىلى قاڭتار ايىندا مەكتەپ قۇرىلىسىن اۋكتسيون ارقىلى ساتۋدا جەڭىسكە جەتۋى ءۇشىن باسساۋداعا قاتىسۋشىدان 3 ملن رۋبل كولەمىندە پارا العان دەپ ايىپتالىپ وتىر. ءوزىنىڭ ەشقانداي كىناسىز ەكەنىن ايتقان اۋەلحان ءجازيتۇلى سوت زالىنا جەدەل-جاردەم قىزمەتكەرلەرىن شاقىرتۋعا ءماجبۇر بولدى. سەبەبى ونىڭ دەنساۋلىعى سىر بەرە باستاعان.

ال وسى وقيعاعا بايلانىستى اۋەلحان جاتقانباەۆتىڭ ۇلى مەيىرىم جاتقانباەۆقا حابارلاسىپ، ءىستىڭ ءمان-جايىن سۇراعانىمىزدا، ول بىلايشا جاۋاپ بەردى. جانە وسى جان ايقايىن جاناشىر جاندارعا جەتكىزۋىمىزدى سۇرادى.

«اسسالاۋماعالايكۋم، اعايىندار!!! مەن رەسەي التاي ولكەسىنىڭ، قوس-اعاش اۋدانىنىڭ تۇرعىنىمىن. Əكەم جاتقانباەۆ Əۋەلحان جازيتۇلى، وسى اۋداننىڭ əكىمى. ات توبەلىندەي ازعانتاي  قازاعىنا، 12 000 قازاعىنا بۇكىل ءومىرىن، دەنساۋلىعىن اياماي ەڭبەك ەتىپ كەلە جاتىر. جەرگىلىكتى حالىقتىڭ قولداۋىمەن 4 مəرتە اۋدان əكىمىنە سايلانىپ، جۇمىسىن زور اتقاردى. ەلىنىڭ ءۇمىتىن اقتاپ، كەلەشەكتە وسەر ۇرپاعىنا جول سىلتەدى. جوعارعى جاقتاعى ورىس پەن التاي ۇلتىنىڭ تاپسىرماسى بويىنشا بۇل ادام ەندى كەرەك ەمەس دەپ ساياسات قۋدالاۋىنا ءتۇستى. جاساماعان ىسكە جالا جاۋىپ، ەش ءبىر ناقتى دəلەلسىز اپارىپ قاماپ تاستادى تۇرمەگە. دەنساۋلىعى ونسىز دا ناشار ادامدى - قان قىسىمى جوعارى جəنە جۇرەگى ناشار ادامدى ەش ءبىر نəرسەگە قاراماستان قامادى. ءبىر سوزبەن ايتقاندا، ورىسشا " بەسسپرەدەل" جاسادى. ۇلكەن باس ءمۋفتيدى دە كىرگىزبەيدى، كىرىپ دەم سالىپ جۇرەگىنە سابىرلىق ۇيالاتىپ كىرسىن دەسە دە. جەرگىلىكتى تۇرعىندار، ەلى جۇرتى، اعايىنى جينالىپ الاڭعا شىقسا، بوستاندىق پەن əدىلەتتىك سۇراسا، پوليتسيا ءبəرىن شەتىنەن قۋىپ قامايمىز دەپ قورقىتۋدا. بۇكىل حالىق جىلاپ، ەڭىرەپ قايعىرىپ وتىر. كەلەسى كەزەك جان ۇياسىنا قاۋىپ ءتونىپ تۇر. ۇلكەن قىزى، مەنىڭ اپايىم، ول ەكەۋمىز - قازاقستان ازاماتىمىز، ءبىزدى دە قاماۋعا الماقشى. اينالايىن، قازاعىم، الىستاعى قانداستارىڭىزعا قول ۇشىن سوزۋلارىڭىزدى سۇرايمىز. الدىمەن اللادان دۇعا تىلەپ، جەڭىلدىگىن بەرسىن. بۇكىل الەۋمەتتىك جەلىگە ماكسيمالدىق رەپوست جاساپ بولىسىڭىزدەر، ەلباسىنا جەتكىزۋ كەرەك بۇل جاعدايدى. ءۇشبۋ تىلەگىمىز قاراۋسىز قالمايتىن شىعار دەپ ۇمىتتەنەمىز...» - دەيدى مەيرىم جاتقانباەۆ.

ازىرگە اۋەلحان ءجازيتۇلىنىڭ ۇستىنەن قوزعالعان قىلمىستىق ءىستى رەسەيلىك باق جارىسا جازىپ، اق ءىسىن قارا ەتۋگە تىرىسىپ جاتىر.

اۋەلحان ءجازيتۇلى وسى وڭىردە العاشقى رەت حالقىنا ناۋىرىز تويىن، بۇركىت تويىن وتكىزىپ، العاش رەت حالىقارالىق ازيا چەمپتوناتىن قازاق كۇرەستەن وتكىزگەن ەدى. قازاق كۇرەسىنىڭ ازيا چەمپيوناتى بويىنشا تۇڭعىش پرەزيدەنتى. سوۆەت وكىمەت قۇلاعاننان كەيىن ەڭ العاش مەشىت سالدىرىپ، اتامەكەننەن شاكىرتتەر وقىتىپ الدىردى. قازىرگى كەزدە اۋدان كولەمىندە اۋەلحان ءجازيتۇلى سالدىرعان 9 مەشىت تۇر. دۇنيەجۇزى قازاقتار قاۋىمداستىعىنا 4-5 رەت ات سالىسا كومەگىن كورسەتىپ، ۇلكەن ءىس-شارالارعا قاتىستى. اتامەكەن، تاريحي وتانى - قازاقستانمەن تىعىز بايلانىس جاساپ، əر سالادا ىستەگەن ءىسى زور.  دۇنيەجۇزى قازاقتارىنىڭ 4-ءشى قۇرىلتايىندا  ەلباسى نازارباەۆ ەكى ەلدىڭ اراسىندا اتقارعان ءىسىن باعالاپ، العىستان باسقا ايتارىم جوق دەپ ەدى. بۇل ادام ماراپپاتالعان مەدال، وردەندەرى دە از ەمەس. اراسىندا رەسەي ءدىني ورتالىعىنىڭ ءمۋفتيى اشيروۆتىڭ "ال-يحسان" وردەنى دە بار. نەگىزى "اڭدىعان جاۋ الماي قويماس" دەگەن ءسوز بەكەر ەمەس ەكەن. ەشكىمگە باس بەرمەي، ازعانا قازاعانىڭ نامىسىن قورعاپ، ۇلتىنىڭ جاناشىرى بولىپ كەلدى. بىراق ۇلتى ۇنامادى ما، əلدە ءىسى ۇنامادى ما بەلگىسىز، قىر سوڭىنا ءتۇسىپ، ونى اقىرى تۇرمەگە قامادى. بۇل قازاق حالقىنىڭ جان ايقايى. بۇگىنگى كۇنى موڭعوليا، قازاقستان، رەسەيدەگى اۋەلحان ءجازيتۇلىن تانيتىن قازاقتار ونىڭ باس بوستاندىعىن الۋىن سۇراپ وتىر.

قازىر اۋەلحان جاتقانباەۆ قاماۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610