بۇگىن ءوڭىر باسشىسى ب.اتامقۇلوۆ ۆەتنام سوتسياليستىك رەسپۋبليكاسىنىڭ ەلشىسى دوان تحي سۋان حيەنمەن كەزدەستى،-دەپ حابارلايدى وقو اكىمىنىڭ ءباسپاسوز قىزمەتى.

بوسقوسۋدا تاراپتار قوس ەلدىڭ ىنتىماقتاستىق قارىم-قاتىناسى مەن ساۋدا-ەكونوميكالىق جاعدايى تۋرالى اڭگىمە ءوربىتتى.

ايماق باسشىسى مارتەبەلى مەيمانعا وڭتۇستىك ولكەسىنىڭ نەگىزگى الەۋەتتىك كورسەتكىشتەرى مەن اۋىل شارۋاشىلىعى، ونەركاسىپ جانە تۋريزم سالالارىنداعى جەتىستىكتەرىن اتاپ ءوتتى. سونىمەن قاتار، وڭىرىمىزدە ءتۋريزمدى دامىتۋ ماقساتىندا اشىلعان «Ontustik Tourism Center» تۋريستىك-اقپاراتتىق ورتالىعى جايلى اڭگىمەلەپ، وندا ساياحاتشىلار ءۇشىن ء«بىر تەرەزە» قاعيداسى بويىشا قىزمەت كورسەتىلەتىنىن جەتكىزدى.

ءوز كەزەگىندە، ۆەتنام ەلشىسى ءوڭىرىمىزدىڭ ينۆەستيتسيالىق الەۋەتىنىڭ جاقسارعانىن ايتىپ، اسىرەسە، اۋىل شارۋاشىلىعىنداعى جەتىستىكتەردى وڭ باعالادى. كۇرىش ءونىمىن ەكسپورتتاۋدان الەم بويىنشا كوش باستايتىن مەملەكەت وكىلدەرى كۇنگەي شارۋالارىن ۆەتنامدىق كۇرىش ءوسىرۋدىڭ تىڭ تاسىلدەرى بويىنشا تاجىريبە الماسۋعا شاقىردى. وڭتۇستىك ولكەسىمەن اۋا رايى ۇقساس كەلەتىن ەلگە الداعى ۋاقىتتا ءبىزدىڭ كاسىپكەرلەر باراتىن بولىپ ۋاعدالاستى.

ايتا كەتۋ كەرەك، دوان تحي سۋان حيەن باستاعان ءبىر توپ دەلەگاتسيا ءوڭىرىمىزدىڭ اۋىل شارۋاشىلىعى، كاسىپكەرلىك سالالارىنداعى جەتەكشىلەرىمەن كەزدەسىپ، ەكى ەل اراسىنداعى ساۋدا-ساتتىقتى نىعايتۋ جولدارىن قاراستىردى. 

Abai.kz