جۇما, 29 ناۋرىز 2024
مايەكتى 5837 0 پىكىر 29 ماۋسىم, 2016 ساعات 11:39

ىستامبۇلدا تاعى دا تەراكت. سودىرلار سويقان سالدى

شۇعىل! 28-ماۋسىم كۇنى ىستامبۇلدىڭ «اتاتۇرىك» حالىقارالىق اۋەجايىندا يشيم سودىرلارى تەراكتى جاسادى،-دەپ حابارلايدى تۇركيالىق «Akifhaber.com» پورتالى.

تۇركيا رەسپۋبليكاسىنىڭ ادىلەت ءمينيسترى بەكىر بوزداقتىڭ حابارلاۋىنشا، لاڭكەستىك وقيعا سالدارىنان اۋەجاي ماڭىندا بولعان 31 ادام قازا تاۋىپ، 147-ءى جاراقات العان.

Associated Press اگەنتتىگىنىڭ مالىمەتتەرىنە سۇيەنسەك، جارىلىس سالدارىنان قازىر قازا تاپقانداردىڭ سانى 52 ادامعا جەتكەن. دەسەدە تۇركيانىڭ قۇزىرلى ورگاندارى بۇل مالىمەتتى راستاعان جوق.  تۇركيا ءسىم دەرەكتەرىندە قازا تاپقانداردىڭ باسىم كوپشىلىگى تۇركيا ازاماتتارى بولعاندىعى ايتىلعان. سونداي-اق، حالىقارالىق اۋەجاي ىشىندە بولعان شەتەلدىك ازاماتتار دا بار.

ىستامبۇل قالاسىنىڭ باسشىسى ۆاسىپ ءشاحيننىڭ مالىمدەۋىنشە، تەراكتى 28-ماۋسىم كۇنى ساعات 22:00-دە بولعان. لاڭكەستەر اۋەجايدىڭ ءۇش نۇكتەسىندە جارىلىس جاساعان. اۋەلى اۋەجايدىڭ كىرە بەرىس  تۇسىندا، سوسىن شىعۋ پۋنكتى ماڭىندا جانە اۋەجايدىڭ اۆتوتۇراعىندا بومبالار جارىلعان. ۆاسىپ ءشاحيننىڭ ايتۋىنشا جارىلىستى جاساعان كۇدىكتىلەر انىقتالۋدا. قازىرگە بەلگىلى بولجامدار بويىنشا بومبا قويعاندار 4 ادام بولۋى مۇمكىن. قالا باسشىسىنىڭ مالىمدەمەسىندە تەراكتىنى يشيم سودىرلارى جاساۋى مۇمكىندىگى دە ايتىلعان.

قايعىلى وقيعاعا بايلانىستى قازاقستاننىڭ پرەمەر-ءمينيسترى كارىم ءماسىموۆ «تۆيتتەر» جەلىسى ارقىلى كوڭىل ايتقان.

قازاقستان سىرتقى ىستەر مينيسترلىگىنىڭ حابارلاۋىنشا «اتاتۇرىك» اۋەجايىنداعى جارىلىستار كەزىندە قازا تاپقانداردىڭ اراسىندا قازاقستان ازاماتتارى جوق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616