جۇما, 6 جەلتوقسان 2019
دەپ جاتىر 2702 0 پىكىر 15 قاراشا, 2016 ساعات 07:42

ءۇندىستان. 6 جاسار بالانى قۇداي كورىپ سىيىنىپ ءجۇر (فوتو)

ءۇندىستاندا اۋىل تۇرعىندارى 6 جاسار بالانى قۇداي رەتىندە كورىپ، وعان تابىنىپ ءجۇر. تۇرعىنداردىڭ پىكىرىنشە، پرانشۋدىڭ تانىنە ۇندىستەردىڭ ءبىر قۇدايىنىڭ جانى قونعان بولۋى مۇمكىن. سەبەبى ونىڭ سىرت كەلبەتى گانەش قۇدايىنا قاتتى ۇقسايدى ەكەن.

پرانشۋ پەندجابتاعى دجالانحار (Jalandhar) ەلدى-مەكەنىندە تۇرادى. دۇنيەگە كەلگەن كەزىندە-اق ونىڭ كوزدەرى قىسىڭقى ءارى ماڭدايى ىسىڭكى بولعان. دارىگەرلەر ونىڭ دەنساۋلىعىنا قاتىستى ناقتى بايلامعا كەلە الماعان-دى، دەپ جازدى Metro.

 

ونىڭ ەرەكشە بەت-الپەتىنە زەر سالعان اۋىل تۇرعىندارى جاس بالانى قۇدايعا تەڭەپ، وعان «لورد گانەش» (گانەش – ۇندىستەر تابىناتىن قۇدايلاردىڭ ءبىرى) دەپ ات بەرگەن.

 

بالانىڭ اكەسى كاملەش تە تۇرعىنداردىڭ كوزقاراسىنا تۇسىنىستىكپەن قارايدى. وسى ورايدا ول ءار بەيسەنبى سايىن ۇلىن عيباداتحاناعا الىپ بارىپ، حالىقپەن كەزدەسۋىنە مۇمكىندىك تۋعىزادى.

 

سۋرەتتە: پرانشۋ وتباسىمەن بىرگە

«ول – قۇداي. باسقا ادامدار سياقتى مەن دە وعان تابىنامىن. سەبەبى ونىڭ دەنەسى گانەش قۇدايىنىڭ مۇسىنىنەن اۋمايدى»، – دەيدى بالانىڭ اكەسى.

 

«ول ءاربىر ادامعا ءوز باتاسىن بەرەدى. ونىمەن جۇزدەسكەن ءاربىر اۋىل تۇرعىنى قالاعان ارمانىنا قول جەتكىزەدى. ودان بولەك، ۇلىم كۇن سايىن مەكتەپكە بارادى. كورگەن ادامدار وعان ۇنەمى گۇل سىيلايدى»، – دەگەندى ايتادى "گانەش-قۇدايدىڭ" اكەسى.

«مەنىڭ ءتۇر-الپەتىم گانەشكە ۇقسايدى، ادامدار مەنىڭ شىنايى ەسىمىمدى دە بىلمەيدى. مەكتەپتەگى ۇستازدارىم دا ماعان قۇلشىلىق جاسايدى. ال دوستارىم مەنى قۇداي ساناعاندىقتان، مەنىمەن ويناپ نەمەسە قورقىتپايدى. ادامدار مەنى گانەش دجي دەپ اتاعان كەزدە ءوزىمدى باقىتتى سەزىنەمىن. مەن تەك سوعان ۇقساعىم كەلەدى. ۇلكەن باسىما دا، بەت-الپەتىمە دە ءدان ريزامىن»، – دەيدى كىشكەنتاي پرانشۋ.

دەرەككوزى: muslim.kz

0 پىكىر