سەنبى, 7 جەلتوقسان 2019
1605 0 پىكىر 12 جەلتوقسان, 2016 ساعات 16:34

الماتى مەن بۋداپەشت ەكونوميكالىق سەرىكتەس قالالار

جاقىندا الماتىعا ۆەنگريا استاناسىنان ارنايى دەلەگاتسيا  كەلدى.  ءسويتىپ، الماتى مەن بۋداپەشت ساۋدا ەكونوميكالىق جانە مادەني گۋمانيتارلىق بايلانىستاردى نىعايتۋ ماسەلەلەرىن تالقىلادى.

الماتى قالاسىنىڭ باسشىسى  باۋىرجان قادىرعاليۇلى  بايبەك بۋداپەشت قالاسى مەرىنىڭ ورىنباسارى گابور باگدي باسقارعان دەلەگاتسيانى قابىلدادى. تاراپتار قوس قالا اراسىنداعى ەكونوميكالىق بايلانىستاردى نىعايتۋ، جاڭا پەرسپەكتيۆالاردى اشۋ ءام مادەني گۋمانيتارلىق قارىم-قاتىناستاردى جاڭا بەلەسكە شىعارۋ ماسەلەلەرىن ءسوز ەتكەن.

باۋىرجان بايبەك كەزدەسۋ بارىسىندا ۇستىمىزدەگى جىلدىڭ 10 ايى ىشىندە الماتى مەن ۆەنگريا اراسىنداعى تاۋار اينالىمىنىڭ 2015 جىلدىڭ وسى مەرزىمىمەن سالىستىرعاندا 20% -عا ارتىپ، 45,2 ملن. اقش دوللارىن قۇراعانىن ايتتى. مەگاپوليس باسشىسى الماتى ءۇشىن بۋداپەشتىڭ قوعامدىق كولىك جۇمىسىن جاقسارتۋ، قالدىقتاردى ۋتيليزاتسيالاۋ مەن سۋ رەسۋرستارىن پايدالانۋ جونىندەگى تاجىريبەسى تارتىمدى ەكەنىن جەتكىزدى.

ءوز كەزەگىندە گ.باگدي بۋداپەشت مەرىنىڭ اتىنان الماتى اكىمىن ۆەنگريا استاناسىنا شاقىردى جانە تۇراقتى دامۋ سالاسىنىڭ شەشىمدەرىمەن جەكە ءوزىنىڭ تانىسىپ شىعۋىن ءوتىندى.

«مەن الماتىدا العاش رەت بولۋىم، قالانىڭ سۇلۋلىعىنا ءتانتىمىن. ءوندىرىس سالاسى، ازىق-تۇلىك تاۋارلارىمەن، ستۋدەنتتەرمەن الماسۋ جانە تۋريزم بويىنشا ءبىزدىڭ قالالارىمىزدىڭ الەۋەتى جوعارى ەكەندىگىنە سەنىمدىمىن. ونىڭ ۇستىنە ۆەنگريا ازاماتتارى مۇندا 15 كۇن بويىنا ۆيزاسىز جۇرە الادى»، - دەدى گ.باگدي.

ۆەنگريا تاراپىنا «يننوۆاتسيالىق تەحنولوگيالار پاركىنىڭ» ارنايى ايماعىندا بولۋ مۇكىندىگى ۇسىنىلدى، مۇندا قازىردىڭ وزىندە 150 كومپانيا جۇمىس ىستەۋدە، ال الاتاۋ اۋدانىنداعى يندۋستريالدى ايماقتا 33 كومپانيا اشىلدى، ولاردىڭ تورتتەن ءبىرى شەتەلدىكتەردىڭ قاتىسۋىمەن جۇمىستارىن جۇرگىزىپ جاتىر.

ايتا كەتەيىك، الماتى مەن بۋداپەشت اراسىنداعى ىنتىماقتاستىق تۋرالى كەلىسىمدەرگە سوناۋ 2003 جىلى قول قويىلعان-ءتىن.

ەكى قالا اراسىندا فارماتسەۆتيكا، جەڭىل ونەركاسىپ، ءىت-تەحنولوگيا جانە تۋريزم سالالارىن دامىتۋعا مۇمكىنشىلىك بار ەكەندىگىن ايتا كەتكەن ءجون.

Abai.kz

0 پىكىر