جۇما, 29 ناۋرىز 2024
قوعام 5639 1 پىكىر 28 قىركۇيەك, 2016 ساعات 11:07

استانا ماڭىنداعى اۋىلعا «سافينكا» دەگەن اتاۋ لايىق پا، سەرگەي مىرزا؟

اقمولا وبلىسىنىڭ اكىمى

                                                                                           سەرگەي كۋلاگين مىرزانىڭ نازارىنا!

 

«سوفيەۆكا – اقمولا بولىسى تسەلينوگراد اۋدانىنداعى اۋىل، اۋىلدىق وكرۋگ ورتالىعى. استانا قالاسىنان سولتۇستىك-شىعىسقا قاراي 22 كم-دەي جەردە، سىلەتى وزەنىنىڭ جاعالاۋىندا ورنالاسقان.

جولىم ءتۇسىپ استانا قالاسىنىڭ ماڭىنا ساپارعا شىقتىم. الدىمنان تۇرعىندارىنىڭ باسىم كوپشىلىگى ء(بارى دەسە دە بولادى) قازاقتاردان تۇراتىن "سوفيەۆكا" دەگەن ەلدى مەكەن كەزدەستى.  جەرگىلىكتى تۇرعىندار «سافينكا» دەپ اتايدى ەكەن. سول جەردەگى تۇرعىنداردان  اۋىلىڭىزدىڭ اتى نەگە "سافينكا" دەپ سۇرادىم. 

مىناۋ سول اۋىل تۇرعىندارىنىڭ اشىنا وتىرىپ بەرگەن جاۋابى: 

كەشەگى كەڭەس زامانىندا وسى اۋىلدا قولدان اراق (ساموگون) جاساپ ساتاتىن سوفيا دەگەن كەمپىر تۇرىپتى. سول جەردەگى تىڭ يگەرۋشىلەر مەن سول ماڭدا تۇراتىن وزگە دە تۇرعىنداردىڭ ءبارى سول كەمپىردەن، ءتىپتى الىس جەرلەردەن دە كەلىپ ساموگون ساتىپ الاتىن بولىپتى. سودان سول ەلدى مەكەن كۇنى بۇگىنگە دەيىن "سافينكا", سول اۋىلعا باراتىن جول "سوفينسكايا تراسسا" دەپ اتالىپ كەلەدى ەكەن. 

سول سوفيانىڭ اراعىنىن قانشاما ادام زارداپ شەگىپ جۇمىستان قۋىلدى،  وتباسىنان اجىرادى، قانشاما ادام سول تراسسا دا ماس كۇيىندە جول وقيعاسىنا ۇشىراپ، ومىرلەرىمەن قوش ايتىستى نەمەسە جارىمجان بولىپ قالدى دەسەڭىزشى. 

وبالى نە كەرەك، اۋىل تۇرعىندارى بۇل ماسەلەنى سان رەت كوتەرگەن. اۋىلدىڭ باس كوتەرەر، ەستى ازاماتتارى تالاي باق-تا ماقالا جاريالاپ، ەلدى مەكەن اتاۋىن وزگەرتۋدى وتىنگەن. بىراق سەلت ەتكەن ءبىر باسشى بولماپتى. 

 اتام قازاقتىڭ اتا سالتى، سوعان سايكەس قازاقستان رەسپۋبليكاسى زاڭ تالاپتارى بويىنشا دا  ەلدى مەكەن، داڭعىل، كوشە اتاۋلارىنا حالقىنا قالتقىسىز قىزمەت جاساپ، ۇرپاعىنا ۇلگى بولعان ۇل-قىزدارىنىڭ اتى بەرىلەدى.

اراق مۇسىلمان بالاسى ءۇشىن ارامعا سانالادى. بۇل قاسيەتتى قۇران كارىمدە دە ايقىن كورسەتىلگەن. ال ءبىزدىڭ بيلىك  وسى ارام اسپەن ەلدى بىلعاعان كىسىنىڭ اتىنا ەلدى مەكەن اتاۋىن بەرىپ قويىپ ءۇنسىز وتىر.

قاسيەتتى قۇران كارىمنىڭ، اتام قازاقتىڭ اتا سالتىنىڭ جانە قازاقستان رەسپۋبليكاسى زاڭدارىنىڭ تالاپتارىنا سايكەس ءتيىستى شاراسىن الۋىڭىزدى وتىنەمىن!       

قوجىربايۇلى مۇحامبەتكارىم، ماڭعىستاۋ

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616