وڭتۇستىك قازاقستان وبلىسىنىڭ اكىمى جانسەيىت تۇيمەباەۆ ەۋروپا قايتا قۇرۋ جانە دامۋ بانكiنىڭ (ەقدب) قازاقستانداعى ديرەكتورى دجانەت حەكمانمەن كەزدەستى. باسقوسۋدا تاراپتار ەكى جاقتى بىرلەسكەن جوبالار جايىن تالقىلاپ، الداعى جوسپارلارىمەن ءبولىستى، دەپ حابارلايدى وبلىستىق اكىمدىكتىڭ ءباسپاسوز قىزمەتى. العى ءسوزدى باستاعان ايماق باسشىسى، ەڭ الدىمەن، مارتەبەلى مەيماندى ءوڭىردىڭ الەۋمەتتىك-ەكونوميكالىق كورسەتكىشتەرىمەن تانىستىرىپ، اتالعان بانك وكىلدىگىمەن اۋىل شارۋاشىلىعى، كوممۋنالدى شارۋاشىلىق، ينفراقۇرىلىم، اۆتوجولدار سالۋ مەن اۋەجاي قۇرىلىسىن جۇرگىزۋ سالالارىندا بىرلەسە جۇمىس ىستەۋگە نيەتتى ەكەنىن جەتكىزدى. ءۇش ميلليونعا جۋىق حالقى بار وڭىردەگى تۋ كورسەتكىشىنىڭ جوعارى ەكەنىن، سايكەسىنشە، بۇل رەتتە ينفراقۇرىلىمدىق، الەۋمەتتىك، كوممۋنيكاتسيالىق ماسەلەلەر جايى تۋىندايتىنى زاڭدى ەكەنىنە توقتالعان اكىم، اتاپ ايتقاندا، سۋمەن جابدىقتاۋ، جىلۋمەن قامتاماسىز ەتۋ، ەلەكترمەن جابدىقتاۋ ماسەلەسىندە قارجى ءبولۋ قاجەتتىگىن ايتتى. «جالپى، قر ۇكىمەتىنەن ءتۇرلى سالالار بويىنشا كوپتەگەن قارجى بولىنۋدە. دەسە دە، مۇنداي حالىقارالىق ۇيىمداردىڭ قارجىسى ءبىز ءۇشىن ارتىقتىق ەتپەيدى. اتالعان بانكپەن بىرگە ءبىزدىڭ تاراپ شىمكەنت، تۇركىستان، كەنتاۋ قالالارىنىڭ ينفراقۇرىلىمدارىن دامىتۋ بويىنشا جۇمىستار جۇرگىزۋگە ءازىر. بۇل قارجى ينستيتۋتىمەن بىرلەسە جۇمىس ىستەۋدىڭ ءبىرىنشى ءتيىمدى تۇسى، تەڭگە اينالىمىن جۇرگىزۋگە مۇمكىندىگىمىز بار. ەكىنشىدەن، پايىزدىق ستاۆكاسى باسقا بانكتەرمەن سالىستىرعاندا وتە تومەن»، - دەدى ج.تۇيمەباەۆ. ءوز كەزەگىندە، ەققدب-ءنىڭ قازاقستانداعى ديرەكتورى دجانەت حەكمان ايتىلعان ۇسىنىستار بويىنشا ىنتىماقتاستىق ورناتۋعا دايىن ەكەنىن جەتكىزدى. كەزدەسۋ قورىتىندىسى بويىنشا تاراپتار الداعى ۋاقىتتا ناقتى ۇسىنىستار نەگىزىندە جۇمىس ىستەۋگە ۋاعدالاستى. ايتا كەتەيىك، ەۋروپا قايتا قۇرۋ جانە دامۋ بانكى (ەقدب) - حالىقارالىق ۇكىمەتارالىق قارجى-نەسيەلىك ۇيىم بولىپ تابىلادى. ورتالىق جانە شىعىس ەۋروپا ەلدەرىنىڭ ۇزاق مەرزىمدى نەسيەلەندىرۋ جونىندەگى ايماقتىق مەملەكەتارالىق بانكى. 1990 جىلى 29 مامىردا بولعان كەلىسىم بويىنشا حالىقارالىق قارجى مەكەمەسى رەتىندە قۇرىلعان. شتاب-پاتەرى لوندوندا ورنالاسقان. ەۋروپا قايتا قۇرۋ جانە دامۋ بانكىگە 50-گە جۋىق ەل، سونىڭ ىشىندە تمد ەلدەرى، سونداي-اق، ەۋروپا ينۆەستيتسيالىق بانكىسى مەن ەۋروپا قوعامداستىعى مۇشە بولىپ تابىلادى. بانككە ەۋروپالىق ەمەس ەلدەر دە مۇشە بولا الادى. بانكىنىڭ ماقساتى - ورتالىق جانە شىعىس ەۋروپا ەلدەرىندەگى، سونداي-اق، بۇرىنعى وداق مەملەكەتتەرىندەگى ەكونوميكالىق رەفورمالاردى قارجىلاندىرۋ. ولاردىڭ اشىق نارىقتىق نەگىزدە ەكونوميكانىڭ دامۋىنا سەپتىگىن تيگىزۋ; كرەديت العان ەلدەردە قۇرىلىمدىق رەفورما جۇرگىزۋگە، جەكەشەلەندىرۋگە جانە مونوپوليانى جويۋعا، ورتالىقسىزداندىرۋعا كومەكتەسۋ ارقىلى ولاردىڭ ەكونوميكاسىن الەمدىك ينتەگراتسياعا تارتۋ. بانك مەملەكەتتىك قانا ەمەس، سونداي-اق، جەكە سەكتوردا دا ارەكەت ەتەدى، كوممەرتسيالىق مۇمكىندىگى جوعارى جوبالارعا قاتىسادى. 1992 جىلدان بەرى قازاقستانمەن بايلانىس ورناتىپ، ءتۇرلى سالالار نەگىزىندە ءجۇۇمىس ىستەپ كەلە جاتقان بانك وكىلدىگى بيىلدىڭ وزىندە ەلىمىزدەگى ءارتۇرلى 28 جوباعا 703 ملن. ەۋرو كولەمىندە قارجى سالعان.

abai.kz