بەيسەنبى, 28 ناۋرىز 2024
ءوز ءسوزى 6089 0 پىكىر 25 ماۋسىم, 2016 ساعات 13:35

اۋىت مۇقيبەك: ون پايىز جەر ورالمانعا قالسىن!

قۇرمەتتى مۇحتار بولاتقانۇلى!

جەر رەفورماسى جونىندەگى ۇكىمەتتىڭ كوميسسياسىنىڭ ءسىز باسقاراتىن قۇقىقتىق توبى بۇگىن استاناداعى باسقوسۋىندا «قازاقستان ازاماتتارىنا جەردى جالعا 49 جىلعا دەيىن بەرۋگە بولادى» -دەگەن ءبىرىنشى ءپرينتسيپيالدى شەشىمىن قابىلداپتى. وتە قۋانىشتى جاڭالىق! قۇتتىقتايمىن!!!
بۇل شەشىم الداعى جەردە پارلامەنتتە دە تالقىلانىپ، «جەر كودەكسىنە» دە ەنەدى دەگەن سەنىمدەمىن.

وسىعان بايلانىستى سىزدەن مىنا ماسەلەنى دە قاپەرگە الۋىڭىزدى سۇرايمىن.

كوشى-قون – ۇلت كوشباسشىسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ تاۋەلسىزدىكتى الا سالىپ، نەبارى ون بەس-اق كۇننەن كەيىن جولعا قويعان تۇڭعىش ءھام ۇلى ساياساتى! نۇرسۇلتان ءابىشۇلىنىڭ كەمەڭگەر تۇلعا ەكەنىن تورتكۇل دۇنيەگە بىردەن تانىتقان – الىستا جۇرگەن اعايىندى اتاجۇرتقا شاقىرۋ تۋرالى شىعارعان وسى باتىل ءارى ءتاريحي شەشىمى! 2015 جىلعى 13 جەلتوقساندا اعىمداعى جىلدى قورىتىندىلاپ، جۋرناليستەرگە بەرگەن سۇحباتىندا جۋرناليستەرگە دا ن.نازارباەۆ: «مەن ادامداردىڭ كوبىرەك كەلگەنىن قالايمىن. قازىر جاعداي قيىنداۋ بولعانىمەن، دەگەنمەن دە كومەكتەسىپ جاتىرمىز. سوندىقتان بۇل باعىتتاعى ساياسات وزگەرمەيدى»، - دەدى.

دەمەك، كوشى-قون ساياساتى وزگەرمەيدى. قازىر بەيرەسمي دەرەكتەرگە قاراعاندا شەتتە بەس ميلليون قانداسىمىز بار. مۇمكىن ودان دا كوپ بولۋ كەرەك. الداعى جىلداردا ولار قازاقستانعا توقتاۋسىز كوشىپ كەلىپ وتىرادى.

سول ءۇشىن، رەسپۋبليكا بويىنشا اۋىلشارۋاشىلىعى ماقساتىنداعى جەر تەلىمدەرىنىڭ 10 پايىزىن، ال ورالمانداردى قونىستاندىرۋ ءۇشىن ۇكىمەت ايقىنداعان وڭىرلەردەگى جەر تەلىمدەرىنىڭ 15 پايىزىن شەتتەن كەلەتىن قانداستارىمىزدىڭ ۇلەسىنە قورعا قالدىرۋدى جەر كودەكسىنە ەندىرىپ، زاڭداستىرۋ كەرەك دەپ ەسەپتەيمىن!

ەگەر، جەر 49 جىلعا جەكە مەنشىككە بەرىلىپ كەتسە، كەلگەن قانداستارىمىزعا جەر تاپپاي قينالىپ قالاتىنى ءسوزسىز!

قوسىمشا دايەك ءۇشىن:

1
قازاقستان رەسپۋبليكاسىنىڭ جەر كودەكسى

قازاقستان رەسپۋبليكاسىنىڭ 2003 جىلعى 20 ماۋسىمداعى N 442 كودەكسى

46-باپ. ورالماندارعا جەر ۋچاسكەلەرiن بەرۋ

1. ورالماندارعا وزiندiك قوسالقى شارۋاشىلىق جۇرگiزۋ، باعباندىق جانە ساياجاي قۇرىلىسى ءۇشiن جەر ۋچاسكەلەرiن بەرۋ اۋىلدىق ەلدi مەكەندەردiڭ جەرiنەن، اۋىل شارۋاشىلىعى ماقساتىنداعى جەردەن، يمميگراتسيالىق جەر قورىنىڭ، ارنايى جەر قورىنىڭ جەرiنەن جانە بوسالقى جەردەن ۋاقىتشا وتەۋسiز جەر پايدالانۋ قۇقىعىمەن جۇزەگە اسىرىلادى.

2. ورالماندارعا شارۋا نەمەسە فەرمەر قوجالىعىن جانە تاۋارلى اۋىل شارۋاشىلىعى ءوندiرiسiن جۇرگiزۋ ءۇشiن جەر ۋچاسكەلەرiن بەرۋ اۋىل شارۋاشىلىعى ماقساتىنداعى جەردەن، ارنايى جەر قورىنىڭ، يمميگراتسيالىق جەر قورىنىڭ جەرiنەن جانە بوسالقى جەردەن ۋاقىتشا جەر پايدالانۋ قۇقىعىمەن جۇزەگە اسىرىلادى.

3. بەرiلگەن جەر ۋچاسكەلەرi قازاقستان رەسپۋبليكاسىنىڭ ازاماتتىعىن العاننان كەيiن وسى كودەكستە بەلگiلەنگەن تارتiپپەن جانە جاعدايلاردا ولاردىڭ جەكە مەنشiگiنە وتەدi.

4. ورالماندارعا بەرiلەتiن جەر ۋچاسكەلەرiنە وسى كودەكستiڭ 48-بابىنىڭ نورمالارى قولدانىلمايدى.

ەسكەرتۋ. 46-باپقا وزگەرىس ەنگىزىلدى - قر 2011.03.24 N 420-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

http://adilet.zan.kz/kaz/docs/K030000442_

 

2
حالىقتىڭ كوشى-قونى تۋرالى

قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭى

23-باپ. ورالماندارعا، ەتنيكالىق قازاقتارعا جانە ولاردىڭ وتباسى مۇشەلەرىنە ۇسىنىلاتىن مەملەكەتتىك قولداۋ شارالارى

...

3. ورالماندارعا جەكە قوسالقى شارۋاشىلىعىن جۇرگiزۋ، باعباندىقپەن اينالىسۋ، ساياجاي قۇرىلىسى ءۇشiن قازاقستان رەسپۋبليكاسىنىڭ جەر زاڭناماسىنا سايكەس اۋىلدىق ەلدi مەكەندەردiڭ جەرلەرىنەن، اۋىل شارۋاشىلىعى ماقساتىنداعى جەرلەردەن، يمميگراتسيالىق جەر قورىنان، ارنايى جەر قورىنان جانە بوسالقى جەرلەردەن ۋاقىتشا وتەۋسiز جەر پايدالانۋ قۇقىعىمەن جەر ۋچاسكەلەرi بەرiلەدi.

ورالماندارعا شارۋا نەمەسە فەرمەر قوجالىعىن جانە تاۋارلى اۋىل شارۋاشىلىعى ءوندiرiسiن جۇرگiزۋ ءۇشiن اۋىل شارۋاشىلىعى ماقساتىنداعى جەرلەردەن، ارنايى جەر قورىنان، يمميگراتسيالىق جەر قورىنان جانە بوسالقى جەردەن ۋاقىتشا جەر پايدالانۋ قۇقىعىمەن جەر ۋچاسكەلەرi بەرiلەدi.

http://adilet.zan.kz/kaz/docs/Z1100000477

 

3
ورالماندار مەن قونىس اۋدارۋشىلاردى قونىستاندىرۋ ءۇشىن وڭىرلەردى ايقىنداۋ تۋرالى

 

قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى № 83 قاۋلىسى

قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى № 83 قاۋلىسىنا 1-قوسىمشا

 

ورالمانداردى قونىستاندىرۋ ءۇشىن وڭىرلەر

1. اقمولا وبلىسى.

2. اتىراۋ وبلىسى.

3. شىعىس قازاقستان وبلىسى.

4. باتىس قازاقستان وبلىسى.

5. قوستاناي وبلىسى.

6. پاۆلودار وبلىسى.

7. سولتۇستىك قازاقستان وبلىسى.

 

قۇرمەتپەن،
اۋىت مۇقيبەك
24.06.2016 استانا

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530