بەيسەنبى, 28 ناۋرىز 2024
4371 0 پىكىر 16 جەلتوقسان, 2016 ساعات 11:35

تاتۋلىقتى تۋ ەتكەن بەيبىت حالقىمىزدىڭ 25 جىلدا باعىندىرعان بەلەستەرى وراسان

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ جالپى قازاقستاندىقتاردى، ءوز جەرلەستەرىن تاۋەلسىزدىك كۇنىمەن قۇتتىقتاپ، بىلاي دەپ اقجارما تىلەگىن ءبىلدىردى:

قىمباتتى وتانداستار!

قۇرمەتتى وڭتۇستىكقازاقستاندىقتار!

سىزدەردى بارشا ارمانىمىزدىڭ اسقارى، باقىتىمىزدىڭ باستاۋى بولعان ۇلىق مەرەكەمىز – تاۋەلسىزدىكتىڭ 25 جىلدىعىمەن شىن جۇرەكتەن قۇتتىقتايمىن!

شيرەك عاسىر بۇرىن ەلباسىمىز نۇرسۇلتان ءابىشۇلى نازارباەۆتىڭ ساليقالى ساياساتىمەن ءدۇيىم دۇنيەگە تاۋەلسىزدىگىمىزدى جاريا ەتىپ، ماڭگىلىك ەل بولۋدىڭ بىرەگەي قادامىن جاسادىق. اتا-بابالارىمىزدىڭ ارمانى اقيقاتقا اينالىپ، ازاتتىققا قولىمىز جەتتى. تاريحي وقيعالار توعىسقان 16 جەلتوقسان  ءبىز ءۇشىن قاسيەتتى كۇن سانالدى!

تۇعىرى – تىنىشتىق، تىرەگى – تۇراقتىلىق، تىلەگى – تاتۋلىققا نەگىزدەلگەن قازاق ەلىن بۇگىندە الەم بەيبىتشىلىك بەسىگى دەپ مويىندايدى. ىنتىماقتى ۇران، تاتۋلىقتى تۋ ەتكەن بەيبىت حالقىمىزدىڭ 25 جىلدا باعىندىرعان بەلەستەرى وراسان. وسى ۋاقىت ارالىعىندا الەمنىڭ دامىعان 30 ەلىنىڭ قاتارىنا ۇمتىلعان مەملەكەتىمىزدىڭ تولاعاي تابىستارى وراسان. مۇندا 3 ميلليونعا جاقىن جەرلەسىمىز ءومىر ءسۇرىپ جاتقان وڭتۇستىك قازاقستان وبلىسىنىڭ الار ورنى ايرىقشا.

تاۋەلسىزدىك جىلدارىنداعى جەتىستىكتەرىمىزدى تىزبەلەسەك، ايتىپ تاۋىسا الماسىمىز انىق. سونىڭ ىشىندەگى ءبىر عانا اۋىل شارۋاشىلىعى سالاسىنداعى جالپى ءونىم 43 ەسەگە ارتىپ، 456 ملرد.تەڭگەنى قۇرادى. سوڭعى بەس جىلدا زاماناۋي تەحنولوگيالاردى قولدانىسقا كەڭىنەن ەنگىزۋدە الدىڭعى قاتارداعى وبلىسىمىزدا تامشىلاتىپ سۋعارۋ ءادىسىن قولدانۋ – 24,2, جىلىجاي كەشەندەرىنىڭ كولەمى – 9, جەمىس-جيدەك ساقتاۋ قويمالارى – 6,5 جانە تەرەڭ قوپسىتۋ ءادىسىن قولدانۋ 41 ەسەگە ارتتى. ال، مال شارۋاشىلىعى بۇرىن سوڭدى بولماعان ەتتى جانە ءسۇتتى باعىتتاعى ءىرى قارا مال جاڭا تۇقىمدارىمەن تولىقتىرىلۋدا.

وڭىرىمىزدەگى ونەركاسىپ سالاسى قارقىندى دامىپ، شيرەك عاسىردا وندىرىلگەن ونىمدەر كولەمى 650 ملرد. تەڭگەگە جۋىقتادى. يندۋستريالاندىرۋ باعدارلاماسى اياسىندا 150-دەن استام جوبا ىسكە قوسىلىپ، جالپى سانى 12 مىڭنان اساتىن تۇراقتى جۇمىس ورىندارى قۇرىلدى.

تاۋەلسىزدىك كۇنى – بار عۇمىرىن بوستاندىق ءۇشىن كۇرەسكە ارناعان بوزداقتاردىڭ جانكەشتى ەڭبەگى مەن ەرەن ەرلىگىن ەسكە الاتىن قاستەرلى مەرەكە. ۇلت كوشباسشىسى اتاپ كورسەتكەندەي، تاۋەلسىزدىك – تاۋەكەلى جەتكەندەردىڭ عانا پەشەنەسىنە بۇيىراتىن باقىت! بۇل كەشەگى بابالار ەرلىگىنىڭ رۋحىن العان، ەرتەڭگى ۇرپاعىنا جول سالعان زامانداستارىمىز – سىزدەردىڭ ەسەلى ەڭبەكتەرىڭىزدىڭ جەمىسى.

قادىرلى جەرلەستەر!

بارشاڭىزعا زور دەنساۋلىق، شاڭىراقتارىڭىز شاتتىق، بەرەكەلى بىرلىك پەن باياندى تىرلىك تىلەيمىن!

تاۋەلسىزدىگىمىز تۇعىرلى، ەلدىگىمىز عۇمىرلى، ماڭگىلىك ەلىمىزدىڭ كەلبەتى ءساندى، ەتكەن ەڭبەگىمىز ءماندى بولسىن!

 

  

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525