مۇڭعۇليانىڭ بايان ولگەي ايماعىندا 11 شىلدەدە قاتتى نوسەر جاۋىپ، سەل ءجۇرىپ سونىڭ كەسىرىنەن ونداعان وتباسى زارداپ شەككەن. ءارتۇرلى بەيرەسمي دەرەكتەرگە قاراعاندا، جۇزگە جۋىق ۇيدە سەل شايىپ، ادام شىعىنى دا بولعان. توتەنشە جاعدايدان سوڭ، الەۋمەتتىك جەلىدە الىستاعى اعايىنعا جىلۋ جيناۋ شاراسى باستالدى. ىلە قازاقستان ۇكىمەتى دە بايان ولگەيدەگى سەلدىڭ زاردابىن تارتقان اعايىنعا كومەك بەرىلەتىنىن حابارلانعان. ۇكىمەت باسشىسى كارىم ءماسىموۆ مۇڭعۇليا استاناسى – ۋلاانباتااردا وتەتىن «ازيا-ەۋروپا» سامميتىنە بارا جاتقان جول بايان ولگەيگە ايالداپ، وسى ايماقتا قونىستانعان قازاق جۇرتىمەن جۇزدەستى. ايماقتاعى ورتالىق الاڭدا حالىقپەن كەزدەسكەن ءماسىموۆ مەملەكەتتىك تىلدە – قازاق تىلىندە ءسوز سويلەگەن.

ول ءوز سوزىندە ءبىر-ەكى كۇننىڭ ىشىندە توتەنشە جاعدايعا بايلانىستى قازاقستان تاراپى قارجىلاي كومەك بەرەتىنىن ايتقان. قارجىلاي كومەكتىڭ ناقتى مولشەرى ازىرگە بەلگىسىز. ال، بايان ولگەيدەگى قازاقتار كارىم ماسىموۆە جاپان شاۋىپ، ات مىنگىزىپ قۇرمەت كورسەتكەن.

قوعامدىق نەگىزدى قارجىلاي جىلۋ جيناپ جاتقان ازاماتتار دا بايان ولگەيگە بارىپ، حالىقتان جينالعان قاراجاتتى مۇقتاج جاندارعا تاراتپاقشى.

ۆيدەو نۇربول قاعاناتتىڭ facebook پاراقشاسىنان، فوتولار مارفۋعا شاپياننىڭ facebook پاراقشاسىنان الىندى.

نۇرا ماتاي

Abai.kz