جۇما, 29 ناۋرىز 2024
قوعام 6272 0 پىكىر 10 ناۋرىز, 2017 ساعات 09:29

اتا-زاڭعا ەنگىزىلگەن وزگەرىستەر ماقۇلداندى

قازاقستاننىڭ كونستيتۋتسيالىق كەڭەسى اتا زاڭعا ۇسىنىلعان وزگەرىستەر مەن تولىقتىرۋلار زاڭعا قايشى ەمەس دەگەن انىقتاما شىعاردى.

6 ناۋرىزدا پارلامەنت كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەكىنشى وقىلىمدا قابىلدادى. قۇجات جوباسى زاڭ شىعارۋشى ورگانعا 3 ناۋرىزدا تۇسكەن ەدى. قازاقستان پرەزيدەنتى نۇرسۇلتان نازارباەۆ 6 ناۋرىزدا جوبانى كونستيتۋتسيالىق كەڭەسكە جولدادى.

قازاقستان بيلىگىنىڭ مالىمدەۋىنشە، كونستيتۋتسيانىڭ 19 بابىنا ەنگىزىلەتىن وزگەرتۋلەر پرەزيدەنتتىڭ بىرقاتار قۇزىرەتىن ۇكىمەت پەن پارلامەنتكە بەرۋدى كوزدەيدى. اتاپ ايتقاندا، پرەزيدەنتتىڭ مەملەكەتتىك باعدارلامالاردى جانە قارجىلاندىرۋدىڭ بىرىڭعاي جۇيەسىن قابىلداۋ، مەملەكەتتىك بيۋدجەتتەن قارجىلاندىراتىن بارلىق ورگانداردىڭ جۇمىسشىلارىنىڭ ايلىقتارىن تولەۋ قۇزىرەتىن ۇكىمەتكە بەرەدى.

ۇكىمەت جاڭادان سايلانعان پارلامەنت ءماجىلىسى الدىندا بيلىگىن تاپسىرادى. مينيسترلىككە ۇمىتكەرلەردى پرەمەر-مينيستر پرەزيدەنتكە ۇسىنادى. تەك سىرتقى ىستەر، ىشكى ىستەر، قورعانىس مينيسترلەرىن پرەزيدەنتتىڭ ءوزى تاعايىندايدى. قازاقستاننىڭ ءبىرىنشى پرەزيدەنتىنىڭ مارتەبەسى كونستيتۋتسيانىڭ تاعى ءبىر بابىندا بەكىتىلەدى.

قازاقستاننىڭ قازىرگى كونستيتۋتسياسى 1995 جىلى جالپىحالىقتىق رەفەرەندۋمدا قابىلداندى، وعان بىرنەشە مارتە وزگەرتۋلەر ەنگىزىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607