بەيسەنبى, 28 ناۋرىز 2024
جاڭالىقتار 6556 0 پىكىر 29 قىركۇيەك, 2016 ساعات 16:48

تۇلكىباستا الما ءوسىرۋ قارقىن الۋدا

تۇلكىباس – كەڭەس وداعى تۇسىندا ءدامى بال تاتيتىن «اپورت» الماسىمەن اتى شىققان اۋدان بولاتىن. ويتكەنى، ول اۋداننىڭ اۋا-رايى جەمىستىڭ وسى ءتۇرىن وركەندەتۋگە وتە قولايلى. تاۋەلسىزدىك العان جىلدارى الما باۋلار بىرتىندەپ جويىلىپ، جوق بولىپ كەتكەن بولاتىن. سوڭعى جىلدارى سول الما باۋلاردى قايتا قالپىنا كەلتىرۋ، المانى تۇلكىباستىڭ برەندى ەتۋ ماقساتىندا كوپتەگەن شارۋالار اتقارىلۋدا. جۋىردا بۇل اۋداندا ۇيىمداستىرىلعان سەمينار-كەڭەستىڭ ماقساتى دا وسى سالانىڭ كەلەشەگىن كەمەلدى ەتۋ بولاتىن. وعان وبلىستىق اۋىل شارۋاشىلىعى باسقارماسىنىڭ جاۋاپتى ماماندارى، اۋداندار مەن قالالار اكiمدەرiنiڭ ورىنباسارلارى، باۋ شارۋاشىلىعىمەن اينالىسۋشى باعباندار قاتىستى.

بۇگىندە تۇلكىباس اۋدانىندا 3115 گەكتار باۋ بار. 2007-2015 جىلدار ارالىعىندا مەملەكەتتiك باعدارلاماعا سايكەس الما باۋى مەن جۇزiمدiك كولەمi ۇلعايتىلىپ، 1 429 گەكتار القاپقا جاڭا الما اعاشىنىڭ كوشەتتەرi وتىرعىزىلدى. وسىلايشا وبلىس اكiمiنiڭ تۇلكiباس اۋدانىن جەمiس-جيدەكتi ايماققا اينالدىرۋ تۋرالى باستاماسىنا سايكەس كوپتەگەن جۇمىستار اتقارىلدى. الما اعاشتارىن وسiرۋگە نيەت بiلدiرگەن اۋىل شارۋاشىلىعى تاۋارلارىن وندiرۋشiلەرگە قوسىمشا جەر تەلiمدەرi بەرiلiپ، الما باۋدىڭ كولەمi جىلدان-جىلعا كوبەيiپ كەلەدi.

سەمينارعا قاتىسۋشىلار بۇل كۇنى ميچۋرين اۋىلدىق وكرۋگiنە قاراستى ء«مولدiر» جاۋاپكەرشiلiگi شەكتەۋلi سەرiكتەستiگiنىڭ تىنىس-تىرشىلىگىمەن تانىستى. جەرگiلiكتi باعباندار تۇركيانىڭ «ياۋلا فيليس» كومپانياسىمەن بiرلەسiپ، 110 گەكتار القاپتا قارقىندى باۋ جانە 5 گەكتار تاناپتا تۇقىم باق وسiرۋدە. سونىمەن قاتار، اۋداندا «كوكتال»، «كەنتاۋ» جشس، «تۇلكiباس ترانسسەرۆيس» جاۋاپكەرشiلiگi شەكتەۋلi سەرiكتەستiكتەرi دە قارقىندى باۋ ءوسiرۋدi قولعا الىپتى. 2020 جىلعا دەيiن تۇلكiباس اۋدانىندا الما باۋ كولەمi 3 600 گەكتارعا جەتكiزiلمەك.

تۇلكىباستا باۋ وسىرۋگە جەرگىلىكتى تۇرعىنداردان وزگە ازاماتتار دا قىزىعۋشىلىق تانىتۋدا. ماسەلەن، «كەنتاۋ» جشس، «زەردە اگرو» شق، قارقىندى باۋ وسiرۋمەن بەلسەندi اينالىسۋدا. شارۋاشىلىقتار جەمiس اعاشتارىن كۇتiپ-باپتاۋدا وركەنيەتتi ەلدەردiڭ، ونىڭ iشiندە تۇركيا، پولشا مەملەكەتتەرiنiڭ سوڭعى ۇلگiدەگi وزىق تاجiريبەلەرiن پايدالانادى. بۇل ينتەنسيۆتi باۋلارعا نەگiزiنەن تامشىلاتىپ سۋارۋ تەحنولوگياسى كەڭiنەن قولدانىلادى. قارقىندى باۋ ءۇشiن مەملەكەتتەن دە جەڭىلدىكتەر قاراستىرىلعان. كوشەتتەر وتىرعىزعان كەزدە ينۆەستيتسيالىق جوبالاردى سۋبسيديالاۋ باعدارلاماسى بويىنشا العاشقى جىلى ءاربiر گەكتارىنا كەتكەن شىعىننىڭ 40 پايىزى قايتارىلىپ بەرiلەدi.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503