جۇما, 29 ناۋرىز 2024
جاڭالىقتار 6598 0 پىكىر 31 مامىر, 2016 ساعات 14:36

اتىراۋدا سوت ەكى بەلسەندىنى قاماۋدان بوساتتى

اتىراۋدا "بيلىكتى كۇشپەن باسىپ الۋ نەمەسە ۇستاپ تۇرۋعا جانە كونستيتۋتسيالىق قۇرىلىمدى كۇشپەن وزگەرتۋگە شاقىردى" دەگەن كۇدىك بويىنشا قوزعالعان قىلمىستىق ءىس اياسىندا ەكى ايعا قامالعان عاتاۋعالي بوحان مەن ساعىنعالي قاپيزوۆ بوساتىلاتىن بولدى، - دەپ جازادى ازاتتىق.

بوحان مەن قاپيزوۆتىڭ ادۆوكاتتارى يگور ۆرانچەۆ پەن اقتولقىن بالتاباەۆانىڭ ايتۋىنشا، اتىراۋ وبلىستىق سوتىنىڭ سۋدياسى مالىك ەرعاليەۆ 30 مامىردا عاتاۋعالي بوحان مەن ساعىنعالي قاپيزوۆ ادۆوكاتتارىنىڭ ولاردى قاماۋعا الۋ تۋرالى سوت سانكتسياسىنا بەرگەن شاعىمىن قاراعان. سۋديا 70 جاستاعى عاتاۋعالي بوحانعا قاتىستى قاماۋعا الۋ بۇلتارتپاۋ شاراسىن كەپىلگە بوساتۋمەن، 62 جاستاعى ساعاتباي قاپيزوۆتى بۇلتارتپاۋ شاراسىن ۇيقاماققا شىعارۋمەن اۋىستىرۋ تۋرالى قاۋلى قابىلداعان. ادۆوكاتتارى بوحان مەن قاپيزوۆتىڭ بۇگىن تۇستەن كەيىن بوساتىلاتىنىن ايتادى.

اتىراۋ قالالىق №2 سوتى 23 مامىردا رۇقسات ەتىلمەگەن ميتينگىگە زاڭسىز شاقىردى دەپ ايىپتالعان بەلسەندىلەر ساعىنعالي قاپيزوۆ پەن عاتاۋعالي بوحانعا قاتىستى قىلمىستىق كودەكستىڭ 179-بابى بويىنشا ەكى ايعا اباقتىعا قاماۋ تۋرالى قاۋلى شىعارعان. ال تاعى ءبىر بەلسەندى قۇبايدوللا شولاق ءۇي قاماققا الىنعان.

20 مامىر كۇنى №2 قالالىق سوتىنىڭ سۋدياسى ز.قازاقباي اتىراۋ وبلىستىق ۇلتتىق قاۋىپسىزدىك دەپارتامەنتىنىڭ 9 باسقارما تەرگەۋشىسى ە. سابىرعاليەۆتىڭ ارىزى بويىنشا سەگىز ادامنىڭ ءۇيىن ءتىنتۋ تۋرالى قاۋلى شىعارعان. وسىعان سايكەس ماكس بوقاەۆ، تالعات ايان، ەرلان باشاقوۆ، ساعىنعالي قاپيزوۆ، عاتاۋعالي بوحان، قۇبايدوللا شولاق، ادىلبەك مۇساۇلى، جاسۇلان مۇسابەكوۆتىڭ ۇيلەرىنە ءتىنتۋ جاسالىپ، ولاردىڭ جەكە كومپيۋتەرلەرى، موبيلدىك تەلەفوندارى مەن فلەشكالارى تاركىلەنگەن بولاتىن. قاۋلىدا قۇقىق قورعاۋ ورگاندارىنىڭ 17-19 مامىردا اتالعان سەگىز ادامعا قاتىستى قىلمىستىق كودەكستىڭ 24-بابىنىڭ 1- ءبولىمى (قىلمىسقا دايىندالۋ جانە قىلمىسقا وقتالۋ), 272- بابىنىڭ 1- ءبولىمى (جاپپاي تارتiپسiزدiك) جانە 179-بابىنىڭ 2- ءبولىمى (بيلىكتى باسىپ الۋدى نەمەسە ۇستاپ تۇرۋدى ناسيحاتتاۋ نەمەسە وعان جاريا تۇردە شاقىرۋ، سول سياقتى بيلىكتى باسىپ الۋ نەمەسە ۇستاپ تۇرۋ نە قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋ) بويىنشا سوت الدى تەرگەۋىنىڭ ءجۇرىپ جاتقانىن حابارلاعان.

اتالعان بەلسەندىلەر قازاقستان ۇكىمەتىنىڭ اۋىل شارۋاشىلىق جەرلەرىن اۋكتسيون ارقىلى ساتۋ جانە شەتەلدىكتەرگە جالعا بەرۋ جوسپارىنا قارسى كوزقاراستارىمەن بەلگىلى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610