تۇركىستاندا «ماكسيمۋم» ايو وكىلدەرىنىڭ قاتىسۋىمەن شارۋالار مەن كاسىپكەرلەردىڭ باسىن قوسقان كەزدەسۋلەر ءوتتى. قالا مەن ەكى اۋىلدىق وكرۋگ ورتالىقتارىندا وتكەن جيىندا قارجى ۇيىمىنان نەسيە الۋدىڭ جولدارىن ناسيحاتتاپ جۇرگەن توپ جينالعاندارعا قارجىلاندىرۋ تۇرلەرىن ءتۇسىندىردى.

كاسىبىن جاڭادان باستاعان، شارۋاشىلىعىن ودان ءارى دامىتۋدى كوزدەگەن شارۋالار تاراپىنان ءتۇرلى ماسەلەلەر توڭىرەگىندەگى ساۋالدارعا تۇشىمدى جاۋاپ قايىرعان «ىرىس» مكۇ ديرەكتورىنىڭ ورىنباسارى كاسىپكەرلەردى قولداۋدىڭ قولايلى تاسىلدەرىنە دە توقتالىپ ءوتتى.

اتاپ ايتساق، «ماكسيمۋم» ايماقتىق ينۆەستيتسيالىق ورتالىعى تاراپىنان قازىرگى ۋاقىتتا كەلەسى قارجىلاندىرۋ تۇرلەرى قاراستىرىلعان. العاشقىسى تىكەلەي نەسيەلەندىرۋ (ياعني قارىزدار) - جىلىنا 7 پايىزبەن 84 ايعا بەرىلەدى. ودان سوڭ قارجىلىق ليزينگ – جىلىنا 8 پايىزبەن 84 ايعا بەرىلەدى جانە دە ينۆەستيتسيالىق ورتالىقتىڭ ەنشىلەس ۇيىمى «ىرىس» ميكروقارجى ۇيىمى ارقىلى شاعىن نەسيەلەر بەرۋدى قامتاماسىز ەتەدى. اتالمىش ۇيىم 7-8 پايىزبەن 60 اي ۋاقىتقا دەيىن نەسيەلەندىرەدى.

ارينە قارجىلاندىرۋ كەلەسى نەگىزگى شارتتار ورىندالعان جاعداي دا عانا جۇزەگە اسادى. ياعني قارجى الامىن دەيتىن ازاماتتىڭ جوباسى وبلىستىڭ باسىم باعىتتارى بويىنشا جاسالۋى ءتيىس. ءوتىمدى كەپىلدەمەنىڭ جانە مۇلىكتىڭ قۇقىق بەلگىلەۋشى قۇجاتتارىنىڭ بولۋى قاجەت. سونىمەن قاتار، بيزنەس-جوسپارى مەن قۇرىلتاي قۇجاتتارى بولعان جاعداي دا  عانا ورتالىق تاراپىنان نەسيە بەرۋ كوزدەلگەن.

ايتا كەتەرلىگى، جالپى 2009-2016 جىلدار ارالىعىندا "ماكسيمۋم" ايو مەن "ىرىس" مقۇ مەن بىرلەسە تۇركىستان قالاسى بويىنشا 1038 جوبانى 2,9 ملرد. تەڭگەگە قارجىلاندىرعان. ناتيجەسىندە ايماقتا 2 240 جۇمىس ورنى اشىلعان.

Abai.kz