ارىستا بوكستان 2001-2002 جىلى تۋىلعان جاسوسپىرىمدەر اراسىندا كەڭەس وداعىنىڭ باتىرى بەيسەن ونتاەۆتى ەسكە الۋعا ارنالعان ءحححىV حالىقارالىق ءتۋرنيردىڭ اشىلۋ سالتاناتى ءوتتى.

ءىس-شارانىڭ باستى ماقساتى - مەملەكەتتىك جاستار ساياساتىن جۇزەگە اسىرۋ اياسىندا دەنە شىنىقتىرۋ مەن سپورتتى دامىتۋعا، جاستار اراسىندا سپورتتىڭ بوكس ءتۇرىن، جالپى سالاۋاتتى ءومىر سالتىن جانە ەلىمىزدىڭ بوكس ساڭلاقتارىن كەڭىنەن ناسيحاتتاۋعا، بوس ۋاقىتىن ءتيىمدى پايدالانا وتىرىپ، سپورتپەن شۇعىلدانۋىنا تارتۋعا باعىتتالدى. بۇل ءىس-شارا كوپتەگەن جاستارىمىزدىڭ سپورتقا دەگەن قىزىعۋشىلىعىن ارتتىرا تۇسكەندىگى ايقىن. بۇل سوزىمىزگە سايىسقا قاتىسۋشىلار مەن ونى تاماشالاۋعا كەلگەن جاستاردىڭ ۇلەس سالماعىنىڭ ءوزى دالەل بولماق.

جارىستىڭ اشىلۋ سالتاناتىنا وڭتۇستىك قازاقستان وبلىسى دەنەشىنىقتىرۋ جانە سپورت باسقارماسى باسشىسىنىڭ ورىنباسارى ا.بەرداشەۆ، قالا اكىمىنىڭ ورىنباسارى ب.دىلدابەكوۆ، قالالىق ءماسليحات حاتشىسى ا.بايتاناەۆ، زيالى قاۋىم وكىلدەرى، سپورت ارداگەرلەرى، سپورتشىلار، جاستار وكىلدەرى قاتىستى. 

اتالعان جارىسقا وزبەكستان رەسپۋبليكاسىنىڭ، 10 وبلىستان جانە استانا، الماتى قالالارىنان كەلگەن 25 كوماندادان قۇرالعان 273 جاس سپورتشىلار شارشىالاڭدا سايىسقا تۇسەدى.

جارىس قورىتىندىسى اعىمداعى جىلدىڭ 29 قىركۇيەك كۇنى وتەدى.

ارىس قالاسى اكىمىنىڭ ءباسپاسوز قىزمەتى

Abai.kz