جۇما, 29 ناۋرىز 2024
مايەكتى 5220 0 پىكىر 29 قىركۇيەك, 2016 ساعات 12:42

ۇزىناعاشتاعى وقيعا. كۇدىكتىلەردىڭ تۋىستارى نە دەيدى؟

الماتى وبلىسىندا ءدۇيىم جۇرتتى شۋلاتقان، ءۇش بىردەي ازاماتتى جاۋىزدىقپەن ءولتىرىپ، مالىن ولجالادى دەگەن كۇدىكتىلەر جايلى ازىرگە تولىق اقپارات ايتىلمادى. تەك ولاردىڭ تۇرعىلىقتى جەرى مەن اتى-جوندەرى بەلگىلى. ال، ولاردىڭ بۇعان دەيىن نەمەن اينالىسىپ، قالاي تىرشىلىك ەتكەندەرى دە كوپشىلىككە بەيمالىم. 31-تەلەارنا تىلشىلەرى كۇدىكتىلەردىڭ اۋىلداستارى مەن اعايىن-تۋىستارىن سوزگە تارتىپ، ولاردىڭ دا پىكىرىن جاريالاپ وتىر.

بۇرىنعى امانگەلدى سوۆحوزى، قازىرگى سۇرانشى باتىر اۋىلى بۇگىندە توماعا-تۇيىق. كوشەدە بەيساۋات جۇرگەن ادام جوق، سوزگە ساراڭ، ەشكىم سۇحبات تا بەرمەيدى. اۋىلداستارىنىڭ ارەكەتى ەلدى شوشىتقان سىڭايلى. 45 جاستاعى تالعات ەسىمدى كۇدىكتى كوپ جىلدان بەرى كولىك جوندەپ كۇنەلتكەن ەكەن. سوڭعى كەزدەرى ەپتەپ مال ساۋداسىمەن اينالىسىپتى. ءۇش بالانىڭ اكەسى. تۋعان-تۋىستارى ەڭبەكقور تالعاتتىڭ قاندى وقيعاعا قاتىسى بارىنا سەنبەيدى. بىراق ەشبىرى سۇحبات بەرىپ، اشىلىپ سويلەسپەدى.

ال، ەكىنشى كۇدىكتى مۇرات وڭالباەۆتىڭ اناسى بولسا ۇلىنىڭ الدەكىمدەردىڭ ارباۋىنا ءتۇسىپ قالعانىنا سەنىمدى. 

"سول كۇنى كازتسيكتە ءبىر جىگىتتىڭ ولىمىنە ايەلىمەن ءبارىمىز بارىپ كەلە جاتقانىمىزدا تەلەفونىنا بىرەۋ قوڭىراۋ شالدى، شاقىردى، 1-مەن 2-ءنىڭ ورتاسى نە 2 مەن 3-ءتىڭ ورتاسى. مەن بازاردان مال الىپ كەلە جاتىر ەدىم كامازبەن، ءۇيىمنىڭ جانىنا كەلىپ ءتۇسىرىسىپ جىبەرشى دەدى. اۋىلدىڭ بالاسى، اعايىن ادامبىز، سوسىن بالام جارايدى دەدى. ءبىزدى ءتۇسىرىپ، سوعان كەتتى، ارتى وسى بولدى. ودان ارى قاراي نە بولعانىن، قالاي بولعانىن بىلمەيمىن", - دەيدى مۇراتتىڭ اناسى.

41جاستاعى مۇرات وڭالباەۆ - ءۇشىنشى توپتاعى مۇگەدەك ەكەن. ءبىر كوزى كەمتار. ونىڭ دا ءۇش بالاسى بار. بۇعان دەيىن قىلمىستىق جاۋاپقا تارتىلماعان. كولىگىمەن ادام تاسىپ كۇنەلتكەن.

"تەك ادام ولتىرەدى دەگەنگە سەنبەيىم. التىن كورىپ پەرىشتە جولدان تايىپ، ساعان دا بىردەڭە بەرەمىز دەسە سوعان ىلەسىپ كەتتى ما، قايدان بىلەيىن؟ ول تەك ەرۋشى", - دەيدى كۇدىكتىنىڭ اناسى.

ايتا كەتەيىك، مارقۇمداردىڭ تۋىستارى دا قىلمىسكەرلەردىڭ ەكەۋ بولعانىنا سەنبەيدى. دەنەلى، قايراتتى ءۇش جىگىتتى ەكى ادامنىڭ بايلاپ، كەيىن ءولتىرۋى اقىلعا قونبايدى دەيدى ولار.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553