جۇما, 29 ناۋرىز 2024
بيلىك 6314 0 پىكىر 23 ماۋسىم, 2016 ساعات 13:12

«مەملەكەتتىك ءتىل جانە باق» رەسپۋبليكالىق بايقاۋى مارەگە جەتتى (فوتو)

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتالۋ بەلسەندىلىگىن ارتتىرۋ ماقساتىندا ءباسپاسوز كۇنىنە وراي وتكىزگەن «مەملەكەتتىك ءتىل جانە باق» اتتى رەسپۋبليكالىق بايقاۋى ءوز مارەسىنە جەتتى، - دەپ حابارلايدى اباي-اقپارات.

بۇگىن وسى ءبىر ايتۋلى شارانىڭ جەڭىمپازدارىن سالتاناتتى ماراپاتتاۋ راسىمىنە مينيستر ا.مۇحامەديۇلىنىڭ ءوزى قاتىستى. 

ءىس-شارا قازاقستان رەسپۋبليكاسى مادەنيەت جانە سپورت ءمينيسترى ا.مۇحامەديۇلىنىڭ قۇتتىقتاۋ سوزىمەن اشىلدى. مينيستر جۋرناليستيكا سالاسىنداعى بىرقاتار سالا ماماندارىن قول جەتكىزگەن تابىستارى مەن جەمىستى شىعارماشىلىق قىزمەتتەرى ءۇشىن قۇرمەت گراموتالارمەن جانە العىس حاتتارمەن ماراپاتتادى.

بايلانىس جانە اقپارات قىزمەتكەرلەرى كۇنىنە وراي ۇيىمداستىرىلعان
ءىس-شارا «مەملەكەتتىك ءتىل جانە باق» بايقاۋىنىڭ جەڭىمپازدارىن ماراپاتتاۋمەن جالعاستى.

رەسپۋبليكالىق بايقاۋعا ەلىمىزدىڭ وڭىرلەرىنەن 200-دەن اسا استام ماتەريال كەلىپ ءتۇستى. بايقاۋعا مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ جانە ونىڭ احۋالى تۋرالى وزەكتى ماتەريالدار جاريالاعان تىلشىلەر قاتىستى.

بايقاۋعا 2015 جىلعى 10 ماۋسىم مەن 2016 جىلعى 9 ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمدار، ەفيردەن وتكەن حابارلار قامتىلدى.

بايقاۋدىڭ ەرەجەسىنە سايكەس كەلىپ تۇسكەن ماتەريالدار «ۇزدىك ماقالا»، «ۇزدىك تەلەارنا باعدارلاماسى»، «ۇزدىك راديو باعدارلاماسى»، «ۇزدىك سايت ماقالاسى» نوميناتسيالارى بويىنشا 4 باعىتتا باعالاندى.

بايقاۋعا كەلىپ تۇسكەن ماتەريالداردى ەلىمىزگە بەلگىلى جازۋشىلار مەن جۋرناليستەردەن قۇرالعان قازىلار القاسى قاراپ، جۇلدەگەرلەردى انىقتادى.

بايقاۋ قورىتىندىسى بويىنشا «ۇزدىك ماقالا» نوميناتسياسى بويىنشا

1-ورىندى «ايقىن» رەسپۋبليكالىق قوعامدىق-ساياسي گازەتى «ساياسات» ءبولىمىنىڭ شولۋشىسى ۇلىقبەكوۆ سەيسەن امىربەكۇلى، 2-ورىندى «يندۋستريالنايا كاراگاندا» گازەتىنىڭ ءتىلشىسى شيپۋنوۆ ۆالەنتين كونستانتينوۆيچ، 3-ورىندى «جەتىسۋ» وبلىستىق گازەتىنىڭ ءتىلشىسى مولداعاليەۆا مەرۋەرت سەرىكقىزى جەڭىپ السا، «ۇزدىك سايت ماقالاسى» نوميناتسياسى بويىنشا 1-ورىندى «قازكونتەنت» اق «e-histori.kz» سايتىنىڭ ءتىلشىسى التىنبەك قۇمىرزاقۇلى، 2-ورىندى «ۇركەر.كز» سايتىنىڭ ءتىلشىسى نۇرلان قۇمار باعداۋلەتۇلى، 3-ورىندى «اباي.كز» سايتىنىڭ ءتىلشىسى شامۇراتوۆ مەڭدوللا نۇرىمۇلى يەلەندى.

سونداي-اق «ۇزدىك تەلەارنا باعدارلاماسى» نوميناتسياسى بويىنشا  1-ورىندى «الماتى» تەلەارناسىنىڭ ءتىلشىسى قۇسايىنۇلى ءامىربولات، 2-ورىندى «قازاقستان» رترك» اقمولا وبلىستىق تەلەارناسىنىڭ ءتىلشىسى راۋشان سايلاۋقىزى، 3-ورىندى اقتوبە وبلىستىق «ريكا-تۆ» تەلەارناسىنىڭ ءتىلشىسى ءشامىشوۆا ءاليا ابىشقىزى جەڭىپ السا، «ۇزدىك راديو باعدارلاماسى» نوميناتسياسى بويىنشا 1-ورىندى قازاق راديوسىنىڭ «الماتى» ستۋدياسىنىڭ ءتىلشىسى جۇمابەك اقتوتى ەرداۋلەتقىزى, 2-ورىن «حالىق» راديوسىنىڭ ءتىلشىسى سىبانجانوۆا راۋشان سەيىتحانقىزى، 3-ورىندى قازاق راديوسىنىڭ رەداكتور-شولۋشىسى جانۇزاقوۆ جانات ءجۇسىپۇلى يەلەندى.

قۇلجانوۆا اسەم ۇلانقىزى، ۇلىقپان مۇراتباي ءابىلحانۇلى، مايكوزوۆا اقمارال تىلەكقىزى، لي انجەلا ميحايلوۆنا، مامىرباەۆا نۇرگۇل جامبىلقىزى، دارىباەۆ ءنالىباي ۇسەنۇلى، ماساكوۆا دينارا داۋلەتقىزى، قوسىباەۆ ايدوس تۇرسىنبەكۇلى، مۇقاەۆ ءىلياس دۇنگەنبايۇلى، ابيتاەۆا مەرۋەرت مۇراتبەكقىزى، اسىلبەكوۆا جاڭىلحان مامەجانقىزى، بايتاسوۆ تورەبەك تورەكەلدىۇلى سىندى جۋرناليستەر ىنتالاندىرۋ سىيلىعىمەن ماراپاتتالدى. بارلىق جەڭىمپازدارعا ديپلوم، العىسحاتتارمەن قاتار اقشالاي سىيلىقتار بەرىلدى.

ءداستۇرلى تۇردە جىل سايىن وتكىزىلىپ جۇرگەن بۇل ءىس-شارا مەملەكەتتىك ءتىل ساياساتىن ناسيحاتتاۋ بەلسەندىلىگىن ارتتىرىپ، تيىسىنشە ءتىلىمىزدىڭ دامۋىنا سەپتىگىن تيگىزەتىنى ءسوزسىز.

اbai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610