جۇما, 29 ناۋرىز 2024
جاڭالىقتار 3665 0 پىكىر 1 ماۋسىم, 2009 ساعات 05:37

قارا قىتاي قاپتاسا...

قازاقستاندىق بيلىك جەرىمىزدىڭ 3,5 ميلليوننان استام گەكتارىن شەتەلدىك ينۆەستورلارعا بەرۋگە ءازىر، ال اۋىل شارۋاشىلىعىنىڭ ەكس-ءمينيسترى «ينۆەستوردىڭ» تەك قىتايدان عانا كەلەتىنىنە سەنىمدى.
جەر ماسەلەسى – قازاقتىڭ ەڭ كۇردەلى ءۇش داۋىنىڭ ءبىرى. 20-عاسىردىڭ باسىندا نيكولاي II-ءشى پاتشانىڭ تۇسىنداعى مينيسترلەر كەڭەسىنىڭ توراعاسى پەتر ستولىپين قازاق دالاسىنىڭ ەسەبىنەن اگرارلىق رەفورما جۇرگىزدى. وتارشىل بيلىكتىڭ مۇراگەرىندەي سوۆەتتىك-كوممۋنيستىك رەجيم قازاقستاندا كۇشپەن ورناتىلعاننان كەيىن «جەر — شارۋانىكى» دەگەن ۇراندى ەسكەرمەستەن، قازاق ءۇشىن ماڭىزدى وسىناۋ ماسەلەنى كەيىنگە قالدىردى. سول كوممۋنيستىك رەجيم ءتۇپسىز ماسەلەنى تاۋەلسىز قازاقستاننىڭ سولقىلداق يىعىنا ارتىپ كەتكەندەي.  ولاي دەيتىنىمىز،  ءىرىپ-شىرىگەن بۇرىنعى رەجيمنەن تەك قوردالانعان شەشۋسىز ماسەلەلەردى (بۇلاردىڭ قاتارىنداعى ەڭ زورى، البەتتە، جەر ماسەلەسى) عانا ەمەس، سونىمەن بىرگە بۇكىل حالىقتىڭ يگىلىگى ءۇشىن شەشىم قابىلداۋعا نيەتى دە، تاجىريبەسى دە جوق كەشەگى پارتيالىق-كومسومولدىق نومەنكلاتۋرا كەيپىندەگى ساياسي ەليتانى دا مۇراعا الىپ قالعانىن بايقاۋ قيىن ەمەس.

قازاقستاندىق بيلىك جەرىمىزدىڭ 3,5 ميلليوننان استام گەكتارىن شەتەلدىك ينۆەستورلارعا بەرۋگە ءازىر، ال اۋىل شارۋاشىلىعىنىڭ ەكس-ءمينيسترى «ينۆەستوردىڭ» تەك قىتايدان عانا كەلەتىنىنە سەنىمدى.
جەر ماسەلەسى – قازاقتىڭ ەڭ كۇردەلى ءۇش داۋىنىڭ ءبىرى. 20-عاسىردىڭ باسىندا نيكولاي II-ءشى پاتشانىڭ تۇسىنداعى مينيسترلەر كەڭەسىنىڭ توراعاسى پەتر ستولىپين قازاق دالاسىنىڭ ەسەبىنەن اگرارلىق رەفورما جۇرگىزدى. وتارشىل بيلىكتىڭ مۇراگەرىندەي سوۆەتتىك-كوممۋنيستىك رەجيم قازاقستاندا كۇشپەن ورناتىلعاننان كەيىن «جەر — شارۋانىكى» دەگەن ۇراندى ەسكەرمەستەن، قازاق ءۇشىن ماڭىزدى وسىناۋ ماسەلەنى كەيىنگە قالدىردى. سول كوممۋنيستىك رەجيم ءتۇپسىز ماسەلەنى تاۋەلسىز قازاقستاننىڭ سولقىلداق يىعىنا ارتىپ كەتكەندەي.  ولاي دەيتىنىمىز،  ءىرىپ-شىرىگەن بۇرىنعى رەجيمنەن تەك قوردالانعان شەشۋسىز ماسەلەلەردى (بۇلاردىڭ قاتارىنداعى ەڭ زورى، البەتتە، جەر ماسەلەسى) عانا ەمەس، سونىمەن بىرگە بۇكىل حالىقتىڭ يگىلىگى ءۇشىن شەشىم قابىلداۋعا نيەتى دە، تاجىريبەسى دە جوق كەشەگى پارتيالىق-كومسومولدىق نومەنكلاتۋرا كەيپىندەگى ساياسي ەليتانى دا مۇراعا الىپ قالعانىن بايقاۋ قيىن ەمەس.
2005 جىلى قابىلدانعان جەردى جەكە مەنشىككە ساتۋعا مۇمكىندىك بەرەتىن جەر تۋرالى زاڭ قوعامنىڭ نارازىلىعىن تۋدىردى. دەگەنمەن، 400 شارشى كيلومەترلىك بايىرعى قازاق جەرى حالىقتان كەلىسىم سۇراماي-اق قىتايدىڭ يەلىگىنە ءوتىپ كەتتى.  ول ازداي، ەندى ۇكىمەت  3,5 ميلليونداي جەرىمىزدى  قىتاي ينۆەستورلارىنىڭ «قالتاسىنا سالىپ» بەرمەك.  ال بۇل دەگەنىڭىز – يزرايل ەلىنىڭ جەر كولەمىنەن 1,5 ەسەگە كوپ، اۋماعىنا گوللانديا، بەلگيا سياقتى مەملەكەتتەر سىيىپ كەتەتىن اۋقىمدى ايماق.
بۇگىننىڭ وزىندە، «موند» اتتى بەدەلدى فرانتسۋز گازەتىنىڭ اقپاراتى بويىنشا، قىتايلىق شارۋالار قازاقتىڭ ەگىستىك جەرلەرىن وڭدەپ جاتقان كورىنەدى.

 


اۆتور گۇلجانات شوناباي   
«قازاقستان-زامان» گازەتى 28 مامىر 2009 جىل

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616